سەكەن كارىم ۇلى ءۇرجار اۋدانىندا دۇنيەگە كەلگەن. سەمەيدەگى م.تولەباەۆ اتىنداعى مۋزىكا ۋچيليششەسىن, كەيىن قۇرمانعازى اتىنداعى كونسەرۆاتوريانى پروفەسسور م.اۋباكىروۆتىڭ كلاسىندا تامامداعان. ول – «جىگەر» فەستيۆالىنىڭ, ماسكەۋدە وتكەن جاستار مەن ستۋدەنتتەردىڭ دۇنيەجۇزىلىك فەستيۆالىنىڭ لاۋرەاتى, قازاقستان لەنين كومسومولى سىيلىعىنىڭ لاۋرەاتى, قۇرمەت جانە پاراسات وردەندەرىنىڭ يەگەرى, اباي اتىنداعى مەملەكەتتىك سىيلىقتىڭ لاۋرەاتى, قازاقستاننىڭ حالىق ءارتىسى.
ەڭبەك جولىن «سازگەن» انسامبلىنەن باستاپ, «اق جاۋىن» ءانسامبلى مەن وركەسترىن قۇرىپ, ونى حالىقارالىق دەڭگەيگە كوتەردى. وركەستر جاپونيا, قىتاي, موڭعوليا, فرانتسيا, گەرمانيا جانە وزگە دە ەلدەردە گاسترولدىك ساپارمەن ونەر كورسەتتى. وسى ۋاقىتقا دەيىن ول ءسۇيىنباي اتىنداعى الماتى وبلىستىق فيلارمونياسىنىڭ «اق جاۋىن» حالىق اسپاپتار وركەسترىنىڭ كوركەمدىك جەتەكشىسى قىزمەتىن اتقارىپ كەلدى.
بۇعان قوسا اباي وبلىسىنىڭ مادەنيەت, تىلدەردى دامىتۋ جانە ارحيۆ ءىسى باسقارما باسشىسى جانجىگىت ومارحان وبلىستىق اباي تەاترىنا اكتەر نارتاي سارسەباەۆتى تاعايىندادى.
– نارتاي ساۋدانبەك ۇلى – كينو جانە تەاتر اكتەرى, جازۋشى, دراماتۋرگ, اۋدارماشى, تەلەجۇرگىزۋشى, سونداي-اق دۋبلياج اكتەرى. تەاتر سالاسىن بەس ساۋساعىنداي مەڭگەرگەن, تاجىريبەسى مول كاسىبي مامان. سوندىقتان بۇل جاۋاپتى قىزمەتتى ابىرويمەن اتقاراتىنىنا سەنىم بىلدىرەمىن, – دەدى جانجىگىت ومارحان.
اباي وبلىسى
