فوتو: اشىق دەرەككوز
تەرگەۋ مالىمەتتەرى بويىنشا, 45 جاستاعى تەتسۋيا ياماگامي 2022 جىلدىڭ 8 شىلدەسىندە نارا قالاسىندا سايلاۋشىلار الدىندا ءسوز سويلەپ تۇرعان ساياساتكەرگە ەكى رەت وق اتقان. قاسكوي وقيعا ورنىندا ۇستالىپ, كەيىن وعان پسيحياتريالىق ساراپتاما تاعايىندالدى. ياماگامي سيندزو ابەنى «شىركەۋ بىرلەستىگى» ۇيىمىنا قاتىسى بار دەپ ەسەپتەگەن. ونىڭ ايتۋىنشا, اناسى اتالعان ۇيىمعا ءىرى كولەمدە قايىرىمدىلىق جاساپ, سالدارىنان بارلىق جيناق اقشاسىنان ايىرىلعان. 2025 جىلدىڭ قازان ايىندا وتكەن العاشقى سوت وتىرىسىندا سوتتالۋشى ءوز كىناسىن مويىندادى.
وڭتۇستىك كورەيا پرەزيدەنتىنە جاسالعان قاستاندىق «تەراكت» دەپ تانىلدى
سوتتا پروكۋرورلار ونى ءومىر بويىنا باس بوستاندىعىنان ايىرۋدى سۇرادى. ال قورعاۋشى تاراپ ياماگاميدى ء«دىني زورلىق-زومبىلىقتىڭ قۇربانى» دەپ اتاپ, جازانى 20 جىلعا دەيىن جەڭىلدەتۋدى ءوتىندى. ادۆوكاتتار قىلمىستىڭ جاسالۋىن سوتتالۋشىنىڭ بالالىق شاعىنداعى قيىندىقتارىمەن جانە ونىڭ قولدان جاسالعان قۇرىلعىنى پايدالانۋىنا بايلانىستى «وتتى قارۋ تۋرالى زاڭدى» بۇزباعانىمەن نەگىزدەۋگە تىرىستى.
جاپونياداعى كەزەكتەن تىس سايلاۋ: پرەمەر-مينيستر پارلامەنتتى تاراتۋ تۋرالى شەشىم قابىلدادى
تەتسۋيا ياماگامي ەكس-پرەمەرگە دەگەن جەككورىنىشىن مويىنداعانىمەن, باستاپقىدا ۇيىم جەتەكشىلەرىنە شابۋىل جاساۋدى جوسپارلاعانىن ايتتى. الايدا ايىپتاۋشى تاراپ بۇل ۋاجدەردى قابىلدامادى.
بۇل جاعداي جاپونيادا 1960 جىلدارى وڭتۇستىك كورەيادان كەلگەن «شىركەۋ بىرلەستىگىنىڭ» قىزمەتىن تەكسەرۋگە تۇرتكى بولدى. 2025 جىلدىڭ ناۋرىزىندا توكيو سوتى اتالعان ۇيىمدى ءدىني كورپوراتسيا مارتەبەسىنەن ايىردى.
