فوتو: «جەڭىس» فۋتبول كلۋبى
پيرالى اليەۆ – الماتى قالاسىنداعى فۋتبول مەكتەبىنىڭ تۇلەگى. ويىنشى رەتىندەگى مانسابىندا ول قازاقستاننىڭ بىرقاتار كلۋبىندا ونەر كورسەتتى. اتاپ ايتقاندا, «قايرات», «اتىراۋ», «جەتىسۋ», «لوكوموتيۆ», «توبىل», «ورداباسى», «ەرتىس» كوماندالارىنىڭ نامىسىن قورعادى. 2006-2007 جىلدارى «جەڭىس» كلۋبىنىڭ قۇرامىندا ويناپ, ەكى رەت قازاقستان چەمپيونى اتاندى. سونداي-اق ول ەلدىڭ ۇلتتىق قۇراماسى ساپىندا 5 ماتچ وتكىزگەن.
چەمپيوندار ليگاسىندا گول سوققان «قايرات» ويىنشىسى «اقتوبەگە» اۋىسادى
باپكەرلىك قىزمەتىن پيرالى اليەۆ 2021-2022 ماۋسىمىندا تۇركيانىڭ «يستانبۋلسپور» كلۋبىنىڭ جاستار كومانداسىن باسقارۋدان باستادى. 2023-2024 ماۋسىمىندا ونىڭ شاكىرتتەرى تۇركيا جاستار بىرىنشىلىگىنىڭ «B» ديۆيزيونىندا چەمپيون اتاندى. سونىمەن قاتار 2023 جىلى اليەۆ تۇركيا سۋپەرليگاسىندا «يستانبۋلسپوردىڭ» نەگىزگى كومانداسىندا باس باپكەردىڭ مىندەتىن اتقارىپ, كلۋب تىزگىنىندە ەكى ماتچ وتكىزدى.
فۋتبول كوممەنتاتورى «ورداباسى» كلۋبى پرەزيدەنتىنىڭ كەڭەسشىسى بولىپ تاعايىندالدى
2024 جانە 2025 ماۋسىمدارىندا پيرالى اليەۆ ەلوردالىق «جەڭىس» كلۋبىندا باس باپكەردىڭ كومەكشىسى قىزمەتىن اتقاردى. ەندى ول «كاسپي» كومانداسىنىڭ باس باپكەرى رەتىندە ءوزىن كورسەتۋ مۇمكىندىگىنە يە بولدى.
