فوتو: UGC/AP Photo/picture alliancە
Time جۋرنالىنىڭ زەرتتەۋىنە سايكەس, 8-9 قاڭتار كۇندەرى يراندا 30 مىڭعا دەيىن ادام قازا تاپتى. مۇنداي مالىمەتتى باسىلىمعا يران دەنساۋلىق ساقتاۋ مينيسترلىگىنىڭ ەكى قىزمەتكەرى بەرگەن. ولاردىڭ ايتۋىنشا, مەملەكەتتىك ورگاندار مايىتتەردى تاسىمالداپ ۇلگەرە الماي جاتقان كورىنەدى. قازا تاپقانداردى تاسۋ ءۇشىن جەدەل جاردەم كولىكتەرىنەن بولەك, وزگە دە تەحنيكالار جۇمىلدىرىلعان.
يران بيلىگىنىڭ رەسمي دەرەكتەرى بۇدان ەداۋىر تومەن. 21 قاڭتاردا ەل باسشىلىعى 3 117 ادامنىڭ قازا تاپقانىن مويىندادى. اقش-تا ورنالاسقان Human Rights Activists News Agency اگەنتتىگى 5 459 ءولىمدى راستاعان. ال تاعى 17 مىڭنان استام جاعداي ءالى دە تەكسەرۋ ساتىسىندا تۇر.
سونىمەن بىرگە Time جازعان 30 مىڭ ادامعا قاتىستى باعالاۋ يران دارىگەرلەرى مەن قۇتقارۋشىلارى دايىنداعان ىشكى ستاتيستيكامەن سايكەس كەلەدى.
