فوتو: ءماجىلىستىڭ ءباسپاسوز قىزمەتى
دەپۋتاتتىڭ ايتۋىنشا, قازىرگى قوعامداعى قوعامدىق ديالوگ الاڭدارى كەيدە جالپىۇلتتىق مۇددەنى تولىق قامتاماسىز ەتە الماي وتىر. سول سەبەپتى كونستيتۋتسيادا حالىق كەڭەسىن بەكىتۋ – وبەكتيۆتى قاجەتتىلىك. بۇل قۇرىلىم ازاماتتاردىڭ زاڭ شىعارۋ ۇدەرىسىنە جۇيەلى ءارى تىكەلەي قاتىسۋىنا مۇمكىندىك بەرەدى.
«بۇگىنگى قوعام – بەلسەندى جانە تالاپشىل. ەندى شاشىراندى ديالوگ الاڭدارى, ءتۇرلى قوعامدىق پلاتفورمالار كەي جاعدايدا تۇتاس جالپىۇلتتىق مۇددە مەن تالقىلاۋدى قامتاماسىز ەتە المايدى. سوندىقتان ۇسىنىلعان حالىق كەڭەسى – ءفورمالدى جاڭالىق ەمەس, وبەكتيۆتى قاجەتتىلىك», دەدى ماكسيم روجين.
سونىمەن قاتار دەپۋتات حالىق كەڭەسىنىڭ قۇرامىنا ەتنوستاردىڭ, وڭىرلەردىڭ جانە قوعامدىق ۇيىمداردىڭ وكىلدەرى كىرەتىنىن اتاپ ءوتتى. بۇل كەڭەستى مەملەكەت پەن قوعام اراسىنداعى التىن كوپىرگە اينالدىرىپ, ۇلتتىق بىرلىكتى ناقتى ىسپەن قامتاماسىز ەتۋگە جول اشادى. ماكسيم ءروجيننىڭ پايىمداۋىنشا, كەڭەس زاڭ جوبالارى, ىشكى ساياسات جانە رەفەرەندۋم وتكىزۋ ماسەلەلەرى بويىنشا ۇسىنىس جاساۋ قۇقىعىن يەلەنىپ, ۇلتتىق جانە الەمدىك تاجىريبەدە تيىمدىلىگىن دالەلدەگەن وزىق مودەلگە اينالادى.
يسيدور بورچاشۆيلي: كونستيتۋتسيالىق رەفورما – قۇقىقتىق بىرلىك پەن ادامعا باعدارلانعان تاڭداۋ
بايانداماسىندا دەپۋتات بيلىك تارماقتارىنىڭ جاۋاپكەرشىلىگىن كۇشەيتۋگە باعىتتالعان تۇزەتۋلەرگە دە توقتالدى. ۇسىنىلعان وزگەرىستەر «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» قاعيداتىن ناقتى مازمۇنمەن تولىقتىرادى.
قورىتىندىلاي كەلە, ماكسيم روجين ۇسىنىلىپ وتىرعان كونستيتۋتسيالىق تۇزەتۋلەر مەملەكەتتىلىكتى ەۆوليۋتسيالىق جولمەن نىعايتىپ, قوعام مەن بيلىك اراسىنداعى ءتيىمدى بايلانىستى قامتاماسىز ەتەتىنىن ايتىپ, كوميسسيا مۇشەلەرىن بۇل باستامالاردى قولداۋعا شاقىردى.
گۇلزيرا اتاباەۆا: زايىرلى ءبىلىم – جاس ۇرپاقتىڭ ەركىن دامۋىنىڭ كەپىلى
