اسا قۇرمەتتى نۇرسۇلتان ءابىش ۇلى!
ءسىزدى اۋعان سوعىسى ارداگەرلەرى ۇيىمدارىنىڭ “قازاقستان ارداگەرلەرى” قاۋىمداستىعىنىڭ اتىنان 70 جاسقا تولعان مەرەيلى جاسىڭىزبەن شىن جۇرەكتەن قۇتتىقتايمىز.
قۇرمەتپەن,
گەنەرال-لەيتەنانت باقىتجان ەرتاەۆ, اۋعان سوعىسى ارداگەرلەرى ۇيىمدارىنىڭ “قازاقستان ارداگەرلەرى” قاۋىمداستىعىنىڭ توراعاسى, حالىق قاھارمانى. وسى ۋاقىتقا دەيىن اۋعاندىق جاۋىنگەرلەر ءسىزدىڭ باستاماڭىز بەن ۇستانىمدارىڭىزدى قولداپ كەلدى جانە الداعى ۋاقىتتا دا قولدايدى دەپ ناقتى ايتا الامىن. ءبىز, اۋعاندىق جاۋىنگەرلەر, سۇم سوعىستىڭ قان مايدانىن ءوز كوزىمىزبەن كوردىك. ءسىزدىڭ ساليقالى ساياساتىڭىزدىڭ ارقاسىندا ءبىزدىڭ ەل مۇنداي قانتوگىستەن اۋلاق. ءبىزدىڭ دە تىلەگەنىمىز وسى. تاۋەلسىز مەملەكەتىمىزدىڭ باسىنا بەرەكە مەن ىنتىماقتى ورناتۋعا سىڭىرگەن قىرۋار ەڭبەگىڭىز ءۇشىن سىزگە العىس بىلدىرەمىز. نۇرسۇلتان ءابىش ۇلى! سىزگە زور دەنساۋلىق, قاجىماس قايرات, وتباسىڭىزعا باقىت تىلەيمىز. ءوزىڭىز حالىققا جولداۋىڭىزدا ايتقانداي, ساۋساق بىرىكپەي, ينە ىلىكپەيدى. ءبىز بىرگە بولۋعا مىندەتتىمىز! ويتكەنى ءبىز سوعىس كوردىك, ادام ءومىرىنىڭ قانشالىقتى قىمبات ەكەنىنە كوزىمىزدى جەتكىزدىك. قارۋ ۇستاعاننىڭ قارى سىنسىن, جاماندىق ويلاعاننىڭ ءجۇزى كۇيسىن! ءبىز بەيبىت ءومىردى جاقتايمىز! ءبىز سىزبەن بىرگەمىز!
