جينالعان اعاشتاردى تۇياقتى جانۋارلاردىڭ كەي تۇرلەرى ازىق رەتىندە پايدالانسا, مايمىل, جولبارىس, ايۋ مەن لەوپاردتارعا «ويىنشىق» رەتىندە كادەگە جارادى. بۇدان بولەك, قىلقانجاپىراقتى اعاشتار مەن بۇتاقتار حارزالارعا, اتجالماندارعا, كىرپىلەرگە, جايرالارعا جۇمساق توسەنىش قىزمەتىن اتقاردى.
ەكولوگيالىق جوباعا بىرنەشە گۇل ساتاتىن دۇكەن مەن 50-دەن استام تۇرعىن ءۇن قوسقان. حايۋاناتتار باعى ۇجىمى, تاپسىرىلعان اعاشتاردىڭ ىشىندە تامىر جۇيەسى ساقتالعان ءۇش شىرشا بارىن, ولاردىڭ باق اۋماعىنا وتىرعىزىلعانىن ايتادى.
«اكتسياعا بەلسەندى قاتىسقان بارلىق قالا تۇرعىنىنا, شارانى كەڭىنەن جاريالاعان باق وكىلدەرىنە شىنايى العىس بىلدىرەمىز. كوپ مولشەردە قىلقانجاپىراقتى اعاش پەن بۇتاق جينادىق. جانۋارلارعا بۇل قورەك قانا ەمەس, سونىمەن بىرگە مەكەن ەتۋ ورتاسىن جاقسارتۋدا ماڭىزى زور: ۆولەردەگى ءاربىر جاڭا زات – جاڭا ءيىس, جاڭا ءدام جانە زەرتتەۋگە مۇمكىندىك», دەيدى الماتى حايۋاناتتار باعىنىڭ عىلىمي-ادىستەمەلىك ءبولىمىنىڭ باسشىسى اقجامي ەلامانوۆا.
«شىرشانى تاپسىر» ەكولوگيالىق اكتسياسى تابيعات پەن جانۋارلارعا قامقورلىق جاساۋ ءاربىر ادامعا قولجەتىمدى ءارى قاراپايىم ءىس ەكەنىن تاعى ءبىر مارتە كورسەتتى. الماتى حايۋاناتتار باعى بارلىق قاتىسۋشىعا بەلسەندى ازاماتتىق ۇستانىمى ءۇشىن العىس ءبىلدىرىپ, الداعى ۋاقىتتا دا وسىنداي باستامالار جالعاسا بەرەتىنىن جەتكىزدى. سونىمەن قاتار ماماندار قالا تۇرعىندارىن مەرەكە اياقتالعاننان كەيىن دە قورشاعان ورتاعا جاۋاپكەرشىلىكپەن قاراپ, ەكولوگيالىق تۇرعىدان ءتيىمدى شەشىمدەر تابۋعا شاقىردى.
الماتى
