فوتو: consot_kz
وتىرىستىڭ مودەراتورى, قازاقستان رەسپۋبليكاسى كونستيتۋتسيالىق سوتىنىڭ ءتورايىمى ەلۆيرا ازيموۆا كوميسسياعا 2 000-نان استام ۇسىنىس كەلىپ تۇسكەنىن, ولاردىڭ بارلىعى ءبىرتۇتاس جيناقتالعان كەستەگە توپتاستىرىلعانىن اتاپ ءوتتى. ونىڭ ايتۋىنشا, ازاماتتار مەن ساراپشىلاردىڭ بەلسەندى قاتىسۋى كونستيتۋتسيالىق وزگەرىستەردىڭ قوعامدىق ماڭىزىن جانە رەفورماعا دەگەن جوعارى قىزىعۋشىلىقتى ايقىن كورسەتەدى.
«مۇنداي ديالوگ فورماتى رەفورمانىڭ نەگىزگى قاعيداتىن كورسەتەدى: كونستيتۋتسيالىق رەفورما ەڭ الدىمەن حالىقتىڭ مۇددەسى ءۇشىن جانە ونىڭ تىكەلەي قاتىسۋىمەن جۇرگىزىلەدى», دەدى ەلۆيرا ازيموۆا.
ەرلان قارين: كونستيتۋتسيالىق كوميسسيانىڭ قۇرىلۋى تاريحي وقيعا
وتىرىس اياسىندا ءۇش نەگىزگى سپيكەردىڭ باياندامالارى تىڭدالادى – ادىلەت ءمينيسترى ەرلان سارسەمباەۆ, سەنات دەپۋتاتى نۇرلان بەكنازاروۆ جانە ءماجىلىس دەپۋتاتى سنەجاننا يماشەۆا. ولار 2025 جىلدىڭ قازان ايىنان باستاپ تۇسكەن ۇسىنىستار نەگىزىندە ازىرلەنگەن قۇقىقتىق تاسىلدەر مەن تۇزەتۋلەردى ۇسىنادى.
قازاقستاندا ساياسي پارتيالاردى شەتەلدىك قارجىلاندىرۋعا تىيىم سالۋ ۇسىنىلدى
كونستيتۋتسيالىق كوميسسيانىڭ العاشقى وتىرىسى 2026 جىلعى 24 قاڭتاردا ءوتتى. كوميسسياعا كونستيتۋتسيالىق سوتتىڭ توراعاسى ەلۆيرا ازيموۆا جەتەكشىلىك ەتتى. كوميسسيا توراعاسىنىڭ ورىنباسارلارى – مەملەكەتتىك كەڭەسشى ەرلان قارين مەن پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆا. كوميسسيا قۇرامىنا پارلامەنت دەپۋتاتتارى, ءماسليحاتتار توراعالارى, باق وكىلدەرى, قوعام قايراتكەرلەرى, مەملەكەتتىك ورگانداردىڭ, وڭىرلەردەگى قوعامدىق كەڭەستەر مەن عىلىمي قوعامداستىق وكىلدەرى, ساراپشىلار كىردى.
ايتا كەتەيىك, ءىس-شارا consot_kz, constcouncil.kz رەسمي الەۋمەتتىك جەلىلەردەگى پاراقشالاردا تىكەلەي ەفيردە كورسەتىلىپ جاتىر.
ارتۋر لاستاەۆ كونستيتۋتسيادا ءومىر ءسۇرۋ قۇقىعىنىڭ ابسوليۋتتىك باسىمدىعىن بەكىتۋدى ۇسىندى
