فوتو: ekaraganda.kz
ونىڭ ايتۋىنشا, قاراستىرىلىپ جاتقان كونستيتۋتسيالىق باستامالار ءوزارا لوگيكالىق تۇرعىدان ۇيلەسىپ, دۇنيەتانىمدىق نەگىزدەردەن باستاپ تسيفرلىق داۋىردەگى جەكە تۇلعانى قورعاۋعا دەيىنگى كەپىلدىكتەردىڭ تۇتاس جۇيەسىن قالىپتاستىرادى. اسىرەسە ءبىلىم بەرۋدىڭ زايىرلى سيپاتىن ناقتى بەكىتۋ جانە ءدىندى مەملەكەتتەن ءبولۋ قاعيداتتارىن اتا زاڭ دەڭگەيىندە ايقىنداۋ ۋاقىت تالابىنان تۋىنداپ وتىر.
گۇلزيرا اتاباەۆا ءبىلىم بەرۋدىڭ زايىرلى سيپاتىن بەكىتۋ جاستار ءۇشىن تەك يدەولوگيالىق ەمەس, ناقتى پراكتيكالىق ءمانى بار ەكەنىن اتاپ ءوتتى.
«جاستار ءۇشىن بۇل ابستراكتىلى ەمەس, پراكتيكالىق ماسەلە. مەكتەپ – بۇل تەڭ مۇمكىندىكتەر مەن داستۇرلەردى قۇرمەتتەۋ كەڭىستىگى. كونستيتۋتسياداعى تىكەلەي نورما تاربيە مەن ءبىلىم بەرۋ جۇيەسى ءۇشىن ايقىن باعدار بولادى», دەدى ول.
ايداربەك قوجانازاروۆ: كونستيتۋتسيالىق رەفورما – جاس ۇرپاققا باعىت, ەكونوميكاعا سەرپىن
سونداي-اق ءدىندى مەملەكەتتەن ءبولۋ قاعيداتىن كونستيتۋتسيالىق دەڭگەيدە ناقتىلاۋ قوعامدىق كەلىسىمدى نىعايتۋعا قىزمەت ەتەدى. ونىڭ پىكىرىنشە, بۇل ءارتۇرلى كوزقاراس پەن نانىم-سەنىمگە يە جاستار ءۇشىن مەملەكەتتىڭ بەيتاراپ ءارى بارىنە تەڭ قاتىناس ۇستاناتىنىنىڭ كەپىلى.
«بۇل جاستار ءۇشىن ءتۇرلى كوزقاراس پەن نانىم-سەنىمگە قاراماستان, مەملەكەتتىڭ بارىنە بەيتاراپ جانە تەڭ بولىپ قالۋىنىڭ كەپىلى. وسىنداي سەزىمتال سالاداعى كونستيتۋتسيالىق نورمانىڭ ايقىندىلىعى قوعامدىق كەلىسىم مەن بيلىك ينستيتۋتتارىنا دەگەن سەنىمدى نىعايتادى», دەدى ول.
«كەلەشەك» جاستار كەڭەسىنىڭ باسشىسى شىعارماشىلىق ەركىندىك, ءسوز بوستاندىعى جانە زياتكەرلىك مەنشىكتى قورعاۋ كەپىلدىكتەرىن كۇشەيتۋگە باعىتتالعان باستامالاردى دا تولىق قولدايتىنىن جەتكىزدى. ونىڭ ايتۋىنشا, قازىرگى جاستار يدەيالار, تسيفرلىق كونتەنت پەن يننوۆاتسيالار ورتاسىندا ءومىر ءسۇرىپ جاتىر, ال زياتكەرلىك ەڭبەكتى سەنىمدى قورعامايىنشا عىلىمدى, مادەنيەتتى جانە شىعارماشىلىق ەكونوميكانى دامىتۋ مۇمكىن ەمەس.
«قازىرگى جاستار يدەيالار, كونتەنت جانە يننوۆاتسيالار ورتاسىندا ءومىر سۇرەدى. زياتكەرلىك ەڭبەكتى ناقتى قورعاۋسىز عىلىمدى, مادەنيەتتى جانە شىعارماشىلىق ەكونوميكانى دامىتۋ مۇمكىن ەمەس. بۇل قاعيداتتاردى كونستيتۋتسيالىق بەكىتۋ – ەلدىڭ زياتكەرلىك الەۋەتىنە ينۆەستيتسيا», دەدى سپيكەر.
قورىتىندىلاي كەلە, گۇلزيرا اتاباەۆا كونستيتۋتسياعا زاماناۋي ۇعىمداردى ەنگىزۋ تسيفرلاندىرۋ مەن جاساندى ينتەللەكت قارقىندى دامىعان كەزەڭدە قازاقستاننىڭ ورنىقتى ءارى تابىستى دامۋىنا جول اشاتىنىن اتاپ ءوتتى. ونىڭ پىكىرىنشە, ۇسىنىلىپ وتىرعان وزگەرىستەر قوعامنىڭ ايقىن ەرەجەلەرگە, بولاشاققا سەنىممەن قارايتىن كۇشتى جانە ءادىل مەملەكەتكە دەگەن سۇرانىسىن تولىق ءارى ءدال بەينەلەيدى.
يسيدور بورچاشۆيلي: كونستيتۋتسيالىق رەفورما – قۇقىقتىق بىرلىك پەن ادامعا باعدارلانعان تاڭداۋ
