Kaspi ەلىمىز بويىنشا وتە كوپ ساتۋشى مەن ساتىپ الۋشىلاردى بايلانىستىرادى. كوپتەگەن وتاندىق وندىرۋشىلەر Kaspi ماگازين ارقىلى ءوز ونىمدەرىن بۇكىل ەل اۋماعىندا تىكەلەي ساتۋ مۇمكىندىگىنە يە بولدى. مىسالى, قاراعاندى وبلىسىنىڭ اباي قالاسىندا ورنالاسقان زاماناۋي وندىرىستىك كاسىپورىن – اباي تىگىن فابريكاسى.
اباي تىگىن فابريكاسىندا 100-دەن استام ادام جۇمىس ىستەيدى: تىگىنشىلەر, پىشۋشىلەر, تەحنيكالىق ماماندار
كاسىپورىن قىسقى كۇرتەشەلەر, سپورتتىق كوستيۋمدەر, توسەك-ورىن جابدىقتارى, ارنايى جۇمىس كيىمدەرى, باسقا دا توقىما ونىمدەرىن شىعارادى. Kaspi ماگازيننىڭ كومەگىمەن اباي فابريكاسى ەلىمىزدىڭ بارلىق وڭىرىنەن تاپسىرىس الادى.
جۋىردا تاپسىرىستاردىڭ ءبىرى اقتاۋدان ءتۇستى. كوپبالالى انا گۇلميرا تاعاەۆا ۇلكەن قىزىنا اشىق ءتۇستى سپورتتىق كۇرتەشەگە تاپسىرىس بەرگەن. ءۇش كۇننەن كەيىن ساتىپ الۋشى ءوز تاپسىرىسىن ەڭ جاقىن Kaspi Postomat-تان الادى. وسى ءبىر قىسقا ۋاقىت ىشىندە ساتىپ الىنعان زات 3 مىڭ شاقىرىمنان استام جول جۇرەدى. ال ونى تاسىمالداۋعا بىردەن بىرنەشە وڭىرلىك لوگيستيكالىق كومپانيا قاتىسادى.
Kaspi.kz-ءتىڭ سەرىكتەسى - Zammler كومپانياسىنىڭ تاپسىرىستاردى قابىلداۋ پۋنكتى
2025 جىلى Kaspi جەتكىزۋ ارقىلى جۇك كولىكتەرىنە ارنالعان شينالار مەن جيھازدان باستاپ, ەلەكترونيكا مەن كيىمگە دەيىن 161 ميلليوننان استام تاپسىرىس جەتكىزىلدى. Kaspi دۇكەنىندەگى پىكىرلەردە ساتىپ الۋشىلار «راقمەت, مەرزىمىنەن بۇرىن جەتكىزىلدى! وتە جاقسى ورالعان!» دەگەندى ءجيى جازادى.
ءبىز تاۋاردىڭ ساتۋشىدان ساتىپ الۋشىعا دەيىنگى بارلىق كەزەڭىنەن ءوتىپ, بۇل جۇيەنىڭ ءىس جۇزىندە قالاي جۇمىس ىستەيتىنىن كوزبەن كوردىك.
الدىمەن ساتۋشى ءوز تاۋارىن تاپسىرىستاردى قابىلداۋ پۋنكتىنە اكەلەدى. بۇگىندە ەلىمىز بويىنشا جالپى اۋدانى 37 000 م² بولاتىن وسىنداي 100 پۋنكت جۇمىس ىستەيدى. ءار وڭىردەگى قابىلداۋ پۋنكتتەرى Kaspi.kz-ءتىڭ سەرىكتەستەرى بولىپ سانالاتىن تاۋەلسىز كومپانيالارعا تيەسىلى. پۋنكتتەر دەمالىسسىز جۇمىس ىستەيدى, ال بۇكىل ەل بويىنشا تاپسىرىستاردى قابىلداۋمەن 1 مىڭنان استام قىزمەتكەر اينالىسادى.
Kaspi.kz-ءتىڭ سەرىكتەسى - Zammler كومپانياسىنىڭ سۇرىپتاۋ ورتالىعى
قابىلداۋ پۋنكتتەرىنە جەتكەن تاپسىرىستار ءارى قاراي وڭىرلىك سۇرىپتاۋ ورتالىقتارىنا جىبەرىلەدى. بۇل – ەلىمىزدىڭ 10 وڭىرىندە سالىنعان ءىرى لوگيستيكالىق كەشەن.
ءاربىر سۇرىپتاۋ ورتالىعى زاماناۋي جابدىقتارمەن قامتاماسىز ەتىلگەن جانە دەمالىسسىز, تاۋلىگىنە ءجۇز مىڭداعان تاپسىرىستى وڭدەۋگە قابىلەتتى. ەڭ ءىرى سۇرىپتاۋ ورتالىعى الماتى قالاسىندا ورنالاسقان, ونىڭ اۋماعى 30 000 م². ەلىمىز بويىنشا وڭىرلىك ورتالىقتاردا اۋىسىممەن 1 500-دەن استام ادام جۇمىس ىستەيدى.
وڭىرلىك سۇرىپتاۋ ورتالىقتارىنىڭ اراسىندا 650 جۇك كولىگى, پويىزدار, ءتىپتى ۇشاقتار ۇزدىكسىز قاتىناپ, ەلدىڭ بارلىق ءوڭىرىن بىرىڭعاي لوگيستيكالىق جەلىگە بىرىكتىرەدى.
Posta Point كۋرەرلىك كومپانياسىنىڭ قويماسىندا
وسىلايشا, تاپسىرىس ساتىپ الۋشىنىڭ وڭىرىندەگى سۇرىپتاۋ ورتالىعىنا كەلىپ جەتەدى. وسى جەردەن ونى كۋرەرلىك كومپانيالار الىپ, ءوز قويمالارىنا جەتكىزەدى. ول جەردە تاپسىرىستار اۋداندار بويىنشا ءبولىنىپ, ساتىپ الۋشىلارعا جەتكىزۋ ءۇشىن توپتاستىرىلادى. Kaspi جەتكىزۋدىڭ ەلىمىز بويىنشا وسىنداي 60 سەرىكتەس كومپانياسى بار, ولاردىڭ ارقايسىسىندا جەكە قويمالاردىڭ ۇلكەن جەلىسى قالىپتاسقان. Kaspi ماگازيننەن تاۋار جەتكىزۋمەن اينالىساتىن كۋرەرلىك كومپانيالاردا 7 مىڭ ادام جۇمىس ىستەيدى. ولاردىڭ باسىم بولىگى — كۋرەرلەر مەن قويما قىزمەتكەرلەرى.
Kaspi جەتكىزۋدىڭ سەرىكتەستىك مودەلى وڭىرلىك لوگيستيكالىق كومپانيالاردىڭ دامۋىنا مۇمكىندىك بەرىپ, بۇكىل ەل بويىنشا جاڭا جۇمىس ورىندارىن اشۋعا جاعداي جاسايدى.
Posta Point كومپانياسىندا تاپسىرىستار جەتكىزىلەتىن اۋداندار بويىنشا ۇلكەن قاپتارعا سۇرىپتالىپ سالىنادى.
ەگەر Kaspi ماگازيننەن ساتۋشىدان ساتىپ الۋشىعا دەيىنگى جەتكىزۋ ۇدەرىسىنە قاتىساتىن بارلىق ماماندى ەسەپتەسەك, ولاردىڭ سانى 10 000 ادامنان اسادى. بۇل — لوگيستەر, جۇرگىزۋشىلەر, كۋرەرلەر, قابىلداۋ پۋنكتتەرىنىڭ, سۇرىپتاۋ ورتالىقتارى مەن قويمالاردىڭ قىزمەتكەرلەرى, باسقا دا ماماندار.
ءارتۇرلى وڭىرلەر مەن ءتۇرلى سەرىكتەس ۇيىمدارداعى وسىنشا كوپ ادام قالايشا بىرلەسە, ۇيلەسىمدى تۇردە جۇمىس ىستەپ, ميلليونداعان تاۋاردى قىسقا مەرزىمدە ەلدىڭ كەز كەلگەن نۇكتەسىنە جەتكىزەدى؟ ۇيلەسىمدى جۇمىس ەكى نەگىزگى كومپونەنتتىڭ ارقاسىندا قامتاماسىز ەتىلەدى.
ءبىرىنشىسى — Kaspi كومانداسى ازىرلەگەن Logistics Operation Management (LOM) IT-پلاتفورماسى. بۇل بىرىڭعاي IT-پلاتفورما بارلىق سالەمدەمەنى, قويمالاردى, جۇك كولىكتەرىن, ۇشاقتاردى, كۋرەرلەردى, باسقا دا لوگيستيكالىق رەسۋرستاردى ءبىر جۇيەگە بىرىكتىرىپ, ولاردى ناقتى جەتكىزۋ باعىتتارى مەن تاپسىرمالارعا جيناقتايدى. جۇيە ءار تاپسىرىستى ناقتى ۋاقىت رەجىمىندە باقىلاپ وتىرادى, كۋرەرلەرگە تاپسىرمالار بەرەدى, سۇرىپتاۋ ورتالىقتارى مەن تاسىمالداۋشىلاردىڭ جۇمىسىن ۇيلەستىرەدى, باعىتتاردى قۇرۋعا جانە ەسەپتەر جاساۋعا كومەكتەسەدى.
ەكىنشىسى — «ستاندارتتى وپەراتسيالىق پروتوكول» (SOP). قۇجاتتىڭ وزىندە ونىڭ ماقساتى: «ەلىمىزدىڭ بۇكىل اۋماعىندا تيىمدىلىك پەن ساپانىڭ بىرىڭعاي جوعارى ستاندارتىن قامتاماسىز ەتۋ» دەپ ناقتى كورسەتىلگەن. بۇل — بارلىق سەرىكتەستەرگە ارنالعان ەگجەي-تەگجەيلى نۇسقاۋلىق. ول ساتۋشىلار مەن تاپسىرىستاردى قابىلداۋ پۋنكتتەرىنەن باستاپ, قويمالار مەن كۋرەرلەرگە دەيىنگى بارلىق ۇدەرىستى قامتيدى.
Taler كومپانياسىنىڭ جۇك كولىكتەرى. بۇل Kaspi.kz-ءتىڭ ەلىمىز بويىنشا ماگيسترالدىق تاسىمالداۋدى جۇزەگە اسىراتىن لوگيستيكالىق سەرىكتەستەرىنىڭ ءبىرى
مىسالى, قويمالاردىڭ ءاربىر ساناتى ءۇشىن اۋماق قانداي بولۋى ءتيىس ەكەنى, تەمپەراتۋرا, جۇك جانە جەڭىل اۆتوكولىكتەرگە ارنالعان تۇراق ورىندارىنىڭ سانى, قابىلداۋ ايماعىنداعى جابدىقتار, تاۋارلاردى تيەۋ مەن ءتۇسىرۋ ءۇشىن تاۋلىك بويعى قولجەتىمدىلىك, بەينەباقىلاۋ جانە جازبالاردى ساقتاۋ تالاپتارى, ناقتى ايماقتارعا ءبولۋ – قابىلداۋ مەن ساقتاۋ ايماقتارىنىڭ اجىراتىلۋى, قويما قىزمەتكەرلەرىنىڭ ەڭبەك جاعدايلارى جانە باسقا دا تالاپتار ناقتى كورسەتىلگەن. بۇدان بولەك, ونداعان ءتۇرلى پارامەترلەرى ەگجەي-تەگجەيلى سيپاتتالعان.
جەتكىزۋدى ساتىپ الۋشىلار مەن ساتۋشىلار ءۇشىن ءتيىمدى ەتۋ ماقساتىندا Kaspi شىعىنداردىڭ باسىم بولىگىن ءوز موينىنا الادى. سوڭعى ءۇش جىل ىشىندە Kaspi جەتكىزۋ ينفراقۇرىلىمىنا ءوز قاراجاتى ەسەبىنەن 200 ميلليارد تەڭگەدەن استام ينۆەستيتسيا سالدى.
مىنە, ساتىپ الىنعان تاۋار اقىرى ساتىپ الۋشىنىڭ قالاسىنا جەتتى. كۋرەرلىك كومپانياعا باقىتتى كليەنتكە تاپسىرۋ عانا قالادى. مۇنى ەكى تاسىلمەن جاساۋعا بولادى: تاۋاردى تىكەلەي قولىنا بەرۋ نەمەسە Kaspi Postomat-قا جەتكىزۋ.
ساتىپ الۋشىلاردىڭ باسىم بولىگى Kaspi Postomat ارقىلى جەتكىزۋدى تاڭدايدى. سەبەبى بۇل الدەقايدا ىڭعايلى: كۋرەردى كۇتۋدىڭ قاجەتى جوق, تاۋاردى كەز كەلگەن ۋاقىتتا الىپ كەتۋگە بولادى. بۇگىندە ەلىمىز بويىنشا 10 مىڭنان استام وسىنداي قۇرىلعى ورناتىلعان. ءىرى قالالاردا ولاردى ءار قادام سايىن كەزدەستىرۋگە بولادى, ال اۋىلداردا كوبىنە ورتالىق كوشەلەردە ورنالاسقان. Kaspi Postomat, ادەتتە, ۇيدەن نەمەسە كەڭسەدەن 5 مينۋتتىق جەردە قولجەتىمدى.
ەسىككە دەيىن جەتكىزۋمەن سالىستىرعاندا, Kaspi Postomat ارقىلى جەتكىزۋ ىڭعايلىراق, ەكولوگيالىق تۇرعىدان ءتيىمدى جانە قالالىق لوگيستيكاعا تۇسەتىن جۇكتەمەنى ازايتادى. ءبىر كۋرەر ءبىر رەيس بارىسىندا ءبىر Kaspi Postomat-قا 30-عا دەيىن سالەمدەمە جەتكىزە الادى. كۋرەرلەر رەيستى نەعۇرلىم از جاساسا, سوعۇرلىم جانارماي از جاعىلادى جانە كەپتەلىستە وتكىزىلەتىن ۋاقىت تا قىسقارادى. بۇل, اسىرەسە, الماتى سياقتى ءىرى قالالار ءۇشىن اسا ماڭىزدى.
اقتاۋ قالاسىنىڭ تۇرعىنى گۇلميرا تاعاەۆا اباي تىگىن فابريكاسىنان تاپسىرىس بەرگەن كۇرتەشە دە تىكەلەي Kaspi Postomat-قا جەتكىزىلدى.
گۇلميرا تاعاەۆا, ساتىپ الۋشى, اقتاۋ
جەتكىزۋدىڭ باستالۋى مەن تاپسىرىستى اشقانعا دەيىن نەبارى ءۇش كۇن ءوتتى. وسى ۋاقىت ىشىندە تاپسىرىس ءجۇرىپ وتكەن باعىتتىڭ بارىندە كوپتەگەن ادام بار كۇشىن سالىپ, انانىڭ سىيلىعىن دەر كەزىندە جەتۋىن قامتاماسىز ەتتى.
Kaspi-ءدىڭ ساتۋشىلار مەن ساتىپ الۋشىلاردىڭ اراسىندا ىڭعايلى ءارى ءتيىمدى تۇتاس جۇيە قۇرا العانى ەل اۋقىمىندا ۇلكەن ەكونوميكالىق اسەر بەرىپ وتىر. وندىرۋشىلەر مەن ساۋدا كومپانيالارى باسقا قالالارعا تاۋار جونەلتۋ ارقىلى ساتىلىم كولەمىن ارتتىرۋدا. لوگيستيكالىق كومپانيالار مەن قويمالار جەتكىزۋدەن تابىس تاۋىپ, ينفراقۇرىلىمدى دامىتۋعا ينۆەستيتسيا سالىپ, وڭىرلەردە جاڭا جۇمىس ورىندارىن اشىپ جاتىر.
2025 جىلى تەك Kaspi ماگازيننىڭ ءوزى عانا مەملەكەتكە 126 ميلليارد تەڭگەدەن استام, ال 3 جىلدا 336 ملرد تەڭگە سالىق تولەدى. بۇل Kaspi-مەن بىرگە ءوسىپ, دامىپ جاتقان سەرىكتەستەر – دۇكەندەر مەن لوگيستيكالىق كومپانيالاردى ەسەپكە الماعانداعى كورسەتكىش.
تاياۋدا عانا ەل اۋماعىنىڭ كەڭدىگى مەن حالىق تىعىزدىعىنىڭ تومەندىگىنەن قازاقستاندا لوگيستيكانى دامىتۋ ءتيىمسىز دەپ ەسەپتەلەتىن. الايدا Kaspi بۇل تۇسىنىكتى تۇبەگەيلى وزگەرتىپ, جاقسى ۇيىمداستىرىلعان جەتكىزۋ جۇيەسى بارشاعا ءتيىمدى ەكەنىن ءىس جۇزىندە دالەلدەدى.
