فوتو: Turizm jane sport ministrligi
قازاقستان قىسقى وليمپياداعا توعىزىنشى مارتە قاتىسپاق. ۇلتتىق قۇراما ساپىنان يتالياداعى دودادا جالپى سانى 36 سپورتشى (18 ەر, 18 ايەل) ەل نامىسىن قورعايدى. سالىستىرايىق 2022 جىلى قىتايدىڭ بەيجىڭ قالاسىندا وتكەن قىسقى وليمپياداعا قازاقستان اتىنان 34 سپورتشى (17 ەر, 17 ايەل) باق سىناعان.
XXV قىسقى وليمپيا ويىندارىندا قازاقستان نامىسىن قاي وڭىردەن نەشە سپورتشى قورعايتىنى ءمالىم بولدى. قىسقى سپورت تۇرلەرى نەگىزىنەن سولتۇستىك جانە شىعىس وڭىرلەردە جاقسى دامىعان. دەگەنمەن, وڭتۇستىك ايماقتاردان دا سپورتشىلار قاتىسپاق.
قىسقى وليمپياداعا ەڭ كوپ سپورتشىنى الماتى قالاسى مەن اقمولا وبلىسى ۇسىنىپ وتىر. الماتىدان ميلانعا 4 سپورت تۇرىنەن 6 سپورتشى اتتانادى. ال اقمولادان 2 سپورت تۇرىنەن 6 سپورتشى بارادى.
وليمپيادا-2026: فريستايل-اكروباتيكادان ەل نامىسىن كىمدەر قورعايدى؟
تۋريزم جانە سپورت مينيسترلىگىنىڭ مالىمەتىنشە, كەيىنگى ورىندارعا شىعىس قازاقستان, الماتى وبلىستارى, سونداي-اق استانا جانە شىمكەنت قالالارى جايعاسقان. شىعىس قازاقستان وبلىسى مەن شىمكەنت قالاسىنان 1 سپورت تۇرىنەن 4 سپورتشىدان قاتىسسا, استانا قالاسىنان 3 سپورت تۇرىنەن 4 سپورتشى, الماتى وبلىسىنان 4 سپورتشى 2 سپورت تۇرىنەن ونەر كورسەتەدى. سونداي-اق پاۆلودار وبلىسىنان 3 سپورتشى (3 سپورت ءتۇرى), قوستاناي وبلىسىنان 2 سپورتشى (1 سپورت ءتۇرى) جانە سولتۇستىك قازاقستان, قاراعاندى, اباي وبلىستارىنان 1 سپورتشى (1 سپورت ءتۇرى) سايىسادى.
قىسقى وليمپيادا: تاۋ شاڭعىسى سپورتىنان ەل نامىسىن كىمدەر قورعايدى؟
