فوتو: استانا اكىمدىگى
ناۋرىزبەك JOLTAP جوباسى جونىندە جۇبايى ارقىلى بىلگەن. ال جارى بۇل مۇمكىندىك تۋرالى TikTok جەلىسىندەگى جارناما ارقىلى كورگەن ەكەن. اقپارات قىزىقتىرعان سوڭ, ەكەۋى ارنايى بارىپ, وقۋ شارتتارىمەن تانىسۋدى ۇيعارعان.
قاتىسۋشىنىڭ ايتۋىنشا, ساباقتار تۇسىنىكتى ءارى جۇيەلى تۇردە ۇيىمداستىرىلعان.
«ماعان ءبارىنىڭ كەزەڭ-كەزەڭىمەن, ستاندارت بويىنشا وتەتىنى ۇنادى. ءتۇسىندىرۋى دە جەڭىل, قادامداپ ۇيرەتەدى. بۇل العان ءبىلىمدى ءىس جۇزىندە قولدانۋ ءۇشىن وتە ماڭىزدى», دەيدى ناۋرىزبەك.
«JOLTAP» الەۋمەتتىك جوباسى: 1 000-نان استام ازامات جۇمىسقا ورنالاستىرىلدى
ول بىرنەشە جىلدان بەرى اليۋميني تەرەزە, ۆيتراج, ەسىك پەن قالقا جاساۋمەن اينالىسىپ كەلەدى. JOLTAP جوباسى اياسىنداعى وقۋ بارىسىندا بۇرىنعى تاجىريبەسىن جۇيەلەپ, جاڭا داعدىلاردى مەڭگەرۋگە مۇمكىندىك العان.
تەحنيكالىق بىلىممەن قاتار, زاماناۋي تەحنولوگيالار مەن بيزنەس جۇرگىزۋگە قاتىستى باعىتتار دا ونى قىزىقتىرعان.
«كليەنتتەر سانىن كوبەيتۋ جانە ءوزىمدى دامىتۋ ءۇشىن جاساندى ينتەللەكت پەن ساتىلىم بويىنشا ءبىلىم العىم كەلدى. قازىر ساتىلىم كۋرسىن وقىپ جاتىرمىن جانە العان ءبىلىمىمدى بيزنەسىمدە قولدانىپ ءجۇرمىن», دەپ ءبولىستى ول.
ناۋرىزبەك بۇگىندە JOLTAP جوباسى ارقىلى العان ءبىلىمى ناقتى ناتيجە بەرىپ جاتقانىن ايتادى. سونداي-اق ول كاسىبي دامۋعا جانە العا ۇمتىلۋعا مۇمكىندىك جاساعان جوبا ۇيىمداستىرۋشىلارىنا العىسىن ءبىلدىردى.
