فوتو: nitec.kz
جاڭا سەرۆيس تۇرعىن ءۇي جىلجىمايتىن مۇلكىن جانە كورشىلەر الدىنداعى جاۋاپكەرشىلىكتى تولىقتاي ونلاين فورماتتا ساقتاندىرۋعا مۇمكىندىك بەرەدى. ساقتاندىرۋ تۇرمىستا ءجيى كەزدەسەتىن نەگىزگى تاۋەكەلدەردى, سونىڭ ىشىندە ءورت, جارىلىس جانە سۋ باسۋ سالدارىنان كەلتىرىلگەن زالالدى قامتيدى. پوليس اي سايىنعى جازىلۋ فورماتى بويىنشا راسىمدەلەدى, بۇل قىزمەتتى يكەمدى ءارى قولجەتىمدى ەتەدى.
«Tumar Home» سەرۆيسى eGov Mobile قوسىمشاسىنا ينتەگراتسيالانىپ, ازاماتتارعا ءوز مۇلكىن قورعاۋ مۇمكىندىگىن ۇسىنادى.
«ۇات» اق باسقارما توراعاسى داۋلەت بەكمانوۆتىڭ ايتۋىنشا, ساقتاندىرۋدى راسىمدەۋ تۋرالى شەشىم پايدالانۋشىنىڭ ءوز ەركىندە. ال «ۇات» اق كومانداسى سەرىكتەستەرمەن بىرلەسىپ سەرۆيستىڭ ءموبيلدى قوسىمشا ەكوجۇيەسىنە ىڭعايلى ءارى قاۋىپسىز ەنگىزىلۋىن قامتاماسىز ەتتى.
ساقتاندىرۋ ءپوليسىن راسىمدەۋ ءۇشىن پايدالانۋشى eGov Mobile قوسىمشاسىندا اۆتوريزاتسيادان ءوتىپ, «حابارلامالار» – «حابارلاندىرۋلار» ءبولىمى ارقىلى «Tumar Home» سەرۆيسىن تاڭدايدى. ودان كەيىن دەربەس دەرەكتەردى وڭدەۋگە كەلىسىم بەرىپ, قاجەتتى مالىمەتتەردى تولتىرىپ, ساقتاندىرۋ جارناسىن تولەيدى.
بۇل تۋرالى nitec.kz مالىمەتىنشە, ساقتاندىرۋعا جازىلۋ قۇنى ايىنا 1 500 تەڭگە. تولەمدەردىڭ جالپى سوماسى 500 مىڭ تەڭگەگە دەيىن جەتەدى. ونىڭ 250 مىڭ تەڭگەسىنە دەيىن م ۇلىككە كەلتىرىلگەن زالالدى وتەۋگە, ال تاعى 250 مىڭ تەڭگەسىنە دەيىن ءۇشىنشى تۇلعالارعا كەلتىرىلگەن زياندى وتەۋگە باعىتتالادى.
بۇل ءونىمدى ىسكە اسىرۋعا Freedom Insurance, Basel جانە Alatau City Garant ساقتاندىرۋ كومپانيالارى قاتىسادى. تاڭدالعان كومپانياعا قاراماستان, ساقتاندىرۋ شارتتارى مەن پوليس قۇنى بارلىق پايدالانۋشى ءۇشىن بىردەي.
ء«بىز ساقتاندىرۋدى تسيفرلىق ىڭعايلىلىقتىڭ جاڭا دەڭگەيىنە شىعارعانىمىزعا قۋانىشتىمىز. «Tumar Home» – ەڭ ءجيى كەزدەسەتىن تۇرمىستىق تاۋەكەلدەردى قامتيتىن قاراپايىم, قولجەتىمدى ءارى ءتيىمدى ءونىم. eGov Mobile-مەن ينتەگراتسيا ساقتاندىرۋدى بىرنەشە قاداممەن راسىمدەۋگە مۇمكىندىك بەرەدى», دەدى «Tumar» ساقتاندىرۋ بروكەرى» جشس وكىلدەرى.
سەرۆيس جىلجىمايتىن م ۇلىكتى ەندى راسىمدەگەن ازاماتتارعا قولجەتىمدى. مەنشىك قۇقىعى تىركەلگەننەن كەيىن پايدالانۋشىلار eGov Mobile قوسىمشاسىندا ساقتاندىرۋدى راسىمدەۋ تۋرالى حابارلاندىرۋ الادى. پوليس بىرنەشە مينۋتتا, تولىقتاي تسيفرلىق فورماتتا راسىمدەلەدى. بۇل قاعاز قۇجاتتاردان باس تارتىپ, پروتسەستىڭ قاراپايىم ءارى قاۋىپسىز بولۋىن قامتاماسىز ەتەدى. سەرۆيس مەملەكەتتىك ەلەكتروندىق قىزمەتتەر ەكوجۇيەسىنە بىرىكتىرىلگەندىكتەن, ازاماتتار م ۇلىكتىك جانە اكىمشىلىك ماسەلەلەردى ءبىر قوسىمشا ارقىلى قاتار شەشە الادى.
