قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى №309

2015 جىلعى 18 مامىر,  استانا قالاسى «12 جىلدىق مەكتەپتىڭ ءبىرىنشى سىنىبىنا وقۋشىلاردى قابىلداۋ ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2007 جىلعى 29 ماۋسىمداعى № 339 بۇيرىعىنىڭ كۇشى جويىلدى دەپ تانۋ تۋرالى «اكىمشىلىك راسىمدەر تۋرالى» قازاقستان رەسپۋبليكاسىنىڭ 2000 جىلعى 27 قاراشاداعى زاڭىنىڭ 28-بابىنا سايكەس بۇيىرامىن: 1. «12 جىلدىق مەكتەپتىڭ ءبىرىنشى سىنىبىنا وقۋشىلاردى قابىلداۋ ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2007 جىلعى 29 ماۋسىمداعى № 339 بۇيرىعىنىڭ (قازاقستان رەسپۋبليكاسىنىڭ نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 2007 جىلعى 21 شىلدەدە № 4824 تىركەلگەن, «زاڭ گازەتىندە» 2007 جىلعى 5 قىركۇيەكتە № 135 (1164) تىركەلگەن) كۇشى جويىلدى دەپ تانىلسىن. 2. قازاقستان رەسپۋبليكاسى ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم, اقپاراتتىق تەحنولوگيالار دەپارتامەنتى (ج.ا. جونتاەۆا) زاڭنامادا بەلگىلەنگەن تارتىپپەن: 1) وسى بۇيرىقتىڭ كوشىرمەسىن قازاقستان رەسپۋبليكاسى ادىلەت مينيسترلىگىنە جىبەرسىن; 2) وسى بۇيرىقتىڭ رەسمي جاريالانۋىن قامتاماسىز ەتسىن; 3) وسى بۇيرىقتىڭ قازاقستان رەسپۋبليكاسى ءبىلىم جانە عىلىم مينيسترلىگىنىڭ ينتەرنەت-رەسۋرسىندا ورنالاسۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ ۆيتسە-مينيستر ە.ن. يمانعاليەۆكە جۇكتەلسىن. 4. وسى بۇيرىق قول قويىلعان كۇنىنەن باستاپ كۇشىنە ەنەدى. مينيستر ا.ءسارىنجىپوۆ.