قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى  №64

2015 جىلعى 29 قاڭتار, استانا قالاسى ەلەكتروندىق اقپاراتتىق رەسۋرستار مەن اقپاراتتىق جۇيەلەردىڭ مەملەكەتتىك تىركەلىمىن جانە دەپوزيتاريدى جۇرگىزۋ قاعيدالارىن بەكىتۋ تۋرالى «اقپاراتتاندىرۋ تۋرالى» 2007 جىلعى 11 قاڭتارداعى قازاقستان رەسپۋبليكاسى زاڭىنىڭ 6-بابىنىڭ 5-1) تارماقشاسىنا سايكەس بۇيىرامىن: 1. قوسا بەرىلىپ وتىرعان ەلەكتروندىق اقپاراتتىق رەسۋرستار مەن اقپاراتتىق جۇيەلەردىڭ جانە دەپوزيتاريدىڭ مەملەكەتتىك تىركەلىمىن جۇرگىزۋ قاعيدالارى بەكىتىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگى بايلانىس, اقپاراتتاندىرۋ جانە اقپارات كوميتەتى (C.C. سارسەنوۆ): 1) وسى بۇيرىق زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونىڭ كوشىرمەسىن كۇنتىزبەلىك ون كۇن ىشىندە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى «ادىلەت» رەسپۋبليكالىق مەملەكەتتىك كاسىپورنىنىڭ مەرزiمدi ءباسپاسوز باسىلىمىندا رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى; 4) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدەن كەيىن ون جۇمىس كۇنى ىشىندە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ينۆەستيتسيالار جانە دامۋ ۆيتسە-ءمينيسترى ا.ق. جۇماعاليەۆكە جۇكتەلسىن. 4. وسى بۇيرىق العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى ينۆەستيتسيالار جانە دامۋ ءمينيسترى ءا.يسەكەشەۆ. قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2015 جىلعى 29 قاڭتارداعى №64 بۇيرىعىمەن بەكىتىلگەن ەلەكتروندىق اقپاراتتىق رەسۋرستار مەن اقپاراتتىق جۇيەلەردىڭ مەملەكەتتىك تىركەلىمىن جانە دەپوزيتاريدى جۇرگىزۋ قاعيدالارى 1. جالپى ەرەجەلەر 1. وسى ەلەكتروندىق اقپاراتتىق رەسۋرستار مەن اقپاراتتىق جۇيەلەردىڭ مەملەكەتتىك تىركەلىمىن جانە دەپوزيتاريدى جۇرگىزۋ ەرەجەسى (بۇدان ءارى – قاعيدالار) «اقپاراتتاندىرۋ تۋرالى» قازاقستان رەسپۋبليكاسىنىڭ 2007 جىلعى 11 قاڭتارداعى زاڭىنا (بۇدان ءارى - زاڭ) سايكەس ازىرلەندى. قاعيدالار ەلەكتروندىق اقپاراتتىق رەسۋرستار مەن اقپاراتتىق جۇيەلەردىڭ مەملەكەتتىك تىركەلىمىن (بۇدان ءارى - مەملەكەتتىك تىركەلىم) جانە اقپاراتتىق جۇيەلەردىڭ, باعدارلامالىق ونىمدەردىڭ, باعدارلامالىق كودتار مەن نورماتيۆتىك-تەحنيكالىق قۇجاتتامانىڭ دەپوزيتاريىن (بۇدان ءارى - دەپوزيتاري) جۇرگىزۋ ءتارتىبىن ايقىندايدى. 2. دەپوزيتاريدى جۇرگىزۋ ساتىپ العان باعدارلامالىق ءونىمدى ەسەپكە الۋدىڭ بىرىڭعاي جۇيەسىن قۇرۋ, مەنشىك يەسى نەمەسە يەلەنۋشى ونى جوعالتقان جاعدايدا الماستىرۋدى قامتاماسىز ەتۋ, پايدالانۋشىلاردى باعدارلامالىق ونىمدەر مەن ولاردى ازىرلەۋشىلەر تۋرالى حاباردار ەتۋ, سونداي-اق مەملەكەتتىك ورگانداردى اقپاراتتىق قامتاماسىز ەتۋ ماقساتىندا جۇزەگە اسىرىلادى. 3. مەملەكەتتىك تىركەلىمدى جۇرگىزۋدى اقپاراتتاندىرۋ سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) قامتاماسىز ەتەدى جانە مەملەكەتتىك تەحنيكالىق قىزمەت جۇزەگە اسىرادى. 4. دەپوزيتاريدى جۇرگىزۋدى ۋاكىلەتتى ورگان قامتاماسىز ەتەدى جانە مەملەكەتتىك تەحنيكالىق قىزمەت جۇزەگە اسىرادى. 5. مەملەكەتتىك تەحنيكالىق قىزمەت جەكە جانە زاڭدى تۇلعالاردىڭ جالپىعا قولجەتىمدى مەملەكەتتىك ەلەكتروندىق اقپاراتتىق رەسۋرستارعا قول جەتكىزۋى ءۇشىن, ولاردىڭ اقپاراتتىق قاجەتتىلىگىن قاناعاتتاندىرۋ ماقساتىندا تەحنيكالىق جاعدايلاردى ۇيىمداستىرۋدى قامتاماسىز ەتەدى. 6. مەملەكەتتىك تەحنيكالىق قىزمەتتىڭ دەپوزيتاريدە ساقتالاتىن باعدارلامالىق ونىمدەردى, باعدارلامالىق كودتار مەن نورماتيۆتىك-تەحنيكالىق قۇجاتتامانى وزگەرتۋگە جانە (نەمەسە) ءۇشىنشى تۇلعاعا بەرۋگە قۇقىعى جوق. 2. مەملەكەتتىك تىركەلىمدى جۇرگىزۋ ءتارتىبى 7. مەملەكەتتىك تىركەلىمدى جۇرگىزۋ مەملەكەتتىك تىركەلىمگە ەلەكتروندىق اقپاراتتىق رەسۋرستار مەن اقپاراتتىق جۇيەلەر تۋرالى مالىمەتتەردى, وسى مالىمەتتەردى كەيىننەن جاڭارتا وتىرىپ ەنگىزۋدى قامتيدى. 8. جەكە مەملەكەتتىك ەمەس قاراجاتتىڭ ەسەبىنەن ازىرلەنگەن جانە قۇرىلعان ەلەكتروندىق اقپاراتتىق رەسۋرستار مەن اقپاراتتىق جۇيەلەر وسى اقپاراتتىق رەسۋرستار مەن اقپاراتتىق جۇيەلەردىڭ مەنشىك يەلەرىنىڭ باستاماسى بويىنشا مەملەكەتتىك تىركەلىمگە تىركەلەدى. مەملەكەتتىك ەمەس ەلەكتروندىق اقپاراتتىق رەسۋرستار مەن اقپاراتتىق جۇيەلەر تۋرالى مالىمەتتەردى جاڭالاۋ (وزەكتى ەتۋ) كورسەتىلگەن ەلەكتروندىق اقپاراتتىق رەسۋرستار مەن اقپاراتتىق جۇيەلەردىڭ مەنشىك يەلەرىنىڭ باستاماسى بويىنشا جۇرگىزىلەدى. 9. تىركەلگەن ەلەكتروندىق اقپاراتتىق رەسۋرستاردىڭ جانە (نەمەسە) اقپاراتتىق جۇيەلەردىڭ مەنشىك يەسى نەمەسە يەلەنۋشىسى جىل سايىن, 30 ناۋرىزدان كەشىكتىرمەي وسى قاعيدالارعا قوسىمشاعا سايكەس ەلەكتروندىق اقپاراتتىق رەسۋرستار مەن اقپاراتتىق جۇيەلەردىڭ جاڭارتىلعانى تۋرالى نە جاڭارتۋدىڭ جوقتىعى تۋرالى نە پايدالانۋدىڭ توقتاتىلۋ سەبەبىن دالەلدى تۇردە جازا وتىرىپ پايدالانۋدىڭ توقتاتىلعانى تۋرالى ۋاكىلەتتى ورگانعا حابارلاما بەرەدى. ۋاكىلەتتى ورگان مەملەكەتتىك تەحنيكالىق قىزمەتكە جاڭارتۋلار جانە (نەمەسە) توقتاتۋ تۋرالى اقپاراتتى جىبەرەدى. 10. مەملەكەتتىك تىركەلىمگە ەلەكتروندىق اقپاراتتىق رەسۋرستار مەن اقپاراتتىق جۇيەلەر تۋرالى جاڭارتىلعان مالىمەتتەردى ەنگىزۋ ەلەكتروندىق اقپاراتتىق رەسۋرستار مەن اقپاراتتىق جۇيەلەردى تىركەۋ ءۇشىن بەلگىلەنگەن تارتىپپەن جانە مەرزىمدە جۇزەگە اسىرىلادى. 11. جاڭارتىلعان ءوتىنىم نەمەسە ەلەكتروندىق اقپاراتتىق رەسۋرستى نەمەسە اقپاراتتىق جۇيەنى پايدالانۋدىڭ توقتاتىلعانى تۋرالى حابارلاما بەلگىلەنگەن مەرزىمدە ۇسىنىلماعان جاعدايدا, ۋاكىلەتتى ورگان ونىڭ مەنشىك يەسىنە نەمەسە يەلەنۋشىسىنە مالىمەتتەردى جاڭارتۋ قاجەتتىگى تۋرالى ءتيىستى رەسمي سۇراۋ سالۋدى جىبەرەدى. 12. ۋاكىلەتتى ورگان ەلەكتروندىق اقپاراتتىق رەسۋرستى نەمەسە اقپاراتتىق جۇيەنى پايدالانۋدىڭ توقتاتىلۋى تۋرالى حابارلامانى العاننان كەيىن بەس جۇمىس كۇنى ىشىندە وسى ەلەكتروندىق اقپاراتتىق رەسۋرستى نەمەسە اقپاراتتىق جۇيەنى تىركەۋ تۋرالى كۋالىكتى كەرى قايتارىپ الۋدى جۇزەگە اسىرادى جانە مەملەكەتتىك تەحنيكالىق قىزمەت مەملەكەتتىك تىركەلىمگە ءتيىستى وزگەرىستەر ەنگىزۋدى ون كۇن مەرزىمدە قامتاماسىز ەتەدى. 13. ەلەكتروندىق اقپاراتتىق رەسۋرستار مەن اقپاراتتىق جۇيەلەر تۋرالى مەملەكەتتىك تىركەلىمدەگى مالىمەتتەر قول جەتىمدىلىگى شەكتەلگەن ەلەكتروندىق اقپاراتتىق رەسۋرستارى جوق بولىگىندە ينتەرنەت جەلىسىندە ورنالاسقان» قازاقستان رەسپۋبليكاسىنىڭ ەلەكتروندىق اقپاراتتىق رەسۋرستارى مەن اقپاراتتىق جۇيەلەرىنىڭ مەملەكەتتىك تىركەلىمى» ۆەب-سايتىندا جالپىعا بىردەي قول جەتىمدى بولىپ تابىلادى. 14. مەملەكەتتىك اقپاراتتىق رەسۋرستار مەن مەملەكەتتىك اقپاراتتىق جۇيەلەر ەلەكتروندىق اقپاراتتىق رەسۋرستاردىڭ جانە ەلەكتروندىق جۇيەلەردىڭ مەملەكەتتىك تىركەلىمىندە مىندەتتى ەسەپكە الۋعا جاتادى. ولار بويىنشا مالىمەتتەر ەلەكتروندىق اقپاراتتىق رەسۋرستاردىڭ جانە اقپاراتتىق جۇيەلەردىڭ مەملەكەتتىك تىركەلىمىنە اقپاراتتىق جۇيە پايدالانۋعا ەنگىزىلگەن ساتتەن باستاپ قىرىق بەس جۇمىس كۇنى ىشىندە ۇسىنىلادى. 3. دەپوزيتاريدى جۇرگىزۋ ءتارتىبى 15. باعدارلامالىق ونىمدەردى, باعدارلامالىق كودتاردى جانە نورماتيۆتىك-تەحنيكالىق قۇجاتتامانى جيناۋ, جۇيەلەۋ, جيناقتاۋ مەن ساقتاۋ جانە قازاقستان رەسپۋبليكاسىنىڭ باعدارلامالىق ونىمدەرىنىڭ ءتىزىلىمىن جۇرگىزۋ دەپوزيتاريدىڭ نەگىزگى مىندەتتەرى بولىپ تابىلادى. 16. اقپاراتتىق جۇيەلەر, باعدارلامالىق ونىمدەر جانە باعدارلامالىق كودتار ەكى دانادا (نۇسقاسى مەن كوشىرمەسى) كومپاكت-ديسكىلەردە ۇسىنىلادى. نورماتيۆتىك-تەحنيكالىق قۇجاتتاما قاعاز جۇزىندە ەكى نۇسقادا (تۇپنۇسقاسى مەن كوشىرمەسى), سونداي-اق ەلەكتروندى تۇردە كومپاكت-ديسكىلەردە (تۇپنۇسقاسى مەن كوشىرمەسى) ەكى نۇسقادا ۇسىنىلادى. 17. اقپاراتتىق جۇيەلەردىڭ باعدارلامالىق ونىمدەرى, باعدارلامالىق كودتارى جانە نورماتيۆتىك – تەحنيكالىق قۇجاتتارى دەپوزيتاريگە ساقتاۋعا اقپاراتتىق جۇيە پايدالانۋعا ەنگىزىلگەن ساتتەن باستاپ قىرىق بەس جۇمىس كۇنى ىشىندە ۇسىنىلادى. 18. مەملەكەتتىك باعدارلامالىق ونىمدەردىڭ, باعدارلامالىق كودتاردىڭ جانە نورماتيۆتىك – تەحنيكالىق قۇجاتتاردىڭ مەنشىك يەلەرى نەمەسە يەنۋشىلەرى, ديپونەتتەۋ وبەكتىلەرىنىڭ تولىق جاڭارتىلعان (اكتۋالدانعان) سيپاتىنىڭ وزگەرىسى نەمەسە سەبەپتەردىڭ قىسقا مازمۇنداماسىمەن ءونىمدى پايدالانۋعا توقتاتۋ تۋرالى حابارى بولماعان جاعدايدا جىلسايىن 30 ساۋىردەن كەشىكتىرمەي ۋاكىلەتتى ورگانعا بارلىق ديپونەتتەۋ وبەكتىلەرى كومپلەكتاتسياسىنىڭ جانە سانىنىڭ تولىق جاڭارتىلۋىن ۇسىنادى. 19. دەپوزيتكە بەرۋ وبەكتىلەرىنىڭ جاڭا بولجامى شىعارىلعان (وزگەرىستەر جانە/نەمەسە تولىقتىرۋلار ەنگىزىلگەن) جاعدايدا ولاردىڭ مەنشىك يەسى نەمەسە يەلەنۋشىسى وزگەرىستەردى جانە/نەمەسە تولىقتىرۋلاردى ەنگىزگەننەن كەيىن جيىرما جۇمىس كۇنى ىشىندە قۇرامدى انىقتاۋ جانە/نەمەسە وزگەرتۋ نە بولماسا وسى وبەكتىلەر بويىنشا تىركەۋ مالىمەتتەرى مازمۇنىنىڭ قاجەتتىلىگى تۋرالى ۋاكىلەتتى ورگانعا جازباشا حابارلايدى, ول دەپوزيتاريگە وزگەرىستەر جانە (نەمەسە) تولىقتىرۋلار ەنگىزۋ ءۇشىن نەگىز بولىپ تابىلادى. جاڭارتىلعان دەپوزيتكە بەرىلگەن وبەكتىلەرگە جاڭا دەپوزيتتىك ءنومىر تاعايىندالادى, ەسكىرگەن دەپوزيتكە بەرىلگەن وبەكتىلەر جويىلمايدى. 20. باعدارلامالىق ءونىم پايدالانۋدان الىنىپ تاستالعان نەمەسە دەپوزيتاريدە تىركەلگەن نورماتيۆتىك-تەحنيكالىق قۇجاتتامانىڭ كۇشى جويىلعان جاعدايدا مەنشىك يەسى نەمەسە يەلەنۋشىسى باعدارلامالىق ءونىم پايدالانۋدان الىنىپ تاستالعان نەمەسە نورماتيۆتىك-تەحنيكالىق قۇجاتتامانىڭ كۇشى جويىلعان ساتتەن باستاپ جيىرما جۇمىس كۇنى ىشىندە ۋاكىلەتتى ورگانعا بۇل تۋرالى جازباشا حابارلايدى. ۋاكىلەتتى ورگان حاتتىڭ كوشىرمەسىن مەملەكەتتىك تەحنيكالىق قىزمەتكە جىبەرەدى. 21. مەملەكەتتىك تەحنيكالىق قىزمەت وسىنداي حابارلامانى العان ساتتەن باستاپ ون جۇمىس كۇنى ىشىندە دەپوزيتكە بەرىلگەن باعدارلامالىق ونىمدەردىڭ تىزىلىمىنە ءتيىستى وزگەرىستەردى ەنگىزەدى. 22. باعدارلامالىق ونىمدەردىڭ, باعدارلامالىق كودتار مەن نورماتيۆتىك-تەحنيكالىق قۇجاتتامانىڭ جاڭارتىلعان (وزەكتى ەتىلگەن) سيپاتتاماسىن بەلگىلەنگەن مەرزىمدە ۇسىنباعان جاعدايدا ۋاكىلەتتى ورگان ونىڭ يەسىنە دەپوزيتاريدىڭ مالىمەتتەرىن جاڭارتۋ قاجەتتىلىگى تۋرالى جازباشا ەسكەرتۋدى جىبەرەدى. 23. وبەكتىلەرىن ساقتاۋىنا بەرۋ وبەكتىسىنىڭ مەنشىك يەسىنىڭ نەمەسە يەلەنۋشىنىڭ اتاۋىن ارنايى جاشىكتەردە كورسەتە وتىرىپ, ولاردى ورنالاستىرۋ جولىمەن جۇرگىزىلەدى. 24. باعدارلامالىق ونىمدەر, باعدارلامالىق كودتار مەن نورماتيۆتىك-تەحنيكالىق قۇجاتتاما قاعاز تۇرىندە جانە كومپاكت-ديسكىلەردە ولارعا رۇقساتسىز قول جەتكىزۋدەن قورعاۋدى قامتاماسىز ەتۋمەن, ماتەريالدار مەن كومپاكت-ديسكىلەردىڭ ەسەپكە الىنۋىنا جانە ساقتالۋىنا بايلانىستى ءار ءتۇرلى وپەراتسيالاردى ورىنداعان كەزدە تيىسىنشە جۇمىستى قامتاماسىز ەتەتىن ارنايى جابدىقتالعان ءۇي-جايدا ساقتالادى. 25. مەملەكەتتىك تەحنيكالىق قىزمەت مەملەكەتتىك ەمەس باعدارلامالىق ءونىمنىڭ مەنشىك يەسى نەمەسە يەلەنۋشىسى ونى كوشىرۋگە قۇقىق بەرمەگەن جاعدايدى قوسپاعاندا, كومپاكت-ديسكىلەردىڭ مەرزىمدى تەكسەرىلۋىن قامتاماسىز ەتەدى جانە ولاردى ساقتالۋ مەرزىمىنە سايكەس ولاردىڭ قايتا جازىلۋىن جۇزەگە اسىرادى. ەلەكتروندىق اقپاراتتىق رەسۋرستار مەن اقپاراتتىق جۇيەلەردىڭ مەملەكەتتىك تىركەلىمىن جانە دەپوزيتاريدى جۇرگىزۋ قاعيدالارىنا قوسىمشا ەلەكتروندىق اقپاراتتىق رەسۋرستار مەن اقپاراتتىق جۇيەلەردىڭ جاڭارتىلعانى تۋرالى حابارلاما دەرەكتەر قورىن تىركەۋ دەرەكتەر قورى تۋرالى مالىمەتتەردى جاڭالاۋ تىركەۋ ءنومىرى مالىمەتتەردى ۇسىنعان كۇن 1. دەرەكتەر قورىنىڭ سايكەستەندىرىلگەن دەرەكتەرى 1. اتاۋى 2. اببرەۆياتۋرا 3. نۇسقاسى 4.اۆتوماتتاندىرىلعان جۇيەنىڭ قۇرامىنا كىرەدى 2. دەرەكتەر قورىنىڭ يەسى تۋرالى مالىمەتتەر 1. ۇيىمنىڭ اتاۋى 2. ۆەدومستۆونىڭ اتاۋى 3. يەسىنىڭ مارتەبەسى 4. باسشىسى 5. مەكەن جايى 6. تەلەفونى 7. سايت 8. فاكسى 9. E-mail 3. دەرەكتەر قورىنىڭ قۇرىلىمدىق-مازمۇندى سيپاتتاماسى 1. ارناۋى 2. دەرەكتەر قورىنىڭ تاقىرىپتاماسى 3. دەرەكتەر قورىن قولدانۋ سالاسى 4. ءتۇرى 5. جازبا ءتىلى 6. وبەكتىلەرى دەرەكتەر قورىنىڭ وبەكتىلىك ءتۇرىنىڭ اتاۋى وبەكتىلەر سانى 4. دەرەكتەر قورىنىڭ كولەمدى-ۋاقىتشا سيپاتتاماسى 1. كولەمى (مەگابايت) 2. جاڭالاۋ كەزەڭى 3. جاڭالاۋ ءتارتىبى 5. دەرەكتەر قورىنىڭ باعدارلامالىق-تەحنيكالىق سيپاتتاماسى 1. وپەراتسيالىق جۇيە وپەراتسيالىق جۇيەنىڭ اتاۋى وپەراتسيالىق جۇيەنىڭ نۇسقاسى 2. دەرەكتەر قورىن باسقارۋ جۇيەسى دەرەكتەر قورىن باسقارۋ جۇيەسىنىڭ اتاۋى دەرەكتەر قورىن باسقارۋ جۇيەسىنىڭ نۇسقاسى 3. ەلەكتروندىق-ەسەپتەۋ ماشينالار ماركاسى جانە ءتۇرى كەسكىنى 4. ابونەنتتىك پۋنكتتىڭ تەحنيكالىق قۇرالى تەحنيكالىق قۇرالدىڭ اتاۋى سانى 6. دەرەكتەر قورىنىڭ قىزمەتتىك-پايدالانۋشىلىق سيپاتتاماسى 1. جەتكىزىپ بەرۋ نىسانى 2. تاسىمالداۋشىنىڭ ءتۇرى 3. ءباسپاسوز باسىلىمدارى 4. قىزمەت كورسەتۋدىڭ تۇرلەرى 5. پايدالانۋشىلار سانى 6. پايدالانۋشىلار 7. دەرەكتەر قورىنىڭ اۆتورلىق-قۇقىقتىق سيپاتتاماسى 1. مەنشىك يەسىنىڭ قۇقىعىنىڭ نەگىزى 2. قۇقىعىنىڭ شەكتەلۋى 8. قارجىلاندىرۋ تۋرالى مالىمەتتەر 1.قۇرىلۋ كەزەڭى 2. قۇرىلۋدى قارجىلاندىرۋ تۋرالى مالىمەتتەر قارجىلاندىرۋ كوزىنىڭ اتاۋى قۇرىلۋ قۇنى, مىڭ تەڭگە 3. قىزمەت كورسەتۋدى قارجىلاندىرۋ تۋرالى مالىمەتتەر قارجىلاندىرۋ كوزىنىڭ اتاۋى قىزمەت كورسەتۋ قۇنى, مىڭ تەڭگە 4. قوسىمشا مالىمەتتەر 9. اقپاراتتىق قاۋىپسىزدىك تۋرالى مالىمەتتەر 1. اتتەستاتسيا ءوتۋ مەرزىمى 2. اتتەستات تۋرالى مالىمەتتەر 10. سىناۋلار تۋرالى مالiمەتتەر 1. سىناۋلار ءوتۋ مەرزىمى 2. سىناق حاتتاماسى تۋرالى مالىمەتتەر ________________________ يەسىنىڭ قولى مو ________________________ كۇنى بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 27 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10355 بولىپ ەنگىزىلدى.