ۆيدەودان سكرينشوت
الەۋمەتتىك جەلىدە تاراعان ۆيدەودان Chevrolet Cobalt جانە Changan ماركالى اۆتوكولىكتەردى جالىن تولىق شارپىعانىن كورۋگە بولادى.
ءورت كەزىندە قازا تاپقان بەس جاسار قىزدىڭ اناسى قاماۋعا الىندى
اباي وبلىستىق پوليتسيا دەپارتامەنتىنىڭ ءباسپاسوز قىزمەتىنىڭ مالىمەتىنشە, كۇدىكتى – 66 جاستاعى جەرگىلىكتى تۇرعىن, بۇرىن سوتتالعان. ءورت قويۋ ساتىندە ول الكوگولدىك ماس كۇيدە بولعان.
«بۇرىن سوتتالعان جەرگىلىكتى تۇرعىن ماس كۇيىندە ۋچاسكەلىك پۋنكت ماڭىندا پوليتسيا قىزمەتكەرلەرىنە تيەسىلى Chevrolet Cobalt جانە Changan اۆتوكولىكتەرىن ورتەپ جىبەرگەن», دەپ حابارلادى ۆەدومستۆو وكىلدەرى.
پوليتسيا قىزمەتكەرلەرى وقيعا ورنىنا جەدەل تۇردە جەتىپ, كۇدىكتىنى ۇستادى. ول ۋاقىتشا ۇستاۋ يزولياتورىنا قامالدى. اتالعان دەرەك بويىنشا سوتقا دەيىنگى تەرگەپ-تەكسەرۋ باستالدى.
قۇقىق قورعاۋ ورگاندارى كۇدىكتىنىڭ ارەكەتى مەملەكەتتىك ورگانعا تيەسىلى م ۇلىكتى قاساقانا جويۋ رەتىندە سارالاناتىنىن, بۇل اۋىر قىلمىستىق جاۋاپكەرشىلىككە اكەپ سوعاتىنىن اتاپ ءوتتى.
اتالعان جاعداي قوعامدا كەڭىنەن تالقىلانىپ جاتىر. الەۋمەتتىك جەلى قولدانۋشىلارى پوليتسيا كولىكتەرىن ورتتەۋ – اسا ورەسكەل ءارى قاۋىپتى قىلمىس ەكەنىن ايتىپ, نارازىلىق بىلدىرگەن. ساراپشىلار مۇنداي وقيعالار ماس كۇيىندە جاسالاتىن قۇقىقبۇزۋشىلىقتاردىڭ الدىن الۋ جانە بۇرىن سوتتالعان ازاماتتارمەن پروفيلاكتيكالىق جۇمىستى كۇشەيتۋ قاجەتتىگىن كورسەتەتىنىن ايتادى.
قاراسۋ اۋدانىنداعى ورتەنگەن ءۇيدى قالپىنا كەلتىرۋ جۇمىسى قالاي ءجۇرىپ جاتىر؟
