قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى  №230

2015 جىلعى 23 ءساۋىر,  استانا قالاسى جوعارى وقۋ ورىندارىنىڭ پروفەسسور-وقىتۋشى قۇرامى مەن عىلىمي قىزمەتكەرلەردىڭ لاۋازىمدارعا كونكۋرستىق  ورنالاسۋى قاعيدالارىن بەكىتۋ تۋرالى «ءبىلىم تۋرالى» قازاقستان رەسپۋبليكاسىنىڭ 2007 جىلعى 27 شىلدەدەگى زاڭىنىڭ 5-بابىنىڭ 36) تارماقشاسىنا سايكەس بۇيىرامىن: 1. قوسا بەرىلىپ وتىرعان جوعارى وقۋ ورىندارىنىڭ پروفەسسور-وقىتۋشى قۇرامى مەن عىلىمي قىزمەتكەرلەردىڭ لاۋازىمدارعا كونكۋرستىق ورنالاسۋى قاعيدالارى بەكىتىلسىن. 2. جوعارى, جوعارى وقۋ ورنىنان كەيىنگى ءبىلىم جانە حالىقارالىق ىنتىماقتاستىق دەپارتامەنتى (ج.ق. شايماردانوۆ) زاڭنامادا بەلگىلەنگەن تارتiپپەن: 1) وسى بۇيرىقتىڭ قازاقستان رەسپۋبليكاسى ادiلەت مينيسترلiگiندە مەملەكەتتiك تiركەلۋىن; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتiك تiركەۋدەن وتكەننەن كەيىن رەسمي جاريالاۋدى; 3) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ءبىلىم جانە عىلىم ۆيتسە-ءمينيسترى ت.و. بالىقباەۆقا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن قولدانىسقا ەنگىزىلەدى. مينيستر ا.ءسارىنجىپوۆ. قازاقستان رەسپۋبليكاسى ءبىلىم جانە عىلىم ءمينيسترىنىڭ 2015 جىلعى 23 ساۋىردەگى №230 بۇيرىعىمەن بەكىتىلگەن جوعارى وقۋ ورىندارىنىڭ پروفەسسور-وقىتۋشى قۇرامى مەن عىلىمي قىزمەتكەرلەرىنىڭ لاۋازىمدارعا كونكۋرستىق ورنالاسۋى قاعيدالارى 1. جالپى ەرەجەلەر 1. وسى جوعارى وقۋ ورىندارىنىڭ پروفەسسور-وقىتۋشى قۇرامى مەن عىلىمي قىزمەتكەرلەرىنىڭ لاۋازىمدارعا كونكۋرستىق ورنالاسۋى قاعيدالارى (بۇدان ءارى – قاعيدالار) «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ (بۇدان ءارى - زاڭ) 5-بابىنىڭ 36) تارماعىنا سايكەس ازىرلەنگەن جانە مەنشىك نىسانىنا قاراماستان جوعارى وقۋ ورىندارىنىڭ شتاتتىق كەستەسىندە قاراستىرىلعان (بۇدان ءارى – شتاتتاعى لاۋازىمدار) جوعارى وقۋ ورىندارىنىڭ پروفەسسور-وقىتۋشى قۇرامى مەن عىلىمي قىزمەتكەرلەرىنىڭ لاۋازىمدارعا كونكۋرستىق ورنالاسۋى ءتارتىبىن انىقتايدى. 2. جوعارى وقۋ ورىندارىنىڭ پروفەسسور-وقىتۋشى قۇرامى مەن عىلىمي قىزمەتكەرلەرىنىڭ لاۋازىمدارعا كونكۋرستىق ورنالاسۋى بوس لاۋازىم ورىنى بار جوعارى وقۋ ورنىمەن (بۇدار ءارى - جوو) جۇزەگە اسىرىلادى. 3. جوعارى وقۋ ورىندارىنىڭ پروفەسسور-وقىتۋشىلار قۇرامى مەن عىلىمي قىزمەتكەرلەرىنىڭ لاۋازىمدارعا كونكۋرستىق ورنالاسۋىنا ءتيىستى بەيىندەرى بويىنشا جوعارى نەمەسە جوعارى وقۋ ورنىنان كەيىنگى ءبىلىمى بار «پەداگوگ قىزمەتكەرلەر مەن ولارعا تەڭەستىرىلگەن تۇلعالاردىڭ لاۋازىمدارىنىڭ ۇلگىلىك بىلىكتىلىك سيپاتتامالارىن (بۇدان ءارى – ۇلگىلىك بىلىكتىلىك سيپاتتامالارى) بەكىتۋ تۋرالى» 2009 جىلعى 13 شىلدەدەگى № 338 قازاقستان رەسپۋبليكاسى ءبىلىم جانە عىلىم ءمينيسترىنىڭ بۇيرىعىمەن بەكىتىلگەن تالاپتارعا سايكەس ادامدار جىبەرىلەدى (نورماتيۆتىك قۇقىقتىق اكتىنىڭ مەملەكەتتىك تىركەۋدىڭ تىزىلىمىنە № 5750 تىركەلگەن) ونەر, مادەنيەت جانە سپورت سالاسىنداعى جوعارى وقۋ ورىندارىنىڭ قاۋىمداستىرىلعان پروفەسسورلار (دوتسەنت), پروفەسسورلار لاۋازىمدارىنا ورنالاسۋ كونكۋرسىنا ءتيىستى عىلىمي اتاعى مەن عىلىمي دارەجەسى جوق, بىراق وسى ماماندىق بويىنشا تانىلعىن جەتىستىكتەرگە يە ماماندار جىبەرىلەدى. 2. كونكۋرس تۋرالى حابارلاندىرۋ 4. جوعارى وقۋ ورىندارىندا پروفەسسور-وقىتۋشى قۇرامىنىڭ جانە عىلىمي قىزمەتكەرلەرىنىڭ بوس لاۋازىمى بولعان جاعدايدا ءتيىستى جوعارى وقۋ ورنى قۇجاتتاردى قابىلداۋ اياقتالعان كۇنگە دەيىن كەمىندە كۇنتىزبەلىك وتىز كۇن بۇرىن قازاقستان رەسپۋبليكاسىنىڭ بۇكىل اۋماعىندا تاراتىلاتىن مەرزىمدى باسپا باسىلىمدارىندا كونكۋرس وتكىزۋ تۋرالى حابارلاندىرۋ ورنالاستىرادى. 5. كونكۋرس وتكىزۋ تۋرالى حابارلاندىرۋدا مىناداي مالىمەتتەر قامتىلۋعا ءتيىس: 1) پروفەسسور-وقىتۋشى قۇرامىنىڭ جانە عىلىمي قىزمەتكەرلەردىڭ بوس لاۋازىمىنىڭ اتاۋى; 2) جوعارى وقۋ ورنىنىڭ ورنالاسقان جەرى, پوشتالىق مەكەن-جايى, تەلەفونى كورسەتىلگەن اتاۋى; 3) قۇجاتتاردى قابىلداۋدىڭ اياقتالاتىن كۇنى مەن ۋاقىتى. 6. بوس لاۋازىمدارعا ارنالعان كونكۋرسقا وتىنىشتەر (ەركىن نىساندا) حابارلاندىرۋ جاريالانعان كۇنىنەن باستاپ كۇنتىزبەلىك وتىز كۇننەن كەشىكتىرمەي بەرىلەدى. 3. كونكۋرستىق كوميسسيانى قالىپتاستىرۋ 7. پروفەسسور-وقىتۋشى قۇرامىنىڭ جانە عىلىمي قىزمەتكەرلەردىڭ لاۋازىمدارىنا تاعايىنداۋعا ارنالعان كونكۋرستىق كوميسسيانىڭ (بۇدان ءارى – كونكۋرستىق كوميسسيا) سانى مەن دەربەس قۇرامىن جانە ونىڭ وكىلەتتىك مەرزىمىن جوعارى وقۋ ورنى باسشىسى انىقتايدى. 8. كونكۋرستىق كوميسسيا جۇمىسىنىڭ نەگىزگى مىندەتتەرى: 1) كونكۋرسقا قاتىسۋ ءۇشىن بارلىعىنا بىردەي تەڭدىك مۇمكىندىگىن بەرۋ; 2) كونكۋرسقا قاتىسۋشىلاردىڭ اراسىندا ءادىل باسەكەلەستىكتى قامتاماسىز ەتۋ; 3) ادىلدىكتىڭ ساقتالۋىنا جانە كونكۋرستىڭ جاريالى تۇردە وتكىزىلۋىنە باقىلاۋدى جۇزەگە اسىرۋ; 4) كونكۋرستىق كوميسسيا وتىرىسىنىڭ كەستەسىن انىقتاۋ; 5) كونكۋرستىق قۇجاتتامالارعا تالداۋ جۇرگىزۋ; 6) كونكۋرستىڭ قورىتىندىسى بويىنشا شەشىم شىعارۋ بولىپ تابىلادى. 9. كونكۋرستىق كوميسسيا مىنا قۇرامدا قۇرىلادى: 1) كونكۋرستىق كوميسسيانىڭ توراعاسى – ۇلگىلىك بىلىكتىلىك سيپاتتامالارىنىڭ تالاپتارىنا سايكەس جوعارى وقۋ ورنى باسشىسىنىڭ ورىنباسارى (پرورەكتور); 2) كونكۋرستىق كوميسسياسى توراعاسىنىڭ ورىنباسارى – قۇرىلىمدىق بولىمشەسىنىڭ باسشىسى نەمەسە ۇلگىلىك بىلىكتىلىك سيپاتتامالارى تالاپتارىنا سايكەس, جوعارى وقۋ ورنى باسشىسىنىڭ ورىنباسارى (پرورەكتور); 3) كونكۋرستىق كوميسسيانىڭ حاتشىسى – جوعارى وقۋ ورنىنىڭ شتاتتىق قىزمەتكەرى (عىلىمي دارەجەسى جانە عىلىمي اتاعى بار); 4) قۇرامىندا كەمىندە ءۇش ادام بار كونكۋرستىق كوميسسيا مۇشەلەرى (جوعارى وقۋ ورنىنىڭ شتاتتىق وقىتۋشىلارى نەمەسە عىلىمي قىزمەتكەرلەرى اراسىنان, كادرلىق قىزمەتتىڭ باسشىسى, زاڭ كەڭەسشىسى, كاسىپوداق ۇيىمىنىڭ وكىلى). 4. كونكۋرسقا قاتىسۋشىلاردىڭ قۇجاتتارىن قابىلداۋ جانە قاراۋ 10. كونكۋرسقا قاتىسۋعا تىلەك بىلدىرگەن ادامدار, جوعارى وقۋ ورنى باسشىسىنىڭ اتىنا ءوتىنىش جازادى (ەرىكتى نىساندا). وتىنىشكە قوسا مىنا قۇجاتتاردى تاپسىرادى: 1) كادرلاردى ەسەپكە الۋ بويىنشا جەكە پاراعى; 2) ءومىربايان; 3) جوعارى ءبىلىمى مەن اكادەميالىق جانە عىلىمي دارەجەسى تۋرالى ديپلومداردىڭ, عىلىمي اتاعى تۋرالى قۇجاتتاردىڭ كوشىرمەلەرى جانە سالىستىرۋ ءۇشىن تۇپنۇسقالارى; 4) قايتا دايارلاۋ جانە بىلىكتىلىكتى ارتتىرۋ تۋرالى سەرتيفيكاتتاردىڭ كوشىرمەسى (بولعان جاعدايدا) جانە سالىستىرۋ ءۇشىن تۇپنۇسقالارى; 5) عىلىمي جۇمىستار مەن ونەرتابىستاردىڭ ءتىزىمى (بولعان جاعدايدا); 6) № 086 نىسانىنداعى مەديتسينالىق انىقتاما, 2010 جىلعى 23 قاراشاداعى № 907 قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ بۇيرىعىمەن بەكىتىلگەن (نورماتيۆتىك قۇقىقتىق اكتىنىڭ مەملەكەتتىك تىركەۋدىڭ تىزىلىمىنە № 6697 تىركەلگەن); 7) قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ ەسەپتەرى بويىنشا تۇلعانىڭ قىلمىستىق قۇقىق بۇزۋشىلىق جاساۋى تۋرالى مالىمەتتەردىڭ بولۋى نە بولماۋى تۋرالى انىقتاما. كونكۋرسقا قاتىسۋشى بىلىمىنە, جۇمىس تاجىريبەسىنە, كاسىبي دەڭگەيىنە قاتىستى قوسىمشا اقپارات (عىلىمي جاريالانىمداردىڭ ءتىزىمى, الدىڭعى جۇمىس ورنىنداعى باسشىلىق بەرگەن ۇسىنىمدار جانە ت.س.س.) بەرە الادى. 5. كونكۋرستى وتكىزۋ ءتارتىبى 11. كونكۋرس مىنا كەزەڭدەردەن تۇرادى: 1) جوعارى وقۋ ورىندارىنىڭ پروفەسسور-وقىتۋشى قۇرامى مەن عىلىمي قىزمەتكەرلەرىنىڭ بوس لاۋازىمدارعا ورنالاسۋى ءۇشىن ۇمىتكەرلەردىڭ وتىنىمدەرىن قاراستىرۋ; 2) ۇمىتكەرلەرمەن اڭگىمەلەسۋ وتكىزۋ; 3) كونكۋرستىڭ قورىتىندىلارىن شىعارۋ. 12. جوعارى وقۋ ورنى: 1) كونكۋرس وتكىزۋ تۋرالى شەشىم قابىلدايدى; 2) كونكۋرس وتكىزىلەتىن كۇن مەن ورىندى بەلگىلەيدى; 3) كونكۋرسقا قاتىسۋ ءۇشىن ۇسىنىلعان قۇجاتتاردى قابىلداۋدى, تىركەۋدى جانە ساقتاۋدى جۇرگىزەدى; 4) كوميسسيا وتىرىسىن ۇيىمداستىرادى. 13. حابارلاندىرۋدا كورسەتىلگەن قۇجاتتاردى قابىلداۋ اياقتالاتىن كۇنگە دەيىن قاجەتتى قۇجاتتاردى تابىس ەتكەن ازاماتتار كونكۋرسقا قاتىسۋشىلار بولىپ تابىلادى. 14. پروفەسسور-وقىتۋشىلار قۇرامىنىڭ جانە عىلىمي قىزمەتكەرلەرىنىڭ لاۋازىمدارىنا تاعايىنداۋ كونكۋرسى ساۋالناما, تەستىلەۋ, اڭگىمەلەسۋ, شىعارماشىلىق ەسەپ بەرۋ, اۆتورلىق ازىرلەمەلەردى قورعاۋ, پراكتيكالىق تاپسىرمالار نىسانىندا ۇمىتكەرلەردىڭ قىزمەت قورىتىندىلارى تالدامالىق جالپىلاۋ نەگىزىندە وتكىزىلەدى, بۇل رەتتە كاسىبي دەڭگەيدى انىقتاۋ ءۇشىن ءاربىر لاۋازىم بويىنشا ۇلگىلىك بىلىكتىلىك سيپاتتامالارىنا سايكەس بىلىمدەرى تەكسەرىلەدى. 15. اڭگىمەلەسۋدىڭ ماقساتى بوس لاۋازىمعا كونكۋرس جاريالاعان ناقتى جوعارى وقۋ ورنىنىڭ ەرەكشەلىكتەرىن, ۇلگىلىك بىلىكتىلىك سيپاتتامالارىن ەسكەرە وتىرىپ, كانديداتتاردىڭ كاسىبي جانە جەكە قاسيەتتەرىنە باعا بەرۋ بولىپ تابىلادى. 16. بۇدان كەيىن كونكۋرستىق كوميسسيا اشىق داۋىس بەرۋ ارقىلى وسى قاعيدالاردىڭ قوسىمشاسىنا سايكەس, لاۋازىمعا كونكۋرستىق ىرىكتەۋ بويىنشا جاسىرىن داۋىس بەرۋ ءۇشىن وسى لاۋازىمعا كانديداتتى بىرىڭعاي بيۋللەتەنگە ەنگىزۋ تۋرالى شەشىم قابىلدايدى. 17. داۋىس بەرۋشى تۇلعا كانديداتتى قابىلداۋعا كەلىسەتىندىگىن نەمەسە كەلىسپەيتىندىگىن ءار كانديداتتىڭ اتى-ءجونىنىڭ قاسىندا جازىلعان «كەلىسەمىن» نەمەسە «كەلىسپەيمىن» دەگەن سوزدەردى بەلگىلەۋ ارقىلى بىلدىرەدى. كونكۋرستىق ىرىكتەۋدە ءبىر لاۋازىمعا ەكى جانە ودان دا كوپ ۇمىتكەر قاتىسقان جاعدايدا, بيۋللەتەندە بىردە-ءبىر اتى-ءجونى سىزىلىپ تاستالماسا, وندا ول جارامسىز دەپ تانىلادى. 18. داۋىستاردى ساناۋ ءۇشىن كونكۋرستىق كوميسسيا جاسىرىن داۋىس بەرۋدىڭ الدىندا كونكۋرستىق كوميسسيا اراسىنان كەمىندە ءۇش ادامنان تۇراتىن ەسەپتەۋ كوميسسياسىن سايلايدى. ەسەپتەۋ كوميسسياسى ءار كانديداتۋرا بويىنشا بەرىلگەن داۋىستاردىڭ ناتيجەسىن جاريالايدى. ەسەپتەۋ كوميسسياسىنىڭ حاتتاماسىن كونكۋرستىق كوميسسيا بەكىتەدى جانە كونكۋرس ماتەريالدارىنا قوسادى. 19. كونكۋرس وتكىزۋ كەزىندە كونكۋرستىق كوميسسيا مۇشەلەرىنىڭ كەمىندە 2/3 مۇشەسى داۋىس بەرۋگە قاتىسقان جاعدايدا, كونكۋرستىق كوميسسيانىڭ شەشىمى جارامدى بولىپ سانالادى. 20. كانديدات, ەگەر وعان كوميسسيا قۇرامىنان قاتىسىپ وتىرعانداردىڭ كوپشىلىگى داۋىس بەرگەن جاعدايدا وڭ قورىتىندىعا يە بولادى. داۋىس بەرگەن كەزدە داۋىستار تەڭ بولعان جاعدايدا كوميسسيا توراعاسىنىڭ داۋىسى شەشۋشى بولىپ تابىلادى. جاسىرىن داۋىس بەرۋ ارقىلى قابىلدانعان كونكۋرستىق كوميسسيانىڭ شەشىمى, ەگەر ول وسى قاعيدالاردى ساقتاۋ نەگىزىندە قابىلدانعان بولسا, تۇبەگەيلى بولىپ سانالادى. 21. قۇپيا داۋىس بەرۋدىڭ ناتيجەلەرى بويىنشا كونكۋرستىق كوميسسيا ءار بوس لاۋازىمعا ۇمىتكەر بويىنشا ەڭبەك شارتىن جاساۋ ءۇشىن «جوعارى وقۋ ورنىنىڭ باسشىسىنا ۇسىنىلادى» نەمەسە «جوعارى وقۋ ورنىنىڭ باسشىسىنا ۇسىنىلمايدى» دەگەن جازۋمەن ۇسىنىمدار دايىندايدى. كوميسسيا حاتشىسى كونكۋرسقا قاتىسقان تۇلعالاردى كونكۋرستىڭ ناتيجەلەرىمەن جانە كونكۋرستىق كوميسسيانىڭ ۇسىنىمدارىمەن تانىستىرادى 22. ەڭبەك شارتىن جاساۋ 10 كۇنتىزبەلىك كۇننەن كەشىكتىرمەي, كونكۋرستىق كوميسسيا وتىرىسى اياقتالعاننان جانە جوعارى وقۋ ورنى رەكتورىنىڭ شەشىمىنەن كەيىن جۇرگىزىلەدى. 23. پروفەسسور-وقىتۋشىلار قۇرامىن جانە عىلىمي قىزمەتكەرلەردى لاۋازىمدارعا تاعايىنداۋ كونكۋرسىنىڭ قورىتىندىلارى بويىنشا 3 جىلعا شارت جاسالادى. ارەكەت ەتۋ مەرزىمى اياقتالعان سوڭ, تاراپتاردىڭ كەلىسىمىمەن شارت ۇزارتۋ كوزدەلمەيدى. 6. شاعىمدانۋ ءتارتىبى 31. كونكۋرسقا قاتىسۋشىلار مەن كانديداتتار وزدەرىنە قاتىسى بار بولىگىندە كونكۋرستىق قۇجاتتارمەن جانە كوميسسيانىڭ شەشىمدەرىمەن تانىسا الادى. 32. كوميسسيانىڭ شەشىمىنە كونكۋرسقا قاتىسۋشىلار مەن كانديداتتار سوت تارتىبىمەن شاعىمدانا الادى. جوعارى وقۋ ورىندارىنىڭ پروفەسسور – وقىتۋشىلار قۇرامى مەن عىلىمي قىزمەتكەرلەرىن لاۋازىمدارعا كونكۋرستىق تاعايىنداۋ قاعيداسىنا قوسىمشا لاۋازىمعا كونكۋرستىق ىرىكتەۋ بويىنشا جاسىرىن داۋىس بەرۋگە ارنالعان بيۋللەتەن (ۇلگى) _______________________________________________________________________________________ (جوو اتاۋى) كونكۋرستىق كوميسسيا (رەكتوردىڭ № ___ «__» _______ 20___ جىلعى بۇيرىعىمەن بەكىتىلدى) 20___ جىلعى «__» _______ وتىرىس. № ___ حاتتاما لاۋازىم ________________________________________________________________________________ كافەدرا ________________________________________________________________________________ فاكۋلتەت (ينستيتۋت) ______________________________________________________________________ جاريالانعان بىرلىكتەر سانى ___________ № ۇمىتكەردىڭ تەگى, اتى جانە اكەسىنىڭ اتى (بولعان جاعدايجا) داۋىس بەرۋ ناتيجەلەرى 1   كەلىسەمىن كەلىسپەيمىن 2   كەلىسەمىن كەلىسپەيمىن ەسكەرتپە: 1. اتى-جوندەرى الفاۆيتتىك تارتىپتە ەنگىزىلەدى. 2. كانديداتۋرانى «جاقتاپ» داۋىس بەرۋ ناتيجەلەرى «كەلىسپەيمىن» ءسوزىن سىزىپ تاستاۋمەن, ال «قارسى» داۋىس بەرگەن جاعدايدا – «كەلىسەمىن» ءسوزىن سىزىپ تاستاۋمەن بىلدىرىلەدى. 3. كوميسسيا مۇشەسى «كەلىسەمىن» دەپ داۋىس بەرگەن كانديداتۋرا سانى جاريالانعان بىرلىك سانىنان اسپاۋى ءتيىس. 4. اتالعان قاعيدالاردى بۇزۋ ارقىلى تولتىرىلعان بيۋللەتەن جارامسىز دەپ سانالادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 22 مامىردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11122 بولىپ ەنگىزىلدى.