فوتو: اقوردا
«تەحنولوگيانىڭ قارقىندى دامۋى اقپاراتتىق كەڭىستىكتىڭ تۇبەگەيلى ترانسفورماتسياسىنا جول اشادى. قوعامدى جىككە ءبولىپ, ازاماتتاردى ءبىر-بىرىنە قارسى قوياتىن دەسترۋكتيۆتى اقپارات تاراتۋعا بەيىل ادامدار دا بار. مۇنىڭ ءبارى وشپەندىلىككە باستايتىن ەشكىمگە قاجەتسىز, ءتىپتى قاۋىپتى پىكىرتالاسقا جالعاسادى. جاساندى ينتەللەكتىنى وسىنداي ادامدار اقپاراتتىق قارۋعا اينالدىرىپ, زاڭعا قايشى كەلەتىن كونتەنتتەردى كوپتەپ تاراتا باستايدى. بۇعان جول بەرۋگە بولمايدى. ونداي ارەكەتتەرگە قۇقىقتىق باعا بەرىپ, جاۋاپكەرشىلىككە تارتۋ قاجەت. ازاماتتارعا دەسترۋكتيۆتى كونتەنتتى تاراتۋدىڭ قۇقىقتىق سالدارى جونىندە ۇنەمى ءتۇسىندىرۋ جۇمىستارىن جۇرگىزگەن ءجون», دەدى قاسىم-جومارت توقاەۆ.
سونىمەن قاتار پرەزيدەنت ءوز سوزىندە وتانشىلدىق پەن اسىرەۇلتشىلدىقتىڭ اراجىگىن بىلۋگە شاقىردى.
«ۇلتتىق قۇرىلتاي وتىرىسىندا مەن وتانشىلدىق ۇعىمى تۋرالى پىكىرىمدى ايتتىم. وتانشىلدىق, بۇل جاي ۇران ەمەس, وتانشىلدىق دەگەنىمىز – قاسيەتتى سەزىم, مۇنىڭ اسىرەۇلتشىلدىققا ەش قاتىسى جوق. قازاقستاندا ءبىز وتانشىلدىق ۇعىمىنا جاۋاپكەرشىلىك جانە جاسامپازدىق تۇرعىسىنان قاراۋىمىز كەرەك, ياعني وتانشىل ازامات ەڭ الدىمەن جاۋاپكەرشىلىگى جوعارى جانە جاسامپاز ازامات بولۋعا ءتيىس. وتانعا دەگەن سۇيىسپەنشىلىك – ساياسي ۇپاي جيناۋ نەمەسە قىزمەتتىك مانساپ جاساۋ ەمەس, بۇل – وتانىڭا جاقسىلىق جاساۋ, ەلىڭە پايدا اكەلۋ دەگەن ءسوز», دەدى مەملەكەت باسشىسى.
سونىمەن قاتار جيىندا باس پروكۋرور بەرىك اسىلوۆ, پرەمەر-ءمينيستردىڭ ورىنباسارى – جاساندى ينتەللەكت جانە تسيفرلىق دامۋ ءمينيسترى جاسلان ماديەۆ, پرەزيدەنتتىڭ كومەكشىسى قۋانىشبەك ەسەكەەۆ, ىشكى ىستەر ءمينيسترى ەرجان سادەنوۆ ءسوز سويلەدى.
مەملەكەت باسشىسى: قۇقىق قورعاۋ جۇيەسىن تسيفرلاندىرۋ جۇيەسىز جۇرگىزىلىپ جاتىر
جيىندا قاسىم-جومارت توقاەۆ پروكۋراتۋرا قىزمەتكەرىنىڭ زاڭنىڭ بۇزىلۋىنا سەلقوس قاراۋعا قۇقىعى جوق ەكەنىنە نازار اۋداردى.
