«سىر بويىنداعى جيىندا پرەزيدەنت قاسىم-جومارت توقاەۆ ءسوز سويلەپ, قازاقستاننىڭ كەلەشەك دامۋ باعدارى مەن قوعامداعى وزەكتى ماسەلەلەر تۋرالى ويلارىن ورتاعا سالادى», دەلىنگەن رۋسلان جەلدىباي تاراتقان حابارلامادا.
ايتا كەتەيىك, ەلىمىزدە ۇلتتىق قۇرىلتايدىڭ العاشقى وتىرىسى 2022 جىلى ۇلىتاۋدا وتكەن ەدى. ال 2023 جىلى – تۇركىستاندا, 2024 جىلى – اتىراۋدا, 2025 جىلى – بۋرابايدا ءوتتى.
بۇعان دەيىن پرەزيدەنت مەملەكەتتىك كەڭەسشى ەرلان قارينمەن جانە پرەزيدەنتتىڭ قۇقىقتىق ماسەلەلەر جونىندەگى كومەكشىسى ەرجان جيەنباەۆپەن پارلامەنتتىك رەفورما بويىنشا كەزەكتى جۇمىس كەڭەسىن وتكىزگەن ەدى.
ەرلان قارين مەملەكەت باسشىسىنا جۇمىس توبىنىڭ 9 قاڭتاردا وتكەن وتىرىسىندا بولاشاق ءبىر پالاتالى پارلامەنتتىڭ مارتەبەسىن, وكىلەتتىكتەرى مەن فۋنكتسيالارىن انىقتاۋعا, سونداي-اق بيلىكتىڭ باسقا دا تارماقتارىمەن ءوزارا ءىس-قيمىلىنا قاتىستى تاسىلدەر ازىرلەنگەنىن اتاپ وتكەن.
ال ەرجان جيەنباەۆ مەملەكەت باسشىسىن كونستيتۋتسيالىق رەفورماعا قاتىستى جۇمىس توبى مۇشەلەرى مەن جۇرتشىلىقتان كەلىپ تۇسكەن جاڭا ۇسىنىستارمەن تانىستىرعان.
پرەزيدەنت اتالعان كەزدەسۋدە بارلىق پىكىر مەن باستامانى ەسكەرۋ قاجەت ەكەنىن اتاپ ءوتتى. سونداي-اق كونستيتۋتسيالىق رەفورما بويىنشا تۇپكىلىكتى شەشىمدى ەل ازاماتتارى جالپىۇلتتىق رەفەرەندۋمدا قابىلدايتىنىن مالىمدەدى.
