«Bett UK-2026» حالىقارالىق كورمەسى – ءبىلىم بەرۋ تەحنولوگيالارى سالاسىنداعى ەڭ ءىرى حالىقارالىق پلاتفورمالاردىڭ ءبىرى. كورمە جىل سايىن مەملەكەتتىك ورگانداردىڭ, ءبىلىم بەرۋ مەكەمەلەرىنىڭ, تەحنولوگيالىق كومپانيالاردىڭ جانە ساراپشى قاۋىمداستىقتاردىڭ وكىلدەرىن جيناپ, ءبىلىمنىڭ بولاشاعى, وقۋ پروتسەسىنىڭ تسيفرلىق ترانسفورماتسياسى, جاساندى ينتەللەكتىنى ەنگىزۋ جانە يننوۆاتسيالىق شەشىمدەردى قولدانۋ ماسەلەلەرىن تالقىلاۋعا مۇمكىندىك بەرەدى.
ۇكىمەت عىلىم مەن جوعارى ءبىلىمدى دامىتۋدىڭ 2025 جىلعى قورىتىندىسىن شىعاردى
ال كەشە رەسمي اشىلۋى وتكەن قازاقستاننىڭ ۇلتتىق پاۆيلونىندا ءبىلىم بەرۋ پروتسەستەرىن تسيفرلاندىرۋ, جاساندى ينتەللەكت نەگىزىندەگى شەشىمدەردى ەنگىزۋ, عىلىمي زەرتتەۋلەردى دامىتۋ جانە حالىقارالىق اكادەميالىق ىنتىماقتاستىقتى كەڭەيتۋ سياقتى باعىتتار تانىستىرىلدى.
مينيسترلىكتىڭ مالىمدەمەسىنە قاراعاندا, پاۆيلون جۇمىسىنا 9 قازاقستاندىق جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمى قاتىسىپ, وزدەرىنىڭ اكادەميالىق باعدارلامالارىن, عىلىمي-زەرتتەۋ جوبالارىن جانە شەتەلدىك سەرىكتەستەرمەن بىرلەسكەن ءبىلىم بەرۋ جانە عىلىمي باستامالاردى جۇزەگە اسىرۋ مۇمكىندىكتەرىن ۇسىندى. ەكسپوزيتسيا وتاندىق ۋنيۆەرسيتەتتەردىڭ دامۋىنىڭ جوعارى دەڭگەيىن, ولاردىڭ عىلىمي-ءبىلىم بەرۋ الەۋەتىن جانە حالىقارالىق قاۋىمداستىقپەن بەلسەندى ءوزارا ارەكەتتەسۋگە دايىن ەكەنىن كورسەتتى.
كورمە اياسىندا پلەنارلىق سەسسيالار, تاقىرىپتىق پىكىرتالاستار, جەتەكشى EdTech ازىرلەمەلەرىنىڭ تانىستىرىلىمدارى, سونداي-اق مەملەكەتتىك ورگاندار, ۋنيۆەرسيتەتتەر مەن جاھاندىق تەحنولوگيالىق كومپانيالاردىڭ وكىلدەرى اراسىنداعى ىسكەرلىك كەزدەسۋلەر ءوتىپ جاتىر. قازاقستان دەلەگاتسياسىنىڭ «Bett UK-2026» كورمەسىنە قاتىسۋى ەلىمىزدىڭ تسيفرلىق ءبىلىمدى دامىتۋ, جاساندى ينتەللەكت تەحنولوگيالارىن بەلسەندى ەنگىزۋ جانە يننوۆاتسيالىق ءبىلىم بەرۋ شەشىمدەرىن ىلگەرىلەتۋ بويىنشا ستراتەگيالىق باعىتىن ايقىندايدى. بۇل حالىقارالىق ىنتىماقتاستىقتى نىعايتۋعا, قازاقستان ۋنيۆەرسيتەتتەرىنىڭ باسەكەگە قابىلەتتىلىگىن ارتتىرۋعا جانە قازاقستاندى ءبىلىم بەرۋ مەن تسيفرلىق تەحنولوگيالار سالاسىندا وڭىرلىك كوشباسشى رەتىندە قالىپتاستىرۋعا سەپتىگىن تيگىزەدى.
