ستالكينگ قۇربانى بولعان قىزدىڭ ولىمىنە قاتىستى ىسكە مەملەكەت باسشىسى نازار اۋدارىپ, ءىىم مەن باس پروكۋراتۋراعا تىكەلەي باقىلاۋ جاساۋدى تاپسىرعان ەدى. پرەزيدەنت تاپسىرماسىمەن اتالعان ىسكە نەمقۇرايدى قاراعان بىرقاتار پوليتسيا قىزمەتكەرىنە قاتىستى قىلمىستىق ءىس قوزعالىپ, قىزمەتىنەن بوساتىلدى. اعا لەيتەنانت ابىلعازى ارتىقباي سول جۇمىستان قۋىلعان پوليتسەيلەردىڭ ءبىرى. ول ءوزىنىڭ جانە باسشىلىق قۇرامنىڭ جۇمىستان شىعارىلۋى نەگىزسىز قابىلدانعان شەشىم دەپ وتىر. ءا.ارتىقباي بۇل تۋرالى زاڭگەر ايگۇل ورىنبەككە بەرگەن سۇحباتىندا ايتقان.
ونىڭ ايتۋىنشا, ول وقيعا بولعان كۇنى شاقىرتۋ بويىنشا شەرحان (نۇرايعا پىشاق جاراقاتىن سالعان كۇدىكتى) ەسىمدى ازاماتتىڭ ۇيىنە بارىپ, قىز بەن جىگىتتەن تۇسىنىكتەمە العان. سول ساتتە ول بويجەتكەننىڭ اتالعان ۇيگە ءوز ەركىمەن كەلگەنىن راستايتىن بەينەجازبا ءتۇسىرىپ العان. كەيىن سول ۆيدەونى شىمكەنت قالالىق پوليتسيا دەپارتامەنتىنىڭ ءباسپاسوز قىزمەتىنە ۇسىنعان. الايدا ولار بۇل ماتەريالدى قوعام نازارىنا ۇسىنۋدان باس تارتقان. ونىڭ پىكىرىنشە, ءىستىڭ بىرجاقتى كورسەتىلۋى قوعامدىق قىسىمدى كۇشەيتىپ, ناتيجەسىندە ول جانە ونىڭ باسشىلارى قىزمەتىنەن بوساتىلعان.
«20 قاڭتارداعى ىشكى ىستەر ءمينيسترىنىڭ بۇيرىعىنا سايكەس, مەنى جانە باسشىلارىمدى سەبەپسىز جۇمىستان شىعاردى. توعىز جىل بويعى ەڭبەگىم ەش ەسكەرۋسىز قالدى», دەدى ءا.ارتىقباي.
اتالعان وقيعا مۇنىمەن شەكتەلمەي, اۋىر وتباسىلىق تراگەدياعا دا ۇلاسقان. ءا.ارتىقبايدىڭ ايتۋىنشا, اناسى ۇلىنىڭ جۇمىستان شىعارىلعانىن ەستىگەن كەزدە جۇرەگى شىداماي, كوز جۇمعان.
ء«ار قادامىن اڭدىعان». شىمكەنتتەگى جاس قىزدىڭ ولىمىنە قاتىستى تىڭ دەرەكتەر ءمالىم بولدى
بۇرىنعى پوليتسيا قىزمەتكەرى مەملەكەت باسشىسى قاسىم-جومارت توقاەۆقا رەسمي ۇندەۋ جاساپ, ءىستىڭ ءادىل, اشىق جانە جان-جاقتى قارالۋىنا ىقپال ەتۋدى سۇراپ وتىر.
شىمكەنتتە كوپقاباتتى ءۇيدىڭ الدىنان جاس قىزدىڭ ءمايىتى تابىلدى
