عىلىم زامانعا بەيىمدەلۋى كەرەك

ۇلتتىق عىلىم اكادەمياسى فورسايت ءتاسىلىن تۇراقتى جوس­پارلاۋ قۇرالىنا اينالدىرۋعا قول جەتكىزدى. ەكى جىل ىشىندە وڭىرلىك جانە سالالىق سەسسيالار وتكىزىپ, 220 پەرسپەكتي­ۆالى مىندەت پەن 65 عىلىمي-تەحنيكالىق تاپسىرما ازىرلەدىك. 

وسىعان دەيىن جەتكىلىكتى كوڭىل بولمەۋ سالدارىنان كوپتەگەن عىلىمي مەكتەپتەن ايىرىلىپ قالدىق. وسىعان بايلانىستى ۇلتتىق عىلىم اكادەمياسى «Korea Institute of Science and Technology Information» ۇيىمىمەن بىرلەسىپ «AI SilkNet» ورتالىعىن قۇردى. بۇل بىزگە الەمدەگى جاڭا تەحنولوگيا تۋرالى كەڭىنەن دەرەك الۋىمىزعا مۇمكىندىك بەرەدى. عىلىمداعى وزىق تەحنولوگيامەن قاتار كۇنى وتكەن ادىستەردى دە وسى ورتالىق ارقىلى انىقتاپ, وزىمىزگە ءتيىمدىسىن تاڭداي الامىز. بۇگىنگى سەسسيا وتىرىسىندا الدا وسى باستامانى دامىتىپ, ورتالىق ازياداعى قىزمەت ەتەتىن اقپاراتتىق ورتالىققا اينالدىرۋعا بولاتىنى جونىندە ۇسىنىس
ايتتىم. 

وڭىرلىك عىلىمدى دامىتۋ دا الدا تۇرعان ۇلكەن ماسەلەنىڭ ءبىرى. بىزدەگى عالىمداردىڭ دەنى استانا مەن الماتى قالاسىندا شوعىرلانعان. بولىنگەن قارجىنىڭ كوپ بولىگى وسى قالالار ۇلەسىنە تيەدى. وڭىرلىك عىلىم ءتۇرلى باعىتتاعى قولداۋلاردان دا قاعاجۋ قالىپ كەلەدى. عىلىمنىڭ ەكونوميكانى دامىتۋعا اسەرىن ارتتىرۋ ءۇشىن  وسىعان جەتە ءمان بەرۋىمىز كەرەك.

اقىلبەك كۇرىشباەۆ,

ۇلتتىق  عىلىم اكادەمياسىنىڭ پرەزيدەنتى