سارى ساماۋرىن

بولاشاعى زور وسى نىسانعا ات باسىن بۇرعان تۋريستەر ءتۇتىنى ورگە بۋداقتاعان سارى ساماۋرىننىڭ شايىنان ءدام تاتۋعا اسىعادى. سەبەبى سا­ماۋرىننىڭ شايى تاۋلى ءوڭىردىڭ سالقىن اۋا رايىندا بويدى جىلىتسا, جازدا ءشول باسارى انىق. ءبىز دە بۋى بۋداقتاي قايناپ تۇرعان جەز ساماۋرىنعا تاياپ, يەسىنەن ءبىراز مالىمەتتىڭ سىرىنا قانىقتىق.

«بۇل ءبىزدىڭ اۋلەتتىڭ جادىگەرى سانالادى. قولدانىستا جۇرگەنىنە شامامەن 80 جىلدان اسىپتى. انالارىمىز كوزدىڭ قاراشىعىنداي ساقتاپ, ۇرپاقتان-ۇرپاققا امانات ەتىپ كەلەدى. تاريحى تەرەڭ ساماۋرىن وتباسىنا عانا ەمەس, جىل ون ەكى اي الىس-جاقىن شەتەلدەن اعىلعان مىڭداعان تۋريستكە قىزمەت ەتىپ تۇر. شاي ءىشىپ قانا قويماي, ەستەلىك ءۇشىن سۋرەتكە ءتۇسىپ جاتادى», دەيدى وتتىعىنا اعاش جاڭقالارىن سالىپ جاتقان كاسىپ يەسى تولەگەن قۇنىپياەۆ.

وسىلايشا, تابيعاتتىڭ تاڭ­عاجايىپ كورىنىسىن تاماشالاۋشى تۋريستەرگە قازاقتىڭ شاي ءىشۋ ءداستۇرىن دارىپتەۋگە دە ۇلەس قوسىپ جۇرگەن ازاماتتاردىڭ ىسىنە بەرەكە بەرسىن دەيمىز.

الماتى وبلىسى,

كەگەن اۋدانى