تاۋ دايىندىعى ورتالىعىنىڭ نۇسقاۋشىلارى مەن قورعانىس مينيسترلىگىنە قاراستى اسكەري جوعارى وقۋ ورنىنىڭ مەديتسينا قىزمەتكەرلەرى اكتسيانىڭ قاۋىپسىزدىگىن قامتاماسىز ەتتى. قۇرلىق اسكەرلەرى ينستيتۋتى باستىعىنىڭ ورىنباسارى, پولكوۆنيك دانيار قۇدايبەرگەنوۆتىڭ ايتۋىنشا, جورىققا «تاربيە جانە يدەولوگيالىق جۇمىستى ۇيىمداستىرۋ» ماماندىعى بويىنشا ءبىلىم الىپ جاتقان كۋرسانتتار قاتىسقان.
قارۋ اسىنعانعا – قارىز جوق: ساربازدارعا نەسيە بەرۋگە نەگە تىيىم سالىنباق؟
«بۇگىن اسكەرلەردىڭ مورالدىق-پسيحولوگيالىق جاعدايىنا, اسكەري ۇجىمداردا قولايلى احۋال قالىپتاستىرۋعا جانە اسكەري قىزمەتشىلەردىڭ پاتريوتتىق رۋحىن كوتەرۋگە جاۋاپتى ماماندار كاسىبي مەرەكەسىن اتاپ ءوتىپ جاتىر. بولاشاق تاربيەشى وفيتسەرلەرگە ولاردىڭ ماماندىعى تەك ءبىلىمدى عانا ەمەس, سونىمەن قاتار ءتوزىمدى بولۋدى, كوماندامەن بىرلەسە جۇمىس ىستەي ءبىلۋدى جانە جەكە جاۋاپكەرشىلىكتى تالاپ ەتەتىنىن كورسەتۋ ءبىز ءۇشىن وتە ماڭىزدى», دەپ اتاپ ءوتتى ول.
انت بەرۋ راسىمىندەگى توسىنسىي: استانادا سارباز سۇيىكتىسىنە ۇسىنىس جاسادى
شىڭدى باعىندىرۋعا قۇرلىق اسكەرلەرى اسكەري ينستيتۋتىنان, راديوەلەكترونيكا جانە بايلانىس اسكەري-ينجەنەرلىك ينستيتۋتىنان, ءىىم اكادەمياسىنان, ۇقك اكادەمياسىنان جانە شەكارا اكادەمياسىنان ون كۋرسانتتان قاتىستى. راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ كۋرسانتى دارحان دۇيسەنبەك بۇل اكتسيا قاتىسۋشىلارعا ءوز مۇمكىندىكتەرىن باعالاۋعا جانە كوماندالىق رۋحتى سەزىنۋگە مۇمكىندىك بەرگەنىن ايتتى.
