فوتو: اقوردا
مەملەكەت باسشىسىنا كونستيتۋتسيالىق كوميسسيانىڭ بۇعان دەيىن وتكەن وتىرىستارىنىڭ ناتيجەسى تۋرالى مالىمەت بەرىلدى. ەلۆيرا ءازىموۆا كوميسسيا قىزمەتىنىڭ اشىقتىعىن قامتاماسىز ەتۋ ماقساتىندا بارلىق وتىرىس مەديا كەڭىستىكتە, سونىڭ ىشىندە ارنايى تەلەگرامم ارنالارى ارقىلى تىكەلەي كورسەتىلىپ جاتقانىن باياندادى.
كونستيتۋتسيالىق رەفورما جونىندەگى كوميسسيانىڭ العاشقى وتىرىسى باستالدى
كونستيتۋتسيالىق كوميسسيا توراعاسى جارتى جىل بويى كونستيتۋتسيالىق رەفورمالاردى قوعامدىق تالقىلاۋ وتكىزىلگەنىن ايتتى. ەلەكتروندى پلاتفورماعا ازاماتتاردان, قۇقىقتانۋشى عالىمداردان, ساراپشىلاردان, زاڭگەرلەردەن, ساياسي پارتيالاردان, ۇكىمەتتىك ەمەس ۇيىمداردان, كاسىپتىك جانە بيزنەس قاۋىمداستىقتاردان 2 مىڭنان اسا ۇسىنىس پەن باستاما كەلىپ تۇسكەن.
ەلۆيرا ازيموۆا كونستيتۋتسيالىق رەفورمانىڭ باستى ماقساتى مەن مىندەتتەرىن اتادى
وسىعان دەيىنگى وتىرىستاردا كوميسسيا مۇشەلەرى كونستيتۋتسيا پرەامبۋلاسىنىڭ تۇبەگەيلى جاڭا رەداكتسياسىن, بىرقاتار باپتاردى جانە بولىمدەردى ازىرلەپ, قاراستىردى.
مەملەكەت باسشىسى الداعى كونستيتۋتسيالىق رەفورما ەلىمىزدىڭ دامۋىنا تىڭ سەرپىن بەرەتىنىن اتاپ ءوتتى. ال كوميسسيا جۇمىسى كونستيتۋتسيالىق رەفورمالاردى ىسكە اسىرۋدا وتە ماڭىزدى ءرول اتقاراتىنىن جەتكىزدى.
كونستيتۋتسيالىق رەفورما: اتا زاڭنىڭ قاي باپتارى قايتا قارالادى؟
