فوتو: Depositphotos.com
2025 جىلدىڭ قاراشا ايىندا الەۋمەتتىك جەلىلەردە استاناداعى سۋديانىڭ ماس كۇيىندە كولىك جۇرگىزگەنى تۋرالى اقپارات تاراعان ەدى.
ىشكى ىستەر مينيسترلىگى كولىكتى ازاماتتىق ىستەر بويىنشا اۋدانارالىق سوت سۋدياسى باسقارعانىن راستادى. پوليتسيا مالىمەتىنە سايكەس, ول ماس كۇيدە بولعان جانە جۇرگىزۋشى كۋالىگىنىڭ مەرزىمى وتكەنى بەلگىلى بولدى.
سۋديا اسەل دوساەۆا ماس كۇيىندە كولىك جۇرگىزگەنى ءۇشىن جازالاندى
پروكۋراتۋرا پرەزيدەنت اتىنا سۋديانى جاۋاپكەرشىلىككە تارتۋعا كەلىسىم بەرۋ تۋرالى ۇسىنىس جولدادى. نەگىزگى قاداعالاۋ ورگانىندا سۋديانى جاۋاپكەرشىلىككە تارتۋ تەك جوعارعى سوت كەڭەسىنىڭ قورىتىندىسىنا سۇيەنە وتىرىپ, مەملەكەت باسشىسىنىڭ كەلىسىمى ارقىلى جۇزەگە اساتىنى اتاپ ءوتىلدى (كەيبىر ەرەكشەلىكتەردى قوسپاعاندا).
قاڭتاردىڭ باستاپقى تۇسىندا كتك تەلەارناسى حابارلاعانداي, اكىمشىلىك ءىس بويىنشا سوت دوساەۆاعا 200 ماك كولەمىندە ايىپپۇل سالدى (2026 جىلى 865 000 تەڭگە). اكىمشىلىك قاماۋعا الۋ قولدانىلمادى, سەبەبى ونىڭ 14 جاسقا دەيىنگى بالاسى بار.
