اتالعان ورگاننىڭ بايلانىس قىزمەتىنىڭ حابارلاۋىنشا, پراكتيكالىق ەمتيحان كەزىندە جۇرگىزۋشى كۋالىگىن الۋعا كەلگەن ۇمىتكەر تاپسىرمالاردىڭ ءبىرىن ورىنداۋ بارىسىندا كولىك قۇرالىن باسقارۋدا قاتەلىك جىبەرىپ, سونىڭ سالدارىنان كولىك اۋدارىلىپ كەتكەن.
مامانداندىرىلعان حقكو قىزمەتكەرلەرى جەدەل جاردەم كولىگى جەتكەنشە وقيعا ورنىندا العاشقى مەديتسينالىق كومەك كورسەتكەن. ۇمىتكەردىڭ جاعدايى قازىرگى تاڭدا قاناعاتتانارلىق دەپ باعالانىپ وتىر.
اتالعان وقيعا مەملەكەتتىك قىزمەت كورسەتۋ ۇدەرىسىنە اسەر ەتكەن جوق, بۇگىنگى تاڭدا پراكتيكالىق ەمتيحان كۇندەلىكتى كەستەگە ساي قابىلدانىپ جاتىر دەيدى حقكو ماماندارى.
وسى ورايدا حالىققا قىزمەت كورسەتۋ ورتالىعىنىڭ وكىلدەرى پراكتيكالىق ەمتيحانعا اۆتومەكتەپتەردە وقۋدان وتكەن, كولىك قۇرالىن باسقارۋعا دايىندىعىن راستاعان, تاپسىرمالاردى ءوز بەتىنشە ورىنداۋعا قابىلەتتى تۇلعالار عانا جىبەرىلەتىنىن ەسكە سالدى.
