نيگەريا قۇراماسىنىڭ بۇرىنعى ويىنشىسى جاڭا ماۋسىمدا قىزىلوردالىق كلۋبتىڭ نامىسىن قورعايدى.
«قايساردىڭ» جاڭا قۇرامى لەگيونەرسىز وينايدى
«ۆيكتور موزەس ەۋروپانىڭ بىرقاتار الپاۋىت كلۋبتارىندا ونەر كورسەتىپ, جوعارى دەڭگەيدەگى تاجىريبەسىمەن تانىلعان فۋتبولشى. ونىڭ «قايسار» ساپىنا قوسىلۋى – كوماندانىڭ الداعى ماۋسىمداعى ماقساتتارىنىڭ ايقىن دالەلى», دەپ جازدى «قايسار» فۋتبول كلۋبىنىڭ ءباسپاسوز قىزمەتى.
فۋتبول كلۋبىنىڭ مالىمەتىنشە, كلۋب باسشىلىعى مەن باپكەرلىك شتاب ۆيكتور موزەستىڭ تاجىريبەسى مەن شەبەرلىگى كوماندانىڭ دامۋىنا جانە جاس ويىنشىلاردىڭ وسۋىنە وڭ اسەر ەتەدى دەپ سەنەدى.
موزەس كاسىبي مانسابىندا 495 ماتچقا قاتىسىپ, 62 گول مەن 47 ناتيجەلى پاستىڭ اۆتورى اتاندى. نيگەريا قۇراماسىنىڭ ساپىندا 38 ويىن وتكىزىپ, 12 مارتە مەرگەندىگىمەن تانىلعان.
بۇعان دەيىن پورتۋگاليا قۇراماسى مەن «مانچەستەر يۋنايتەدتىڭ» اڭىزعا اينالعان ويىنشىسى لۋيش ناني رەسمي تۇردە «اقتوبە» فۋتبول كلۋبىنىڭ ساپىنا قوسىلعانىن جازعان ەدىك.
