مادەني قۇندىلىقتى ساقتاۋ جايى بايىپتالدى

ءىس-شارادا پرەمەر-ءمي­نيستردىڭ ورىنباسارى – مادە­نيەت جانە اقپارات ءمينيسترى ايدا بالاەۆانىڭ قۇتتىقتاۋ ءسوزىن مادەنيەت جانە اقپارات ۆيتسە-ءمي­نيسترى ەۆگەني كوچەتوۆ جەتكىزدى.

«مەملەكەت باسشىسى ۇلت­تىق قۇرىلتايدا ونەر مەن ما­دەنيەت – مەملەكەتتىڭ ستراتە­گيا­لىق باعدارى ەكەنىن ايتىپ, يدەولوگيالىق رۋحاني قۇن­دى­لىقتاردىڭ ماڭىزىن اتاپ ءوتتى. جاڭا تەحنولوگيالار, تسيفر­لىق ورتا جانە جاساندى ين­تەل­لەكت مەملەكەتتەردىڭ, ەكونو­مي­كالاردىڭ جانە قوعامنىڭ دامۋ باعىتىن بارعان سايىن اي­قىن­داپ كەلەدى. بۇل رەتتە تەح­نولوگيا­لىق سەرپىلىس جاعدايىندا ءوز ما­دەني كودىمىزدى جوعالتپاۋ جانە ءتول بولمىسىمىزدى ساقتاۋ – اسا ماڭىزدى مىندەت», دەلىنگەن قۇت­تىق­تاۋ حاتتا.

سەمينار بارىسىندا تاريح عىلىمدارىنىڭ دوكتورى جامبىل ارتىقباەۆ, سۋرەتشى, ديزاينەر, «قازاق ويۋلارى» كىتابىنىڭ اۆتورى ەرلان قوجاباەۆ, ديزاينەر فاريدا مەرحاميتقىزى ءسوز سويلەدى.

ساراپشىلار كەيىنگى ۋاقىتتا قازاق تانىمىندا جوق, ۇلتتىق بولمىستان الشاق دۇنيەلەردىڭ ء«داستۇر» دەپ ناسيحاتتالىپ جۇر­گەنىن ءسوز ەتتى. ۇلتتىق ويۋ-ورنەك­تەردى دە ورنىمەن پايدالانۋ قاجەتتىگى, ءتىپتى ايەلدەرگە ءتان مو­تيۆ­تەر ەرلەر كيىمىندە ءجيى قولدا­نى­لاتىنى دا تالقىلاندى. سونى­مەن قاتار قازاق مادەنيەتىنە جات ەلەمەنتتەردىڭ ۇلتتىق مۇرا رە­تىن­دە ناسيحاتتالۋى دا ءسوز بولدى.

بۇدان بولەك, الەۋمەتتىك جەلى­لەردە كەڭىنەن تارالىپ, بىراق قازاق مادەنيەتىندە تاريحي نە­گىزى جوق «جاڭا داستۇر­لەر» قا­راس­تىرىلدى. مۇنداي جاع­دايلار قالىپ­تاسقان قۇندى­لىق­تار مەن مادە­ني نورمالار­دى بۇزىپ, تۇپكى­لىكتى سالت-داس­تۇر­لەر­دىڭ ءما­نىن بۇرمالايتىنى ايتىل­دى. ءىس-شا­را بارىسىندا داستۇر­لەردى كوم­مەرتسيالاۋ ماسە­لەسى دە كوتەرىلدى.