2015 جىلعى 25 اقپان, استانا قالاسى
پاتولوگيالىق-اناتوميالىق دياگنوستيكانى جۇزەگە اسىراتىن دەنساۋلىق ساقتاۋ ۇيىمدارىنىڭ جانە (نەمەسە) قۇرىلىمدىق بولىمشەلەرىنىڭ قىزمەتى تۋرالى ەرەجەنى جانە پاتولوگيالىق-اناتوميالىق اشىپ قاراۋدى جۇرگىزۋ قاعيدالارىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 56-بابىنىڭ 3-تارماعىنا سايكەس بۇيىرامىن:
1. قوسا بەرىلىپ وتىرعان:
1) 1-قوسىمشاعا سايكەس پاتولوگيالىق-اناتوميالىق دياگنوستيكانى جۇزەگە اسىراتىن دەنساۋلىق ساقتاۋ ۇيىمدارىنىڭ جانە (نەمەسە) قۇرىلىمدىق بولىمشەلەرىنىڭ قىزمەتى تۋرالى ەرەجە;
2) 2-قوسىمشاعا سايكەس پاتولوگيالىق-اناتوميالىق اشىپ قاراۋدى جۇرگىزۋ قاعيدالارى بەكىتىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇننىڭ ىشىندە مەرزىمدىك باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىنا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن.
4. وسى بۇيرىق ونى العاشقى رەسمي جاريالاعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا.
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
2015 جىلعى 25 اقپانداعى № 97 بۇيرىعىنا
1-كوسىمشا
پاتولوگيالىق-اناتوميالىق دياگنوستيكانى جۇزەگە اسىراتىن
دەنساۋلىق ساقتاۋ ۇيىمدارىنىڭ جانە (نەمەسە) قۇرىلىمدىق بولىمشەلەرىنىڭ قىزمەتى تۋرالى ەرەجە
1. جالپى ەرەجەلەر
1. وسى پاتولوگيالىق-اناتوميالىق دياگنوستيكانى جۇزەگە اسىراتىن دەنساۋلىق ساقتاۋ ۇيىمدارىنىڭ جانە (نەمەسە) قۇرىلىمدىق بولىمشەلەرىنىڭ قىزمەتى تۋرالى ەرەجە (بۇدان ءارى – ەرەجە) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسى كودەكسىنىڭ 56-بابىنىڭ 3-تارماعىنا سايكەس ازەرلەندى جانە پاتولوگيالىق-اناتوميالىق دياگنوستيكانى جۇزەگە اسىراتىن دەنساۋلىق ساقتاۋ ۇيىمدارىنىڭ جانە (نەمەسە) قۇرىلىمدىق بولىمشەلەرىنىڭ قۇرىلىمى مەن وكىلەتتىكتەرىن ايقىندايدى.
2. پاتولوگيالىق-اناتوميالىق دياگنوستيكانى جۇزەگە اسىراتىن دەنساۋلىق ساقتاۋ ۇيىمدارى مەن قۇرىلىمدىق بولىمشەلەرىنە: پاتولوگيالىق- اناتوميالىق بيۋرولار, دەنساۋلىق ساقتاۋ ۇيىمدارىنىڭ ورتالىقتاندىرىلعان پاتولوگيالىق-اناتوميالىق بولىمشەلەرى مەن ستاتسيونارلىق كومەك كورسەتەتىن پاتولوگيالىق-اناتوميالىق بولىمشەلەرى جاتقىزىلادى.
2. پاتولوگيالىق-اناتوميالىق بيۋرونىڭ قىزمەتىن
ۇيىمداستىرۋ, مىندەتتەرى مەن فۋنكتسيالارى
3. پاتولوگيالىق-اناتوميالىق بيۋرو (بۇدان ءارى – پاب) پاتولوگيالىق-اناتوميالىق دياگنوستيكانى جۇزەگە اسىراتىن دەنساۋلىق ساقتاۋ ۇيىمى بولىپ تابىلادى.
4. پاب-تىڭ قۇرامىنا مىناداي قۇرىلىمدىق بولىمشەلەر كىرەدى:
1) گيستولوگيالىق زەرتحاناسى بار جالپى پاتولوگيا بولىمشەسى;
2) گيستولوگيالىق زەرتحاناسى بار بالالار پاتولوگياسى بولىمشەسى;
3) تسيتولوگيالىق زەرتتەۋلەر بولىمشەسى;
4) گيستولوگيالىق زەرتحاناسى بار ينفەكتسيالىق پاتولوگيا بولىمشەسى;
5) يممۋندىق-گيستوحيميالىق زەرتتەۋلەر بولىمشەسى;
6) باكتەريولوگيالىق جانە ۆيرۋسولوگيالىق زەرتتەۋلەر بولىمشەسى;
7) مەديتسينالىق قۇجاتتاردىڭ, بلوكتار مەن شىنى پرەپاراتتار مۇراعاتى بار ۇيىمداستىرۋ-كونسۋلتاتسيالىق بولىمشە;
8) اقىلى قىزمەت كورسەتۋ جونىندەگى شارۋاشىلىق ەسەپ ءبولىمى بار اكىمشىلىك-شاراۋاشىلىق بولىمشەسى.
5. پاب قىزمەتىنە باسشىلىقتى «پاتولوگيالىق اناتوميا (ەرەسەكتەر, بالالار)» ماماندىعى بويىنشا ءبىرىنشى (جوعارعى) بىلىكتىلىك ساناتى بار بىلىكتى دارىگەر جۇزەگە اسىرادى.
6. پاب مەديتسينالىق ءبىلىم بەرۋ ۇيىمدارى مەن ولاردىڭ فاكۋلتەتتەرىنىڭ, ونىڭ ىشىندە مەديتسينا كادرلارىنىڭ بىلىكتىلىگىن ارتتىرۋ مەن قايتا دايارلاۋدىڭ كلينيكالىق بازاسى بولىپ تابىلادى.
7. قالالىق جانە اۋداندىق ورتالىق اۋرۋحانالاردىڭ بازاسىندا پاب-تىڭ قالالىق, اۋدانارالىق, اۋداندىق بولىمشەلەرى ۇيىمداستىرىلادى.
8. پاب-تىڭ نەگىزگى مىندەتتەرى مەن فۋنكتسيالارى:
1) ماكروسكوپيالىق جانە ميكروسكوپيالىق, قاجەت بولعان جاعدايدا باكتەريولوگيالىق, ۆيرۋسولوگيالىق, بيوحيميالىق جانە باسقا دا قوسىمشا زەرتتەۋلەر جۇرگىزۋ ارقىلى سەكتسيالىق, وپەراتسيالىق جانە بيوپسيالىق ماتەريالدا اۋرۋلاردى ناقتى دياگنوستيكالاۋ;
2) ناۋقاستىڭ قايتىس بولۋ سەبەپتەرى مەن مەحانيزمىن بەلگىلەۋ;
3) كلينيكالىق جانە پاتولوگيالىق-اناتوميالىق دەرەكتەردى جانە دياگنوزداردى سالىستىرۋ ارقىلى ەمدەۋشى دارىگەرلەرمەن بىرلەسىپ, دياگنوستيكالىق جانە ەمدەۋ جۇمىسىنىڭ ساپاسىنا مونيتورينگ جاساۋ;
4) مەديتسينالىق ۇيىمداردا كلينيكالىق-پاتولوگيالىق-اناتوميالىق كونفەرەنتسيالاردى جانە «پاتولوگيالىق اناتوميا (ەرەسەكتەر, بالالار)» ماماندىعى بويىنشا كەڭەستەر مەن كونفەرەنتسيالاردى دايىنداۋ جانە وتكىزۋ;
5) العاش انىقتالعان ينفەكتسيالىق, ونكولوگيالىق اۋرۋلار تۋرالى دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگاندارىنا شۇعىل حابارلاۋ;
6) ۇزدىك جۇمىس تاجىريبەسىن قورىتىندىلاۋ جانە تاراتۋ;
7) سىناۋلار جۇرگىزۋ جانە پاتولوگيالىق-اناتوميالىق زەرتتەۋلەردىڭ قازىرگى زامانعى ادىستەرىن ەنگىزۋ;
8) «پاتولوگيالىق اناتوميا (ەرەسەكتەر, بالالار)» ماماندىعى بويىنشا دارىگەرلەردىڭ بىلىكتىلىگىن جۇيەلى ارتتىرۋدى قامتاماسىز ەتۋ بولىپ تابىلادى.
3. ستاتسيونارلىق كومەك كورسەتەتىن دەنساۋلىق ساقتاۋ ۇيىمدارىنىڭ ورتالىقتاندىرىلعان پاتولوگيالىق-اناتوميالىق بولىمشەلەرىندىڭ جانە پاتولوگيالىق-اناتوميالىق
بولىمشەلەردىڭ قىزمەتىن ۇيىمداستىرۋ, مىندەتتەرى مەن فۋنكتسيالارى
9. ورتالىقتاندىرىلعان پاتولوگيالىق-اناتوميالىق بولىمشەلەر (بۇدان ءارى – وپاب) جانە پاتولوگيالىق-اناتوميالىق بولىمشەلەر (بۇدان ءارى – ءپابو) - ستاتسيونارلىق كومەك كورسەتەتىن دەنساۋلىق ساقتاۋ ۇيىمدارىنىڭ قۇرامىنداعى قۇرىلىمدىق بولىمشەلەر رەتىندە ۇيىمداستىرىلادى.
10. قۇرىلىمىندا وپاب نەمەسە ءپابو بار مەديتسينالىق ۇيىمداردىڭ باسشىلىعى بولىمشە جۇمىسىنا قاجەتتى جاعدايلاردى, ونىڭ ىشىندە مەديتسينا كادرلارىمەن جيىنتىقتاۋدى, ماتەريالدىق-تەحنيكالىق جاراقتاندىرۋدى, شارۋاشىلىق قامتاماسىزدىقتى, كولىكتى قامتاماسىز ەتەدى.
11. وپاب نەمەسە ءپابو جوق دەنساۋلىق ساقتاۋ ۇيىمدارىنىڭ باسشىلىعى پاتولوگيالىق-اناتوميالىق اشۋ ءۇشىن «پاتولوگيالىق اناتوميا (ەرەسەكتەر, بالالار)» ماماندىعى بويىنشا دارىگەرلەردى تارتا وتىرىپ, اشۋ ءۇشىن قاجەتتى جاعدايلاردى قامتاماسىز ەتەدى.
12. وپاب پەن ءپابو ءوزىنىڭ جۇمىسىندا دەنساۋلىق ساقتاۋ ۇيىمدارىنىڭ قوسىمشا دياگنوستيكالىق كابينەتتەرى جانە بولىمشەلەرىن (رەنتگەن كابينەتى, كلينيكالىق زەرتحانا, باكتەريولوگيالىق زەرتحانا, ۆيرۋسولوگيالىق زەرتحانا) پايدالانادى.
13. وپاب پەن ءپابو جۇمىس رەجيمى, قايتىس بولعانداردىڭ دەنەسىن, وپەراتسيالىق جانە بيوپسيالىق ماتەريالدى قابىلداۋ, اشۋلار مەن پاتولوگيالىق-گيستولوگيالىق زەرتتەۋلەردى ورىنداۋ, قايتىس بولۋى تۋرالى مەديتسينالىق كۋالىكتى, قايتىس بولعانداردىڭ دەنەسىن جانە زەرتتەۋلەر ناتيجەسىن بەرۋ ءتارتىبىن ءتيىستى دەنساۋلىق ساقتاۋ ۇيىمدارىنىڭ باسشىلارى بەلگىلەيدى.
14. وپاب پەن ءپابو-قا قايتىس بولعانداردىڭ دەنەسىن, وپەراتسيالىق جانە بيوپسيالىق ماتەريالدى ۋاقتىلى جەتكىزۋدى دەنساۋلىق ساقتاۋ ۇيىمىنىڭ باسشىلىعى قامتاماسىز ەتەدى.
15. پاب «پاتولوگيالىق اناتوميا (ەرەسەكتەر, بالالار)» ماماندىعى بويىنشا دارىگەرلەردى جانە ورتا مەديتسينا پەرسونالىن دايارلاۋدىڭ, قايتا دايارلاۋدىڭ جانە بىلىكتىلىكتەرىن ارتتىرۋدىڭ كلينيكالىق بازاسى بولىپ تابىلادى.
16. ءپابو-تى دەنساۋلىق ساقتاۋ ۇيىمنىڭ باسشىسى تاعايىندايتىن جانە جۇمىستان بوساتاتىن مەڭگەرۋشى باسقارادى جانە دەنساۋلىق ساقتاۋ ۇيىمنىڭ باسشىسىنا جانە ونىڭ مەديتسينالىق (ەمدەۋ) ءبولىم جونىندەگى ورىنباسارىنا تىكەلەي باعىنادى.
17. وپاب مەن ءپابو مەديتسينالىق قۇجاتتاردى جۇرگىزەدى جانە ءوزىنىڭ قىزمەتى تۋرالى مالىمەتتەردى دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگانىنا ەسەپتى ۇسىنادى.
18. وپاب مەن ءپابو-تىڭ ءۇي-جايلارى تەك پاتولوگيالىق-اناتوميالىق دياگنوستيكانى جۇزەگە اسىراتىن دەنساۋلىق ساقتاۋ ۇيىمدارىنىڭ قۇرىلىمدىق بولەمشەلەرىنىڭ قىزمەتى ءۇشىن عانا پايدالانىلادى.
19. وپاب مەن ءپابو-تىڭ نەگىزگى مىندەتتەرى مەن فۋنكتسيالارى:
1) قايتىس بولعان ناۋقاستاردى اشۋ, اعزالارى مەن تىندەرىنىڭ ماكروسكوپيالىق جانە ميكروسكوپيالىق زەرتتەۋلەرىن جۇرگىزۋ;
2) قاجەت بولعان جاعدايدا قايتىس بولعانداردىڭ مايىتتەرىنەن باكتەريولوگيالىق, ۆيرۋسولوگيالىق جانە زەرتتەۋدىڭ باسقا دا قوسىمشا ادىستەرى ءۇشىن ءتىن ۇلگىلەرىن الۋ جانە جىبەرۋ;
3) قايتىس بولۋ سەبەپتەرى تۋرالى ناقتى مالىمەتتەردى قامتاماسىز ەتۋ;
4) بيوپسيا جانە وپەراتسيالىق ماتەريالدى پاتولوگيالىق-گيستولوگيالىق زەرتتەۋدىڭ كومەگىمەن اۋرۋلاردى دياگنوستيكالاۋ;
5) مىناداي جولدارمەن كلينيكالىق دياگنوستيكانىڭ ساپاسىن ارتتىرۋ:
سەكتسيالىق, وپەراتسيالىق جانە بيوپسيالىق ماتەريالداعى پاتولوگيالىق پروتسەستىڭ سيپاتتاماسىن انىقتاۋ;
ناۋقاستىڭ قايتىس بولۋ سەبەپتەرى مەن مەحانيزىمىن بەلگىلەۋ;
كلينيتسيست دارىگەرلەرمەن اشۋ جانە بيوپسيا مەن وپەراتسيالىق ماتەريالدى زەرتتەۋ ناتيجەلەرىن بىرلەسىپ تالقىلاۋ;
پاتولوگيالىق اناتوميا ماسەلەلەرى بويىنشا كونسۋلتاتسيالىق كومەك كورسەتۋ;
كلينيكالىق جانە پاتولوگيالىق-اناتوميالىق دەرەكتەر مەن دياگنوزداردى سالىستىرۋ ارقىلى ەمدەۋشى دارىگەرلەرمەن بىرلەسىپ دياگنوستيكالىق جانە ەمدەۋ جۇمىستارىنىڭ ساپاسىن تالداۋ;
بەكىتىلگەن دەنساۋلىق ساقتاۋ ۇيىمدارىنىڭ مەديتسينا قىزمەتكەرلەرىمەن, سونداي-اق دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگاندارىندا ناتيجەلەردى تالقىلاي وتىرىپ, وپاب مەن ءپابو-تىڭ جۇمىسىن قورىتىندىلاۋ جانە تالداۋ بولىپ تابىلادى.
20. «پاتولوگيالىق اناتوميا (ەرەسەكتەر, بالالار)» ماماندىعى بويىنشا دارىگەرلەردى دايارلاۋ, قايتا دايارلاۋ, ۇزدىكسىز كاسىبي دامىتۋ جانە قوسىمشا ءبىلىم بەرۋ جوعارى مەديتسينالىق وقۋ ورىندارىنىڭ پاتولوگيالىق اناتوميا كافەدراسىندا جۇزەگە اسىرىلادى. پاتولوگيالىق اناتوميا كافەدرالارىنىڭ پروفەسسورلىق-وقىتۋشىلىق قۇرامى «پاتولوگيالىق اناتوميا (ەرەسەكتەر, بالالار)» ماماندىعى شەڭبەرىندە كونسۋلتاتسيالىق, ادىستەمەلىك جانە دياگنوستيكالىق قىزمەت كورسەتەدى.
21. كلينيكالىق جانە پاتولوگيالىق-اناتوميالىق دياگنوزداردىڭ سايكەس كەلمەۋى, ياتروگەندىك پاتولوگيا; انىقتالماعان جانە دياگنوستيكالاۋ ءۇشىن قيىن اۋرۋلار; ناۋقاستاردىڭ پروفيلاكتيكالىق, حيرۋرگيالىق, دياگنوستيكالىق جانە تەراپيالىق ارالاسۋلار كەزىندە نەمەسە ودان كەيىن بولعان ءولىم, ءجىتى ينفەكتسيالىق اۋرۋلاردان بولعان ءولىم, كەشىكتىرىلگەن دياگنوستيكا جاعدايلارىن, سونداي-اق پاتولوگيالىق-اناتوميالىق زەرتتەۋلەر ناتيجەلەرى تۋرالى جىلدىق ەسەپتى تالقىلاۋ كلينيكالىق-پاتولوگيالىق-اناتوميالىق كونفەرەنتسيالاردا جۇرگىزىلەدى جانە ونى مەديتسينالىق ۇيىمنىڭ باس دارىگەرىنىڭ مەديتسينالىق ءبولىم جونىندەگى ورىنباسارى مەن پاب, وپاب نەمەسە ءپابو مەڭگەرۋشىسى دايارلاپ وتكىزەدى.
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
2015 جىلعى 25 اقپانداعى №97 بۇيرىعىنا
2-قوسىمشا
پاتولوگيالىق-اناتوميالىق اشىپ قاراۋدى جۇرگىزۋ قاعيدالارى
3. جالپى ەرەجەلەر
1. وسى پاتولوگيالىق-اناتوميالىق اشىپ قاراۋدى جۇرگىزۋ قاعيدالارى (بۇدان ءارى – قاعيدالار) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ كودەكسىنىڭ 56-بابىنىڭ 3-تارماعىنا سايكەس ازىرلەنگەن جانە پاتولوگيالىق-اناتوميالىق اشىپ قاراۋدى جۇرگىزۋ ءتارتىبىن ايقىندايدى.
2. وسى قاعيدالاردا مىناداي ۇعىمدار پايدالانىلادى:
1) بالا جولداسىن زەرتتەۋ – ۇرىق جانە (نەمەسە) انا اۋرۋلارىن كورسەتەتىن پاتولوگيالىق پروتسەستەردىڭ دياگنوستيكاسىنا باعىتتالعان پاتولوگيالىق-اناتوميالىق دياگنوستيكاسىنىڭ ءتۇرى;
2) باسەكەلەسكەن اۋرۋلار – ناۋقاستا ءبىر ۋاقىتتا بولاتىن ەكى نەمەسە ودان كوپ نوزولوگيالىق بىرلىكتەر, ولاردىڭ ارقايسىسى جەكە تۇردە ولىمگە الىپ كەلۋى مۇمكىن;
3) بيوپسيالىق زەرتتەۋ – ءتىرى كەزىندەگى اۋرۋلاردىڭ دياگنوستيكاسىنا, سونداي-اق اعزالار مەن تىندەردىڭ قۇرىلىسىن زەردەلەۋ ادىستەرىن پايدالانۋ ارقىلى جۇرگىزىلگەن ەمنىڭ تيىمدىلىگىن ايقىنداۋعا باعىتتالعان پاتولوگيالىق-اناتوميالىق دياگنوستيكانىڭ ءتۇرى;
4) ەمقاتەلىك اۋرۋلارى – مەديتسينالىق كومەك پەن پروفيلاكتيكالىق ءىس-شارالاردىڭ كەز كەلگەن ءتۇرىن كورسەتۋدىڭ ناتيجەسىندە دامىعان اۋرۋ نەمەسە پاتولوگيالىق جاعداي;
5) كلينيكالىق-پاتولوگيالىق-اناتوميالىق تەكسەرۋ – ناۋقاس قايتىس بولعان دەنساۋلىق ساقتاۋ ۇيىمىنىڭ پاتولوگواناتوم دارىگەرلەرى مەن قىزمەتكەرلەرىنىڭ قاتىسۋى كەزىندە پاتولوگيالىق-اناتوميالىق اشىپ قاراۋ ناتيجەلەرىن ەسكەرە وتىرىپ, وتكىزىلگەن دياگنوستيكالىق جانە ەمدەۋ ءىس-شارالارىنىڭ ساپاسىن تالداۋ جانە باعالاۋ.
6) قوسالقى اۋرۋ – نەگىزگى اۋرۋمەن جانە ونىڭ اسقىنۋلارىمەن ەتيولوگيالىق جانە پاتوگەنەتيكالىق بايلانىسى جوق, ولاردىڭ قالىپتى وتۋىنە قولايسىز اسەر ەتپەگەن جانە قايتىس بولۋعا ىقپال ەتپەگەن نوزولوگيالىق بىرلىك;
7) قۇرامداستىرىلعان نەگىزگى اۋرۋ – جاڭا پاتولوگيالىق جاعدايدى تۋىنداتقان جانە ءوزارا ارەكەتتەسىپ ولىمگە اكەلگەن, ناۋقاستىڭ ەكى جانە ودان كوپ جەتەكشى سىرقاتتارىنىڭ ۇيلەسۋ جاعدايلارىندا (اۋرۋ مەن ءولىمنىڭ بيكاۋزالدىق جانە مۋلتيكاۋزالدىق گەنەزى);
8) ءمايىت – بيولوگيالىق ولىمنەن كەيىنگى ادامنىڭ دەنەسى;
9) مەديتسينالىق ارالاسۋ سالدارىن (ناتيجەلەرىن) پاتولوگيالىق-مورفولوگيالىق باعالاۋ – مەديتسينالىق قۇجاتتار مەن پاتولوگيالىق-اناتوميالىق زەرتتەۋ ماتەريالدارىن زەردەلەۋ ارقىلى دياگنوستيكا مەن ەمدەۋ ساپاسىن باعالاۋعا باعىتتالعان پاتولوگيالىق-اناتوميالىق زەرتتەۋدىڭ ءتۇرى;
10) نەگىزگى اۋرۋ – وزدىگىنەن نەمەسە ءوزىنىڭ اسقىنۋلارى ارقىلى ناۋقاستىڭ ولىمىنە سەبەپشى بولعان نوزولوگيالىق بىرلىك;
11) نەگىزگى اۋرۋدىڭ اسقىنۋى – نەگىزگى اۋرۋمەن پاتوگەنەتيكالىق جانە (نەمەسە) ەتيولوگيالىق بايلانىسقان پاتولوگيالىق ۇدەرىس;
12) وپەراتسيالىق ماتەريالدى زەرتتەۋ – اۋرۋلاردىڭ دياگنوستيكاسىن جۇرگىزۋ, حيرۋرگيالىق وپەراتسيانىڭ ساپاسى مەن كولەمىن باقىلاۋ ماقساتىندا وپەراتسيالىق ارالاسۋ كەزىندەگى الىنعان ماتەريالدى زەرتتەۋگە باعىتتالعان پاتولوگيالىق-اناتوميالىق دياگنوستيكانىڭ ءتۇرى;
13) ءولىم كونستاتاتسياسى – بيولوگيالىق ءولىم فاكتىسىن بىلگىلەۋ ماقساتىندا جۇرگىزىلەتىن مەديتسينالىق-قۇقىقتىق رەسىم;
14) پاتولوگيالىق-اناتوميالىق دياگنوستيكا – وزىنە بيوپسيالىق زەرتتەۋدى, وپەراتسيالىق ماتەريالدى زەرتتەۋدى, بالا جولداسىن زەرتتەۋدى, ساراپشىلىق كونسۋلتاتسيانى, مەديتسينالىق ارالاسۋ سالدارىن (ناتيجەلەرىن) ساراپتاپ باعالاۋدى, پاتولوگيالىق-اناتوميالىق اشىپ قاراۋدى قامتيتىن دياگنوستيكاعا, مەديتسينالىق ارالاسۋدىڭ ساپاسىن ءتىرى كەزىندە جانە ولگەننەن كەيىن باقىلاۋعا باعىتتالعان مەديتسينالىق قىزمەتتىڭ ءتۇرى;
15) پاتولوگيالىق-اناتوميالىق اشىپ قاراۋ – دەنساۋلىق ساقتاۋ ۇيىمىندا قايتىس بولعان ناۋقاستىڭ ءمايىتىن قايتىس بولۋ سەبەبى مەن مەحانيزمىن, مەديتسينالىق ارالاسۋلاردىڭ ساپاسىن, كولەمىن باقىلاۋدى, ورىندىلىعى مەن سايكەستىگىن انىقتاۋ ماقساتىندا اعزالاردىڭ تىندەرىن ماكروسكوپيالىق جانە ميكروسكوپيالىق زەرتتەۋلەر ارقىلى جان-جاقتى زەرتتەۋ;
16) پاتولوگيالىق-اناتوميالىق زەرتتەۋ حاتتاماسى – ماكروسكوپيالىق جانە ميكروسكوپيالىق زەرتتەۋلەردىڭ ناتيجەلەرىنە سايكەس قۇجات نىسانىندا ۇسىنىلعان پاتولوگيالىق-اناتوميالىق اشىپ قاراۋ ناتيجەلەرى;
17) ساراپتامالىق كونسۋلتاتسيا – ەمدەۋشى دارىگەردىڭ, پاتسيەنتىڭ نەمەسە ناۋقاستىڭ مۇددەسىن بىلدىرەتىن ادامنىڭ ءوتىنىشى بويىنشا پاتولوگواناتوم ساراپشىلاردىڭ كلينيكالىق كونسيليۋمداعى قاتىسۋى تۇرىندەگى پاتولوگيالىق-اناتوميالىق ساراپتامانىڭ ءتۇرى;
18) ۇيلەسكەن اۋرۋلار – ەكى نەمەسە ودان كوپ نوزولوگيالىق بىرلىكتەر, ولاردىڭ ارقايسىسى جەكە تۇردە ولىمگە الىپ كەلمەۋى مۇمكىن, بىراق ولاردىڭ جيىنتىعى ءولىمنىڭ سەبەبى بولادى;
19) فوندىق اۋرۋ – ەتيولوگياسى وزگە بولا تۇرىپ, نەگىزگى اۋرۋدىڭ تۋىنداۋىندا جانە دامۋىندا ەلەۋلى ءرول اتقارادى; نەگىزگى نوزولوگيالىق بىرلىك پەن فوندىق اۋرۋدىڭ ءوزارا ارەكەتتەسۋى تاناتوگەنەزدى جەدەلدەتەدى جانە قيىنداتادى;
3. قايتىس بولعان ناۋقاستىڭ ءمايىتىن پاتولوگيالىق-اناتوميالىق اشىپ قاراۋعا دارىگەرلەر بيولوگيالىق ءولىمدى بەلگىلەگەننەن كەيىن, دەنساۋلىق ساقتاۋ ۇيىمى باس دارىگەرىنىڭ نەمەسە ونىڭ مەديتسينالىق (ەمدەۋ) ءبولىمى جونىندەگى ورىنباسارىنىڭ پاتولوگيالىق-اناتوميالىق اشىپ قاراۋعا جىبەرۋ تۋرالى جازباشا وكىمىمەن ستاتسيونارلىق ناۋقاستىڭ مەديتسينالىق كارتاسىن نەمەسە امبۋلاتوريالىق ناۋقاستىڭ مەديتسينالىق كارتاسىن ۇسىنعاننان كەيىن رۇقسات ەتىلەدى.
4. پاتولوگيالىق-اناتوميالىق اشىپ قاراۋ ناتيجەلەرى پاتولوگيالىق-اناتوميالىق دياگنوز تۇرىندە رەسىمدەلەدى. پاتولوگيالىق-اناتوميالىق اشىپ قاراۋ ناتيجەلەرىنە نەگىزدەلگەن پاتولوگيالىق-اناتوميالىق دياگنوز قورىتىندى بولىپ تابىلادى.
5. پاتولوگيالىق-اناتوميالىق دياگنوز: نەگىزگى اۋرۋدى, نەگىزگى اۋرۋدىڭ اسقىنۋىن, قوسالقى اۋرۋدى, قۇرامداستىرىلعان نەگىزگى اۋرۋدى قامتيدى.
6. قۇرامداستىرىلعان نەگىزگى اۋرۋ: باسەكەلەس اۋرۋلاردى, ۇيلەسكەن اۋرۋلاردى, فوندىق اۋرۋدى قامتيدى.
كەز كەلگەن مەديتسينالىق كومەك كورسەتۋ ناتيجەسىندە دامىعان اۋرۋ نەمەسە پاتولوگيالىق جاعداي ەمقاتەلىك اۋرۋى رەتىندە باعالانادى.
7. پاتولوگيالىق-اناتوميالىق اشىپ قاراۋدان كەيىن پاتولوگيالىق-اناتوميالىق دياگنوز ەنگىزىلگەن ستاتسيونارلىق ناۋقاستىڭ مەديتسينالىق كارتاسى نەمەسە امبۋلاتوريالىق ناۋقاستىڭ مەديتسينالىق كارتاسى ون جۇمىس كۇنىنەن كەشىكتىرىلمەي دەنساۋلىق ساقتاۋ ۇيىمىنىڭ مەديتسينالىق مۇراعاتىنا بەرىلەدى.
8. ناۋقاستاردىڭ دەنساۋلىق ساقتاۋ ۇيىمدارىندا قايتىس بولۋ جاعدايلارى كلينيكالىق-پاتولوگيالىق-اناتوميالىق تەكسەرۋگە ۇشىرايدى.
9. ءولىمنىڭ كۇش قولدانۋدان بولعانىنا كۇدىك بولماعان كەزدە جانە جۇبايىنىڭ (زايىبىنىڭ), جاقىن تۋىستارىنىڭ نەمەسە زاڭدى وكىلدەرىنىڭ جازباشا ءوتىنىشى نە وسى ادام ءتىرى كەزىندە نيەتىن جازباشا ءبىلدىرۋى بولعان جاعدايلاردا, ءمايىتتى پاتولوگيالىق-اناتوميالىق اشىپ قاراۋ جۇرگىزىلمەستەن بەرۋگە رۇقسات ەتىلەدى.
10. پاتولوگيالىق-اناتوميالىق اشىپ قاراۋدى توقتاتۋعا:
1) انا مەن نارەستەلەر ءولىمى جاعدايلارىندا;
2) اسا قاۋىپتى ينفەكتسيالاردان قايتىس بولعان جاعدايلاردا جول بەرىلمەيدى.
4. پاتولوگيالىق-اناتوميالىق اشىپ قاراۋدى جۇرگىزۋ ءتارتىبى
11. ءجىتى ينفەكتسيالارعا, ونكولوگيالىق اۋرۋلارعا, بالا جاسىنداعى پاتولوگياسىنا, مەديتسينالىق مانيپۋلياتسيالارعا بايلانىستى ءولىم ناتيجەسىنە كۇدىكتەنگەن جاعدايلاردا ءولىمنىڭ سەبەبىن بەلگىلەۋ جانە ولىمگە اكەلگەن اۋرۋدىڭ دياگنوزىن ناقتىلاۋ ماقساتىندا پاتولوگيالىق-اناتوميالىق اشىپ قاراۋ جۇزەگە اسىرىلادى.
12. ديسپانسەرلىك ەسەپتە تۇرمايتىن بالالار دەنساۋلىق ساقتاۋ ۇيىمدارىنان تىس كەنەتتەن شەتىنەگەن جاعدايلاردا ولاردىڭ مايىتتەرى سوت-مەديتسينالىق اشىپ قاراۋعا جاتادى.
13. «پاتولوگيالىق اناتوميا (ەرەسەكتەر, بالالار)» ماماندىعى بويىنشا دارىگەر سوت مەديتسيناسى سالاسىنداعى قىزمەتتى جۇزەگە اسىراتىن دەنساۋلىق ساقتاۋ ۇيىمىمەن كەلىسۋ بويىنشا كونسۋلتاتسيالىق كومەك ءۇشىن تارتىلادى.
14. ديسپانسەرلىك ەسەپتە تۇراتىن بالالار كەنەتتەن شەتىنەگەن جاعدايلاردا اشىپ قاراۋدى «پاتولوگيالىق اناتوميا (ەرەسەكتەر, بالالار)» ماماندىعى بويىنشا دارىگەر جۇرگىزەدى.
15. پاب باس دارىگەرى مەن مەڭگەرۋشىسى ينفەكتسيالىق اۋرۋلارعا كۇدىك تۋىنداعان جاعدايلاردا بالالاردىڭ مايىتتەرىن اشىپ قاراۋ ماتەريالدارىن ۆيرۋسولوگيالىق (يممۋنوفليۋورەستسەنتتىك) جانە باكتەريولوگيالىق زەرتتەۋدى ۇيىمداستىرادى.
16. وتكەن تاۋلىكتە قايتىس بولعان بارلىق ستاتسيونارلىق ناۋقاستاردىڭ مەديتسينالىق كارتالارى پاتولوگيالىق-اناتوميالىق بيۋروعا (بۇدان ءارى – پاب), ورتالىقتاندىرىلعان پاتولوگيالىق-اناتوميالىق بيۋروعا (بۇدان ءارى – وپاب) جانە پاتولوگيالىق-اناتوميالىق بولىمشەگە (بۇدان ءارى – ءپابو) ءولىم فاكتىسى بەلگىلەنگەن كۇننەن كەيىنگى كۇنى تاڭعى ساعات 10-نان كەشىكتىرىلمەي بەرىلەدى.
17. اشىپ قاراۋدى جۇرگىزەتىن پاتولوگواناتوم دارىگەر اشىپ قاراۋ ۇدەرىسىندە ەمدەۋشى دارىگەردەن اۋرۋ اعىمىنىڭ, سىرقاتتى ەمدەۋدىڭ جانە تەكسەرۋدىڭ ەرەكشەلىكتەرىن انىقتايدى جانە اشىپ قاراۋ بارىسى بويىنشا قاجەتتى تۇسىنىكتەمە بەرەدى.
اشىپ قاراۋدى اياقتاعاننان كەيىن ەمدەۋشى دارىگەرلەرمەن اشىپ قاراۋ قورىتىندىسىن: پاتولوگيالىق-اناتوميالىق ۇدەرىس, دياگنوز, ولىمگە تىكەلەي سەبەپتەرى, كلينيكالىق جانە پاتولوگيالىق اناتوميالىق دياگنوزداردىڭ سايكەستىكتەرى نەمەسە ايىرماشىلىقتارى تۋرالى پىكىرلەردى تالقىلايدى.
18. قايتىس بولۋ تۋرالى مەديتسينالىق كۋالىكتى (الدىن الا, تۇپكىلىكتى) پاتولوگيالىق-اناتوميالىق اشىپ قاراۋ جۇرگىزىلگەن كۇنى «پاتولوگيالىق اناتوميا (ەرەسەكتەر, بالالار)» ماماندىعى بويىنشا دارىگەر رەسىمدەيدى.
19. اشىپ قاراۋدىڭ ناتيجەلەرى «دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2010 جىلعى 23 قاراشاداعى № 907 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 2010 جىلعى 21 جەلتوقساندا № 6697 تىركەلگەن) 013/ە نىسان بويىنشا پاتولوگيالىق-اناتوميالىق زەرتتەۋ حاتتاماسى (بۇدان ءارى – حاتتاما) تۇرىندە رەسىمدەلەدى.
20. ءمايىتتى پاتولوگيالىق-اناتوميالىق كەزىندە كۇش قولدانىپ قاراۋ ءولتىرۋ بەلگىلەرى انىقتالعاندا اشىپ قاراۋ توقتاتىلادى جانە مەديتسينالىق ۇيىمنىڭ باسشىسى ءمايىتتى سوت-مەديتسينالىق ساراپتاماعا بەرۋ تۋرالى ماسەلەنى شەشۋ ءۇشىن سوت-تەرگەۋ ورگاندارىنا بولعان جاعداي تۋرالى جازباشا حابارلايدى.
«پاتولوگيالىق اناتوميا (ەرەسەكتەر, بالالار)» ماماندىعى بويىنشا دارىگەر ودان ءارى سوت-مەديتسينالىق ساراپتاما ءۇشىن دەنەنى, ءمايىتتىڭ بارلىق اعزالارى مەن تىندەرىن ساقتاۋ شارالارىن قابىلدايدى. پاتولوگيالىق-اناتوميالىق زەرتتەۋدىڭ جۇرگىزىلگەن بولىگىنە سوت-مەديتسينالىق ساراپتامانى ودان ءارى جۇرگىزۋ ءۇشىن سوڭىندا نەگىزدەمە كورسەتىلەتىن حاتتاما جاسالادى. پاتولوگيالىق-اناتوميالىق اشىپ قاراۋدىڭ ءاربىر ۇزىلگەن جاعدايى تۋرالى پاتولوگواناتوم دارىگەر اشىپ قاراۋدى توقتاتقاننان كەيىن بىردەن بولىمشەنىڭ مەڭگەرۋشىسىنە, ءولىم بولعان دەنساۋلىق ساقتاۋ ۇيىمىنىڭ اكىمشىلىگىنە جازباشا حابارلايدى.
21. اشىپ قاراۋ كەزىندە ءجىتى ينفەكتسيالىق اۋرۋلاردى, تاعامدىق نەمەسە وندىرىستىك ۋلانۋدى, ەكپەگە وزگەشە رەاكتسيانى العاش انىقتاعان جاعدايدا پاتولوگواناتوم دارىگەر ولار انىقتالعاننان كەيىن بىردەن مەديتسينالىق ۇيىمنىڭ باس دارىگەرىنە جازباشا حابارلايدى جانە مەملەكەتتىك سانيتاريالىق-ەپيدەميولوگيالىق قىزمەت ورگاندارىنا شۇعىل حابارلاما جىبەرەدى.
22. قايتىس بولعان ادامنىڭ جۇبايىنىڭ (زايىبىنىڭ), جاقىن تۋىستارىنىڭ نەمەسە زاڭدى وكىلىنىڭ تالاپ ەتۋى بويىنشا پاتولوگيالىق-اناتوميالىق اشىپ قاراۋدى تاۋەلسىز ساراپشى (ساراپشىلار) جۇرگىزەدى.
3. شەتىنەگەن نەمەسە ءولى تۋعان نارەستەلەردى, انا ءولىم-ءجىتىمى جاعدايلارىندا مايىتتەردى
پاتولوگيالىق-اناتوميالىق اشىپ قاراۋدى جۇرگىزۋ ءتارتىبى
23. بوساندىرۋ جانە باسقا دەنساۋلىق ساقتاۋ ۇيىمدارىندا بارلىق شەتىنەگەن نارەستەلەر (تۋعاننان كەيىن ولارداعى تىرشىلىك بەلگىلەرى قانشا ۋاقىتقا دەيىن بايقالعانىنا قاراماستان) جانە جۇكتىلىكتىڭ 22 اپتالىق جانە ودان دا كوپ مەرزىمىندە دەنە سالماعى 500 گ. ءولى تۋعان شارانالار, ونىڭ ىشىندە جۇكتىلىكتى ۇزگەننەن كەيىن ء(وز بەتىمەن, مەديتسينالىق جانە الەۋمەتتىك ايعاقتار بويىنشا) بالا جولداسىن مىندەتتى پاتوگيستولوگيالىق زەرتتەپ جانە پەريناتالدىق ءولىم تۋرالى دارىگەرلىك كۋالىكتى رەسىمدەپ, اشىپ قاراۋعا جاتادى.
24. بالانىڭ جولداسى شەتىنەگەن نەمەسە ءولى تۋعان نارەستەمەن بىرگە پاتوگيستولوگيالىق زەرتتەۋگە جىبەرىلەدى.
25. بوساندىرۋ ۇيىمىنىڭ باس دارىگەرى شەتىنەگەن نارەستەنى شەتىنەگەننەن كەيىن 12 ساعاتتان كەشىكتىرمەي, ال ءولى تۋعانداردى تۋعاننان كەيىن 12 ساعاتتان كەشىكتىرمەي پاب-قا, وپاب-قا جانە ءپابو-گە جەتكىزۋدى قامتاماسىز ەتەدى.
26. بوساندىرۋ ۇيىمىندا شەتىنەگەن جانە ءولى تۋعان نارەستەلەردى ناقتى كلينيكالىق دياگنوزىمەن پەريناتالدىق اشىپ قاراۋعا جولداما تولتىرىلادى.
27. ءپابو مەڭگەرۋشىسى شەتىنەگەن جانە ءولى تۋعان نارەستەلەردىڭ مايىتتەرىن تىندەرى مەن اعزالارىن مىندەتتى تولىق پاتوگيستولوگيالىق زەرتتەۋلەر جاساي وتىرىپ, اشىپ قاراۋ جۇرگىزۋدى قامتاماسىز ەتەدى.
28. اشىپ قاراۋدىڭ, پاتوگيستولوگيالىق زەرتتەۋلەر مەن بالا جولداسىن زەرتتەۋ دەرەكتەرى پاتولوگيالىق-اناتوميالىق اشىپ قاراۋ حاتتاماسىنا ەنگىزىلەدى.
29. دەنساۋلىق ساقتاۋ ۇيىمدارىنىڭ باس دارىگەرلەرى مەن ءپابو-لەردىڭ مەڭگەرۋشىلەرى شەتىنەگەن جانە ءولى تۋعان نارەستەلەردى جانە بالا جولداسىن اشىپ قاراۋ ءۇشىن دەنساۋلىق ساقتاۋ ۇيىمدارىنىڭ نەمەسە مەملەكەتتىك سانيتاريالىق-ەپيدەميولوگيالىق قىزمەت ورگاندارىنىڭ ءتيىستى زەرتحانالارىن پايدالانا وتىرىپ, اشىپ قاراۋ ماتەريالدارىن قاجەتتى ۆيرۋسولوگيالىق جانە باكتەريولوگيالىق زەرتتەۋدى ۇيىمداستىرادى.
30. پاتولوگيالىق اناتوميا (ەرەسەكتەر, بالالار)» ماماندىعى بويىنشا دارىگەر اشىپ قاراۋدى جۇرگىزگەن كۇنى پەريناتالدىق (الدىن الا, ناقتى) ءولىم تۋرالى مەديتسينالىق كۋالىكتى رەسىمدەيدى.
31. شەتىنەگەن جانە ءولى تۋعان نارەستەلەردىڭ مايىتتەرىن اشىپ قاراۋ ناتيجەلەرىمەن قاتار پەريناتالدىق كەزەڭدە شەتىنەگەندەردىڭ پاتولوگيالىق-اناتوميالىق دياگنوزىن بىرەگەي تۇجىرىمداۋ ءۇشىن بالا جولداسىن پاتوگيستولوگيالىق زەرتتەۋدىڭ ناتيجەلەرى پايدالانىلادى.
32. بالا جولداسىن پاتولوگيالىق-اناتوميالىق زەرتتەۋ مىناداي جاعدايلاردا جۇرگىزىلەدى:
1) ءولى تۋدىڭ بارلىق جاعدايلارىندا;
2) تۋعان ساتتە انىقتالعان جاڭا تۋعان نارەستەلەردىڭ بارلىق اۋرۋلارى كەزىندە;
3) جاڭا تۋعان نارەستەلەردىڭ گەموليتيكالىق اۋرۋىنا كۇدىكتەنگەن جاعدايدا;
4) سۋ ەرتە كەتكەن جاعدايدا جانە لاس سۋلار كەزىندە;
5) جۇكتىلىكتىڭ سوڭعى ءۇش ايىندا انانىڭ جوعارى تەمپەراتۋرامەن وتكەن اۋرۋلارى كەزىندە;
6) بالا جولداسىنىڭ دامۋىنىڭ نەمەسە بەكۋىنىڭ ايقىن انومالياسى.
33. شەتىنەگەن جانە ءولى تۋعان نارەستەلەردىڭ مايىتتەرىن پاتولوگيالىق-اناتوميالىق زەرتتەۋ شەتىنەگەن جانە ءولى تۋعان نارەستەلەردىڭ مايىتتەرىن اشىپ قاراۋ تەحنيكاسىنىڭ ەرەكشەلىكتەرى ەسكەرىلە وتىرىپ جۇرگىزىلەدى.
34. ءپابو مەڭگەرۋشىسى پەريناتالدىق ءولىمنىڭ جارتىجىلدىق, جىلدىق تالداۋلارىن جۇرگىزۋدى قامتاماسىز ەتەدى.
35. پاتولوگيالىق-اناتوميالىق دياگنوز بەن پەريناتالدىق ءولىم تۋرالى مەديتسينالىق كۋالىكتە شالا تۋشىلىق ءولىمنىڭ نەگىزگى سەبەبى رەتىندە كورسەتىلمەيدى.
36. دەنە سالماعى 500 گراممنان كەم بولاتىن شارانالار انتروپومەتريالىق دەرەكتەرىمەن (سالماعى, بويى, باسىنىڭ ولشەمى, كوكىرەگىنىڭ ولشەمى) مىندەتتى تىركەۋگە جاتادى.
37. دەنە سالماعى 500 گراممنان كەم بولاتىن شارانالاردى پاتولوگيالىق-اناتوميالىق اشىپ قاراۋ بوساندىرۋ ۇيىمدارى اكىمشىلىگىنىڭ تالابى بويىنشا پاتولوگيالىق-اناتوميالىق اشىپ قاراۋ حاتتاماسىن رەسىمدەي وتىرىپ جۇرگىزىلەدى.
38. تۋا بىتكەن دامۋ كەمىستىگىنىڭ بولۋىنا كۇدىكتەنگەن كەزدە مەديتسينالىق ايعاقتارى بويىنشا جۇكتىلىكتى ۇزگەن جاعدايدا – شارانا مەن بالانىڭ جولداسى اشىپ قاراۋ حاتتاماسى رەسىمدەلە وتىرىپ, پاتولوگيالىق-اناتوميالىق اشىپ قاراۋعا جىبەرىلەدى.
39. انا ءولىمىنىڭ بارلىق جاعدايلارىن پاتولوگيالىق-اناتوميالىق اشىپ قاراۋدى سەكتسيالىق ماتەريالدىڭ تولىق پاتوگيستولوگيالىق زەرتتەۋىمەن جوعارى ساناتى پاتولوگيالىق اناتوميا (ەرەسەكتەر, بالالار)» ماماندىعى بويىنشا دارىگەر پاب, وپاب پەن ءپابو بازاسىندا شەتىنەگەننەن كەيىن (24 ساعاتتىڭ ىشىندە) اشىپ قاراۋ جۇرگىزەدى.
40. پاتولوگيالىق-اناتوميالىق زەرتتەۋدىڭ بارلىق كەشەنى اياقتالعاننان كەيىن انا ءولىمىنىڭ بارلىق جاعدايلارى كلينيكالىق-پاتولوگواناتوميالىق تەكسەرۋگە جاتادى.
41. پاتولوگيالىق-اناتوميالىق دياگنوز اۋرۋلار مەن دەنساۋلىققا بايلانىستى پروبلەمالاردىڭ حالىقارالىق ستاتيستيكالىق جىكتەمەسىندە جازىلعان ەرەجەلەرگە سايكەس رەسىمدەلەدى.
4. پاتولوگيالىق-اناتوميالىق اشىپ قاراۋدىڭ كۇردەلىلىك ساناتتارى,
پاتولوگيالىق-اناتوميالىق دياگنوزدى رەسىمدەۋ
42. پاتولوگيالىق-اناتوميالىق اشىپ قاراۋ كۇردەلىلىگىنە قاراي مىناداي ساناتتارعا بولىنەدى:
ءبىرىنشى سانات;
ەكىنشى سانات;
ءۇشىنشى سانات;
ءتورتىنشى سانات.
43. كۇردەلىلىكتىڭ ءبىرىنشى ساناتىنىڭ اشىپ قاراۋىنا كلينيكالىق دياگنوز بەلگىلەنگەن جانە تاناتوگەنەزدى جانە ءولىم سەبەپتەرىن بايانداۋدا قيىندىقتار بولماعان جاعدايدا ءمايىتتى پاتولوگيالىق-اناتوميالىق زەرتتەۋ جاتادى.
كۇردەلىلىكتىڭ ەكىنشى ساناتىنىڭ اشىپ قاراۋىنا كلينيكالىق دياگنوز بەلگىلەنگەن جانە پاتولوگيالىق ۇدەرىستىڭ ءمانىن, تاناتوگەنەزدى جانە ءولىم سەبەپتەرىن بەلگىلەۋدە بەلگىلى ءبىر قيىندىقتار بولعان جاعدايدا ءمايىتتى پاتولوگيالىق-اناتوميالىق زەرتتەۋ جاتادى.
كۇردەلىلىكتىڭ ءۇشىنشى ساناتىنىڭ اشىپ قاراۋىنا كلينيكالىق دياگنوز بەلگىلەنگەن, زەرتتەۋدىڭ قوسىمشا گيستوحيميالىق ادىستەرىن قاجەت ەتەتىن جاعدايى ءمايىتتى پاتولوگيالىق-اناتوميالىق زەرتتەۋ جاتادى.
كۇردەلىلىكتىڭ ءتورتىنشى ساناتىنىڭ اشىپ قاراۋىنا زەرتتەۋدىڭ يممۋندىق-گيستوحيميالىق ادىستەرىن قاجەت ەتەتىن ءمايىتتى پاتولوگيالىق-اناتوميالىق زەرتتەۋ جاتادى.
44. پاتولوگيالىق-اناتوميالىق دياگنوزدى رەسىمدەۋ كەزىندە پاتولوگواناتوم دارىگەر پاتولوگيالىق-اناتوميالىق اشىپ قاراۋدىڭ ناتيجەلەرى بويىنشا:
1) نەگىزگى اۋرۋ;
2) نەگىزگى اۋرۋدىڭ اسقىنۋى;
3) قوسالقى اۋرۋ;
4) قۇرامداستىرىلعان نەگىزگى اۋرۋ: باسەكەلەس اۋرۋلار, ۇيلەسكەن اۋرۋلار, فوندىق اۋرۋ دەپ بولەدى.
45. قورىتىندى كلينيكالىق جانە پاتولوگيالىق-اناتوميالىق دياگنوزداردا ايىرماشىلىق بولعان جاعدايدا پاتولوگيالىق اناتوميا (ەرەسەكتەر, بالالار)» ماماندىعى بويىنشا دارىگەر وسى دياگنوزداردىڭ ايىرماشىلىق ساناتىن جانە سەبەپتەرىن انىقتاۋى ءتيىس.
46. كلينيكالىق جانە پاتولوگيالىق-اناتوميالىق دياگنوزداردىڭ ايىرماشىلىقتارى مىناداي ساناتتارعا بولىنەدى:
1) ءبىرىنشى سانات – ەمدەۋگە جاتقىزۋعا دەيىنگى كەزەڭدە اۋرۋ انىقتالماعان, بۇل رەتتە ناۋقاستىڭ جاي-كۇيىنىڭ اۋىرلىعىنا, پاتولوگيالىق پروتسەستىڭ تارالۋىنا, ناۋقاستىڭ وسى مەديتسينالىق ۇيىمدا قىسقا ۋاقىت بولۋىنا بايلانىستى دۇرىس دياگنوز قويۋ مۇمكىن ەمەس;
2) ەكىنشى سانات – وسى مەديتسينالىق ۇيىمدا قاجەتتى جانە قولجەتىمدى زەرتتەۋلەردىڭ بولماۋىنا بايلانىستى اۋرۋ انىقتالعان جوق. بۇل رەتتە دۇرىس دياگنوز اۋرۋدىڭ ناتيجەسىنە شەشۋشى اسەر ەتپەيدى;
3) ءۇشىنشى سانات – دياگنوزدى دۇرىس قويماۋ دارىگەردىڭ قاتە تاكتيكاسىنىڭ سەبەبى بولىپ تابىلدى, ول ولىمگە اكەپ سوقتىردى.
47. ايىرماشىلىقتىڭ وبەكتيۆتى سەبەپتەرىنە مىنالاردى جاتقىزعان ءجون:
ناۋقاس جاعدايىنىڭ اۋىرلىعى;
اۋرۋدىڭ اۋىتقىعان اعىمى;
اۋرۋدىڭ سيرەكتىگى;
قاجەتتى مەديتسينالىق اپپاراتۋرانىڭ بولماۋى سەبەبىنەن زەرتتەپ قاراۋدىڭ قوسىمشا ادىستەرىن جۇرگىزۋدىڭ مۇمكىن ەمەستىگى:
ناۋقاستىڭ ستاتسيوناردا قىسقا ۋاقىت بولۋى ء(بىر تاۋلىككە دەيىن);
ايىرماشىلىقتىڭ سۋبەكتيۆتى سەبەپتەرىنە مىنالاردى جاتقىزعان ءجون:
انامنەز دەرەكتەرىن تولىق ەسەپكە الماۋ (ونىڭ ىشىندە تولىق جيناماۋ);
كلينيكالىق دەرەكتەردى دۇرىس تۇسىندىرمەۋ;
ناۋقاستى تولىق زەرتتەپ-قاراماۋ (ەلەكتروكارديوگرامما, ساۋلەلىك دياگنوستيكا, ەندوسكوپيا, ۋلترادىبىستىق زەرتتەۋ, كومپيۋتەرلىك تاموگرافيا, لاپوروسكوپيا جانە باسقا دا قوسىمشا زەرتتەۋلەردە جاساماۋ);
زەرتتەۋدىڭ قوسىمشا ادىستەرىن دۇرىس تۇسىندىرمەۋ;
زەرتتەۋدىڭ قوسىمشا ادىستەرىنىڭ ناتيجەلەرىن ەسكەرمەۋ;
زەرتتەۋدىڭ قوسىمشا ادىستەرىنىڭ ناتيجەلەرىن اسىرا باعالاۋ;
وپەراتسيا كەزىندەگى دياگنوستيكالىق قاتەلىك;
قاجەتتى ماماندار كونسۋلتاتسياسىنىڭ بولماۋى;
كونسۋلتانتتىڭ پىكىرىن اسىرا باعالاۋ;
قورىتىندى كلينيكالىق دياگنوزدى قاتە (پاتوگەنەتيكالىق ەمەس) قۇرۋ جانە رەسىمدەۋ.
48. پاتولوگيالىق-اناتوميالىق اشىپ قاراۋ كەزىندە انىقتالعان ەمقاتەلىك اۋرۋلاردىڭ بارلىق جاعدايلارى بەيىنى جانە ەمقاتەلىك اۋرۋلاردىڭ مىناداي ساناتىن انىقتاي وتىرىپ, ناقتى تالداۋعا جاتادى:
1) ءبىرىنشى ساناتتاعى – قاتە نەمەسە دۇرىس ەمەس مەديتسينالىق ءىس-قيمىلدارمەن تۇسىندىرىلەتىن قايتىس بولۋدىڭ سەبەبى بولعان پاتولوگيالىق ۇدەرىستەر, وزگەشە رەاكتسيالار; پاتولوگيالىق-اناتوميالىق دياگنوزدا ءبىرىنشى ساناتتاعى ەمقاتەلىك اۋرۋلاردىڭ ءبىرىنشى ورىنعا قويىلۋى جانە ءولىمنىڭ باستاپقى سەبەبى (نەگىزگى اۋرۋ) رەتىندە باعالانۋى كەرەك;
2) ەكىنشى ساناتتاعى – نەگىزدەلگەن جانە دۇرىس ورىندالعان ايعاقتار بويىنشا جۇرگىزىلگەن مەديتسينالىق اسەر ەتۋلەرمەن تۇسىندىرىلەتىن پاتولوگيالىق ۇدەرىستەر مەن اسقىنۋلار; ولاردىڭ دامۋى ناقتى ناۋقاستىڭ جەكە ەرەكشەلىكتەرىنە جانە جاعدايىنا بايلانىستى, ولار نەگىزگى اۋرۋمەن تىكەلەي پاتوگەنەتيكالىق بايلانىستا بولمايدى, بىراق ۇنەمى ولاردىڭ اسقىنۋلارىنان شەتكەرى قالمايدى. پاتولوگيالىق-اناتوميالىق دياگنوزدا بۇل ەمقاتەلىك اۋرۋلار قۇرامداستىرىلعان نەگىزگى اۋرۋدا ەكىنشى ورىندى الادى;
3) ءۇشىنشى ساناتتاعى – نەگىزگى اۋرۋمەن نەمەسە ونىڭ اسقىنۋىمەن پاتوگەنەتيكالىق بايلانىستا ەمەس جانە تاناتوگەنەزدە ەلەۋلى ءرول اتقارمايتىن پاتولوگيالىق ۇدەرىستەر, رەاكتسيالار; ولار دياگنوزدا قوسالقى اۋرۋدىڭ ورنىن الادى.
49. دياگنوزدى ناقتىلاۋ ماقساتىندا ناۋقاستان حيرۋرگيالىق وپەراتسيا جانە (نەمەسە) بيوپسيا ارقىلى الىنعان تىندەردەگى وزگەرىستەردىڭ جيىنتىعىن تالداۋ ارقىلى پاتولوگيالىق-اناتوميالىق دياگنوستيكانى جۇزەگە اسىرۋ بارىسىندا پاتولوگواناتوم دارىگەر جۇرگىزگەن زەرتتەۋلەردىڭ كۇردەلىلىك ساناتتارىنا باعالاۋ جۇرگىزەدى.
كۇردەلىلىكتىڭ ءبىرىنشى ساناتىنىڭ زەرتتەۋلەرىنە مىناداي زەرتتەۋلەر جاتادى:
قۇرت ءتارىزدى وسكىن;
جارىق قابى;
رەزەكتسيالانعان اسقازان;
اسقازان-ىشەك تراكتىسىنىڭ ديۆەرتيكۋلدارى;
ءوت قالتالىق;
گەموررويلىق تۇيىندەر;
وڭەش ستريكتۋرالارى;
تاڭداي بادامشاسى مەن ادەنويدتار;
تاڭدايدىڭ كومەكەي بەزدەرى مەن ادەنويدتارى:
مۇرىن پوليپتەرى;
ىسىك پاتولوگياسى جوق انالىق بەزدەر;
گانگرەنا كەزىندەگى اياق;
جىلانكوز جولدارىنىڭ تىندەرى جانە ىرىڭدەۋ پروتسەستەرى كەزىندەگى گرانۋلياتسيالار;
تۇتىكتەگى جۇكتىلىك.
كۇردەلىلىكتىڭ ەكىنشى ساناتىنىڭ زەرتتەۋلەرىنە مىناداي زەرتتەۋلەر جاتادى:
ۆەريفيكاتسيالانعان ىسىك الدى جانە ىسىك ۇدەرىستەرى;
ويىق جارا كەزىندەگى رەزەكتسيالانعان اسقازان;
ءتان ەمەس ويىق جارا كوليتى كەزىندەگى توق ىشەك;
وستەوميەليت كەزىندەگى سۇيەك;
پلاتسەنتالار مەن جۇكتىلىكتىڭ بۇزىلۋى كەزىندەگى جاتىر قۋىسىنان قىرىندى, فيبروميومالار, انالىق بەز جىلاۋىقتارى, جاتىر ەندومەتريوزى;
تەرى پاپيللومالارى;
سوزىلمالى ليمفادەنيتتەر كەزىندەگى ليمفا تۇيىندەرى;
قاتەرسىز ىسىكتەر: فيبرومالار, ليپومالار مەن گەمانگيومالار.
ءۇشىنشى كۇردەلىلىك ساناتىنىڭ زەرتتەۋلەرىنە جاتادى:
مۇرىن مەن اۋىز قۋىسىنان, تىنىس الۋ جولدارىنان, اس قورىتۋ جولدارىنان ەندوسكوپيا ارقىلى الىنعان بيوپتاتتار;
جاتىر مويىنشاسى بيوپسيالارى;
تسەرۆيكالدىق وزەك جانە جاتىر كەڭىستىگى قىرىندىلارى;
نەۆۋستار, «ا» ءتيپتى كەراتواكانتومالار;
ديسپلازيامەن ءسۇت بەزدەرى, قاتەرلى ىسىگى جوق ليمفا تۇيىندەرىنىڭ بيوپسياسى;
ارنايى بوياۋ ادىستەرىن قولدانا وتىرىپ, وپەراتسيالىق جانە بيوپسيالىق ماتەريالدار.
ءتورتىنشى كۇردەلىلىك ساناتىنىڭ زەرتتەۋلەرىنە جاتادى:
تىندەر مەن اعزالاردىڭ دياگنوستيكالىق جانە وپەراتسيالىق بيوپسيالارى;
گيستوگەنەزىن, ينۆازيا دارەجەسىن, پروگرەسسيا ساتىسىن, اينالاسىنداعى تىندەر مەن اعزالارعا ىسىكتەردىڭ ءوسۋى كەزىندە ناقتىلاۋدى تالاپ ەتەتىن قاتەرلى ىسىكتەردىڭ دياگنوستيكالىق بيوپسيالارى مەن وپەراتسيالىق ماتەريالدارى;
ليمفوپروليفەراتيۆتىك پاتولوگيا كەزىندەگى ليمفا تۇيىندەر;
كەز كەلگەن ورنالاسۋداعى جانە قاتەرلىلىك دارەجەسىنە قاراماستان اۋىر ديسپلازيا مەن ينتراەپيتەليالدىق نەوپلازيالار كەزىندەگى دياگنوستيكالىق بيوپسيالار مەن وپەراتسيالىق ماتەريالدار;
شۇعىل ينتراوپەراتسيالىق دياگنوستيكالىق زەرتتەۋلەر;
الىنعان كوزدىڭ الماسى;
قاتەرلى ىسىكتەردىڭ بارلىق بيوپسيالارى;
«ۆ», «س» ءتيپتى كەراتواكانتومالار; مي جانە ج ۇلىن ىسىكتەرى;
قاتەرلى ىسىكتەردىڭ بارلىق وپەراتسيالىق ماتەريالدارى, ترەپانوبيوپسيالار;
ورگانداردىڭ پۋنكتسيالىق بيوپسيالارى;
قاتەرسىز گيپەرپلازيا كەزىندەگى قۋىق استى بەزىنىڭ, وكپەنىڭ, باۋىردىڭ دياگنوستيكالىق بيوپسيالارى;
يمۋنندىق-گيستوحيميالىق زەرتتەۋلەر مەن فيش-تەست قولدانىلاتىن تىندەر مەن اعزالاردىڭ دياگنوستكيالىق جانە وپەراتسيالىق بيوپسيالارى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 30 ناۋرىزداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10577 بولىپ ەنگىزىلدى.
• 13 تامىز, 2015
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى №97
سوڭعى جاڭالىقتار
پاۆلوداردا سالىنىپ جاتقان ەرتىس كوپىرىندە ەكىنشى رەت ءورت شىقتى
ايماقتار • كەشە
كادردىڭ قادىرىن كەتىرمەسەك يگى...
قوعام • كەشە
مەملەكەت باسشىسى تاجىكستان پرەزيدەنتى ەمومالي راحمونمەن كەزدەستى
پرەزيدەنت • كەشە
قازاقستان موڭعوليانى بيدايمەن قامتاماسىز ەتەدى
قازاقستان • كەشە
اقتاۋداعى ساۋدا ورتالىعىندا بومبا قويىلعانى راس پا؟
ايماقتار • كەشە
مەملەكەت باسشىسى بىرقاتار ماڭىزدى زاڭعا قول قويدى
پرەزيدەنت • كەشە
كەنشىلەرگە بەرىلەتىن وتەماقى قالاي وزگەرەدى؟
قوعام • كەشە
