قايعىلى جاعداي 20 قاڭتار كۇنى ەرىمبەتوۆ پەن رىسقۇلوۆ كوشەلەرىنىڭ قيىلىسىندا بولعان. ەكى كولىك سوقتىعىسقاننان كەيىن جۇرگىزۋشىلەر اراسىندا جانجال تۋىنداپ, ارتى توبەلەسكە ۇلاسقان. جانجالعا ءۇشىنشى كولىكپەن جەتكەن تانىستارى دا ارالاسىپ, جاعداي ۋشىعىپ كەتكەن.
قاقتىعىس كەزىندە بىرنەشە ادام پىشاق جاراقاتىن الدى. سونىڭ سالدارىنان 40 جاستاعى ەر ادام العان جاراقاتتارىنان وقيعا ورنىندا مەرت بولدى. تاعى ءبىر 1990 جىلى تۋعان ازامات اۋىر حالدە اۋرۋحاناعا جەتكىزىلىپ, وعان شۇعىل تۇردە وپەراتسيا جاسالدى.
قۇقىق قورعاۋ ورگاندارى وقيعاعا قاتىسى بار دەگەن كۇدىكپەن ءتورت ادامدى ۇستادى. قازىر قىلمىستىق ءىس «كىسى ءولتىرۋ», «بۇزاقىلىق» جانە «ادام ۇرلاۋ» باپتارى بويىنشا تەرگەلىپ جاتىر.
