«ۆاشينگتون پوست» گازەتى جازعانداي, اقش-قا ەميگراتسيامەن باراتىندار سانىنىڭ تومەندەۋىنە مەكسيكامەن اراداعى شەكارانىڭ جابىلۋى, ۆيزا بەرۋدىڭ شەكتەلۋى, كوشىپ كەلۋشىلەرگە كورسەتىلەتىن كومەكتەردىڭ توقتاتىلۋى اسەر ەتكەن. وسىنىڭ ءبارى اق ءۇي باسشىسى دونالد ترامپ جۇرگىزگەن ساياساتىنىڭ ناتيجەسى.
رەسمي ستاتيستيكا بويىنشا وتكەن جىلى قۇراما شتاتتارعا 10 مىڭ مەن 295 مىڭ اراسىندا ادام كوشىپ بارعان. سونىمەن بىرگە اقش-تىڭ كوشى-قون جانە كەدەن دەپارتامەنتىنىڭ زاڭسىز جۇرگەن ازاماتتاردى ۇستاپ, ەلدەن شىعارۋ جۇمىستارى دا ەميگرانتتار سانىن كۇرت ازايتقان. ساراپشىلار كەلەشەكتە كوشىپ باراتىندار سانىنىڭ تومەندەۋى اقش-تىڭ ەكونوميكاسى مەن دەموگرافياسىنا كەرى اسەرىن تيگىزەتىنىن مالىمدەدى.
اقش يمميگراتسيالىق ۆيزالار بەرۋدى ۋاقىتشا توقتاتتى: قازاقستان تىزىمگە ەندى
سونداي-اق قۇراما شتاتتارعا كىرەتىن ادامداردى شەكتەۋ جۇمىس كۇشىنىڭ جەتىسپەۋشىلىگىنە, وڭىرلىك ءونىم كولەمىنىڭ ازايۋىنا, تۇتىنۋشىلىق قابىلەتتىڭ تومەندەۋىنە اكەپ سوقتىراتىنىن ايتتى. وسى ورايدا ەكونوميستەر 2026 جىلى اقش-قا ەميگراتسيا جاسايتىندار بىلتىرعى كەزبەن سالىستىرعاندا الدەقايدا تومەن بولاتىنىن بولجاپ وتىر. ساراپشىلار دەرەگىنشە الدىڭعى پرەزيدەنت دجو بايدەن تۇسىندا اقش-قا جىلىنا 2-3 ملن ادام كوش تۇزەيتىن بولعان. بۇل امەريكانىڭ كوۆيد-19 پاندەمياسىنان كەيىن تەز اياققا تۇرىپ كەتۋىنە جاردەمدەسكەن. وسى رەتتە د.ترامپتىڭ قازىرگى كوشى-قون ساياساتى ەميگراتسيا ماسەلەسىندە جاڭا بەتبۇرىستى كەزەڭ رەتىندە قابىلدانادى.
اقش ۆيزا بەرۋ ءتارتىبىن قاتاڭداتتى: سوزىلمالى اۋرۋلارى بار ءوتىنىش بەرۋشىلەرگە تالاپ كۇشەيدى
