ۆيدەودان سكرينشوت
16 قاڭتار كۇنى ساعات 13:00 شاماسىندا ستۋدەنت قىزدى ايەل ورىن بەرمەگەنى ءۇشىن باسىنان ۇرىپ, شاشىنان سۇيرەگەن. سودان سوڭ تۇك بولماعانداي «كوكارنا مەكتەبى» ايالداماسىنان ءتۇسىپ قالعان. ءجابىر كورگەن قىز پوليتسيا شاقىرىپ, اۋرۋحاناعا جەتكىزىلگەن. دارىگەرلەر تەكسەرىپ, جاعدايىن جاقسى دەپ باعالاعان. سوت-مەديتسينالىق ساراپتاماعا جولداما بەرىلمەگەن.
اتىراۋ وبلىسى پوليتسيا دەپارتامەنتىنىڭ مالىمدەۋىنشە, قۇقىقبۇزۋشىلىققا جول بەرگەن ايەل ادام انىقتالىپ, پوليتسيا بولىمىنە جەتكىزىلگەن.
«وعان قاتىستى ۇرىپ-سوعۋ دەرەگىمەن قىلمىستىق ءىس تىركەلدى. قازىرگى تاڭدا جابىرلەنۋشى مەن وقيعانىڭ وزگە دە كۋاگەرلەرىنەن جاۋاپتار الىنىپ, وقيعانىڭ بارلىق ءمان-جايى انىقتالىپ جاتىر», دەلىنگەن حابارلامادا.
