فوتو: ەكولوگيا جانە تابيعي رەسۋرستار مينيسترلىگى
«تەڭىزشەۆرويل» كومپانياسىنىڭ ءباسپاسوز قىزمەتى ساقتىق شاراسى رەتىندە تەڭىز جانە كورولەۆسكوە كەن ورىندارىندا مۇناي ءوندىرۋ ۋاقىتشا توقتاتىلعانىن راستادى.
– بۇل شەشىم وندىرىستىك نىساندارداعى ەلەكتر ەنەرگياسىن تاراتۋ جۇيەلەرىنىڭ كەيبىرىنە اسەر ەتكەن جاعدايعا بايلانىستى قابىلداندى. زارداپ شەككەندەر جوق. قىزمەتكەرلەردىڭ قاۋىپسىزدىگى كومپانيا ءۇشىن ەڭ جوعارى باسىمدىق بولىپ قالا بەرەدى. تشو-نىڭ تەحنيكالىق قىزمەتتەرى وقيعانىڭ باستاپقى سەبەبىن انىقتاۋ باعىتىندا بەلسەندى جۇمىس جۇرگىزىپ جاتىر, – دەپ مالىمدەدى كومپانيانىڭ ءباسپاسوز قىزمەتى.
كومپانيا وكىلدەرى وقيعانىڭ سالدارىن مۇمكىندىگىنشە تەزىرەك جويۋعا كۇش سالىپ جاتقانىن جانە تەرىس اسەرلەردى ازايتۋ ءۇشىن مەملەكەتتىك ورگاندارمەن تىعىز بايلانىستا جۇمىس ىستەپ وتىرعانىن اتاپ ءوتتى.
«تەڭىزشەۆرويل» اتىراۋ جىلۋ ەلەكتر ورتالىعىنا گاز جەتكىزۋدى توقتاتا ما؟
– تەڭىز كەن ورنى مەن بارلىق وندىرىستىك نىساندار قاۋىپسىز كۇيدە, سەنىمدى قورعالعان, – دەپ سەندىردى تشو.
ەسكە سالايىق, كەشە تەڭىز كەن ورنىندا ءورت بولعانىن حابارلاعان ەدىك.
