تۇرعىن ۇيگە ارنالعان زاڭدار قارالادى

پالاتانىڭ الداعى وتىرىسىندا سەناتورلار «قازاقستان رەسپۋب­لي­كاسىنىڭ ۇكىمەتى مەن ورەس حا­لىق­ارالىق دامۋ قورى ارا­سىن­­­داعى جەكە سەكتورداعى وپە­را­تسيا­­لاردى ۇيىمداستىرۋ تۋرا­لى نە­گىز­­دەمەلىك كەلىسىمدى راتيفي­كا­تسيا­­لاۋ تۋرالى» زاڭدى قاراي­دى. كە­لى­سىم ۇزاق مەرزىمدى قارجى­لان­­دى­­­رۋعا, ينۆەستيتسيالار­دى قور­عاۋ­­­عا, سون­داي-اق ىنتىماقتاس­تىق­تىڭ يكەمدى شارتتارىنا كەپىلدىك بەرەدى.

بيۋرو وتىرىسىندا اتالىپ وتكەندەي, اتالعان زاڭ ارقى­لى ورەس حالىقارالىق دامۋ قورى­نىڭ قارىزدارىن, كەپىلدىكتەرىن, تاعى باسقا دا قۇرالدارىن الۋعا جاردەمدەسۋ ءۇشىن تۇراقتى نەگىز قۇرۋ ارقىلى ەلىمىزدىڭ قارجىلىق ىنتىماقتاستىعى مەن ورنىقتى ەكونوميكالىق دامۋىن ىنتالاندىرۋ كوزدەلىپ وتىر.

سونداي-اق سەنات دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كۇزەت قىزمەتى, تۇرعىن ءۇي قاتى­ناستارى جانە قۇقىق قورعاۋ قىز­مەتى ماسەلەلەرى بويىنشا وزگە­رىستەر مەن تولىقتىرۋلار ەنگىزۋ تۋرالى» زاڭدى قارايدى. زاڭنىڭ نەگىزگى ماقساتى – كۇزەت قىز­مەتىن جۇزەگە اسىراتىن سۋبەك­تىلەردىڭ قىزمەتىن جەتىل­دىرۋ, قارۋ يەلەرىنە قويىلاتىن تالاپ­تاردى كۇشەيتۋ, قۇقىق قورعاۋ ورگاندارىنىڭ, ارناۋلى مەملەكەتتىك ورگاندار­دىڭ, ازاماتتىق قورعاۋ ورگان­دارى­نىڭ قىزمەتكەرلەرىن, اسكەري قىزمەتشىلەردى تۇرعىن ۇيمەن قامتاماسىز ەتۋ جانە تۇرعىن ءۇي تولەمدەرىن جۇزەگە اسىرۋ ءتارتىبىن جەتىلدىرۋ. سونداي-اق زاڭدى شامادان تىس ناقتىلايتىن نورمالاردى الىپ تاستاۋ, ولاردى ۇكىمەت اكتىلەرى دەڭگەيىنە اۋىستىرۋ قاراستىرىلعان.

سونىمەن قاتار سەناتورلار بۇعان دەيىن ءماجىلىس قابىلدا­عان زاڭداردى جۇمىس ءۇشىن پالاتا­نىڭ تۇراقتى كوميتەتتەرىنە ءبولىپ بەردى.