ۇلتتىق بانك باسشىسى نەسيە نارىعىنداعى قازىرگى جاعدايدىڭ ۋاقىتشا ەكەنىن العا تارتتى. ونىڭ ايتۋىنشا, ينفلياتسيا دەڭگەيىنىڭ تومەندەۋى بازالىق مولشەرلەمەنىڭ ازايۋىنا, ال بۇل ءوز كەزەگىندە ەكىنشى دەڭگەيلى بانكتەردىڭ پايىزدارىن تومەندەتۋگە اكەلەدى.
«نارىقتاعى پايىزدىق مولشەرلەمەلەر جوعارى كەزەڭدە نەسيە مەن يپوتەكا راسىمدەۋدەن تارتىنا تۇرىپ, ونى كەيىنگە قالدىرعان دۇرىس. ينفلياتسيا باسەڭدەگەن سايىن بازالىق مولشەرلەمە دە ازايادى, سونىمەن بىرگە بانكتىك پايىزدار دا ازايادى. ازداپ كۇتە تۇرۋ كەرەك», دەپ اتاپ ءوتتى ۇلتتىق بانك توراعاسى.
ونىڭ پايىمىنشا, سابىر ساقتاعان قارىز الۋشىلار بولاشاقتا اناعۇرلىم ءتيىمدى شارتتاردى پايدالانا الادى. اقشا-نەسيە ساياساتى تۇراقتالعان كەزدە, قارىز جۇكتەمەسى حالىق ءۇشىن الدەقايدا جايلى بولماق.
قازاقستاندا يپوتەكا بويىنشا پايىزدىق مولشەرلەمەلەر نەگە تومەندەتىلمەدى؟
ەسكە سالايىق, 2025 جىلعى ماۋسىم ايىنىڭ ورتاسىندا يپوتەكالىق نەسيەلەر بويىنشا جىلدىق ءتيىمدى سىياقى مولشەرلەمەسىن (جتسم) 25%-دان 20%-عا دەيىن تومەندەتۋ جوسپارلانعان بولاتىن. وسىعان بايلانىستى قارجى نارىعىن رەتتەۋ جانە دامىتۋ اگەنتتىگى مەن ۇلتتىق بانك ءتيىستى قاۋلى قابىلداعان ەدى. باستى ماقسات – يپوتەكالىق تۇرعىن ءۇي نەسيەلەرىنىڭ قولجەتىمدىلىگىن ارتتىرۋ.
الايدا 2025 جىلعى 17 ماۋسىمدا قارجى نارىعىن رەتتەۋ جانە دامىتۋ اگەنتتىگى مەن ۇلتتىق بانك يپوتەكا بويىنشا ەڭ جوعارى مولشەرلەمەنى 20%-بەن شەكتەۋ نورماسىنىڭ قولدانىلۋىن توقتاتا تۇرۋ تۋرالى بىرلەسكەن قاۋلى شىعاردى. قۇجاتقا سايكەس, تومەندەتىلگەن مولشەرلەمە 2025 جىلعى 1 قاراشادان باستاپ كۇشىنە ەنۋى ءتيىس بولعان.
وقي وتىرىڭىز: ەندى تۇرعىن ۇيدە ۇلەسى بار ازاماتتار جەڭىلدەتىلگەن يپوتەكا الا الادى
