وسى ماقساتتا الماتى وبلىسىندا قازاق دراما تەاترى, اباي مەن اقتوبە وبلىستارىندا جاڭا تەاترلار سالىنادى. شىمكەنت قالاسىندا وپەرا جانە بالەت تەاترىنىڭ قۇرىلىسى باستالماق. بيىل مۇحتار اۋەزوۆ اتىنداعى قازاق ۇلتتىق دراما تەاترىنىڭ اشىلعانىنا 100 جىل تولۋىنا وراي, عيماراتتا جۇرگىزىلىپ جاتقان كۇردەلى جوندەۋ جۇمىستارى اياقتالادى. سونىمەن قاتار ناتاليا ساتس اتىنداعى ورىس مەملەكەتتىك اكادەميالىق بالالار مەن جاسوسپىرىمدەر تەاترى دا جاڭعىرتىلادى.
قاسىم-جومارت توقاەۆ: بوس قيال مەن دالەلسىز ۋادەلەرگە قارسىمىن
پرەزيدەنت مادەنيەت وشاقتارىن جاڭارتۋ ءىسى جالعاسا بەرەتىنىن ايتتى.
«بۇدان بولەك, ەكى جىلدىڭ ىشىندە ەلىمىزدە 100-دەن استام مادەنيەت وشاعى جوندەلەدى», دەدى ول.
پرەزيدەنت قىزىلوردا وبلىسىنىڭ الەۋمەتتىك جانە ەكونوميكالىق جەتىستىكتەرىنە توقتالدى
مۋزەي ءىسىن دامىتۋ دا نازاردان تىس قالمايدى. مەملەكەت باسشىسى قىزىلوردادا اشىلعان جاڭا تاريحي-ولكەتانۋ مۋزەيىن ەرەكشە اتاپ ءوتتى.
«مەن كۇزدە قالاعا جۇمىس ساپارىمەن كەلگەندە مۇراجايدى ارالاپ كوردىم. زامان تالابىنا ساي سالىنعان ورتالىقتا مۋزەي ءىسىن ۇيىمداستىرۋدىڭ تىڭ تاسىلدەرى قولدانىلعان. بۇل تاجىريبەنى باسقا وبلىستارعا ۇلگى ەتۋگە بولادى», دەدى پرەزيدەنت.
مەملەكەت باسشىسى ابايدىڭ «قارا سوزدەرىن» يۋنەسكو تىزىمىنە ەنگىزۋدى ۇسىندى
سونىمەن بىرگە قىزىلوردادا جاڭا دراما تەاتر سالۋ جوسپاردا ەنگىزىلگەنى ايتىلدى. مەملەكەت باسشىسى قىزىلوردادا جاڭا دراما تەاتر سالۋ جوسپاردا بار ەكەن, ونىڭ قۇرىلىسى بيىل باستالۋى كەرەك ەكەنىن جەتكىزدى. وتكەن ساپارىندا وبلىستىڭ زيالى قاۋىم وكىلدەرىمەن كەزدەسۋدە زاماناۋي كىتاپحانا سالۋ قاجەتتىگىن ايتقانىن دا ەسكە سالدى.
