فوتو: اشىق دەرەككوز
استانادا وتكەن بيۋرو وتىرىسىندا ءماجىلىس سپيكەرى ەرلان قوشانوۆ دەپۋتاتتاردىڭ الداعى وتىرىسىنىڭ كۇن ءتارتىبىن ناقتىلادى. سوعان سايكەس حالىق قالاۋلىلارىنا «2003 جىلعى 25 جەلتوقسانداعى قازاقستان ۇكىمەتى مەن قىرعىز ۇكىمەتى اراسىنداعى شەكارا ارقىلى وتكىزۋ پۋنكتتەرى تۋرالى كەلىسىمگە وزگەرىس ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسى ۇسىنىلادى.
اتالعان حاتتاما «كەگەن-اۆتوجولدىق» جانە «قارقارا-اۆتوجولدىق» وتكىزۋ پۋنكتتەرىنىڭ جۇمىس رەجيمىن وزگەرتۋگە باعىتتالعان. قۇجاتقا سايكەس, بۇل بەكەتتەر بۇدان بىلاي تەك كۇندىز ەمەس, تاۋلىك بويى جۇمىس ىستەۋى مۇمكىن. مۇنداي قادام قازاقستان-قىرعىزستان شەكارا ماڭىنداعى ىنتىماقتاستىقتى نىعايتىپ, تاۋار اينالىمىن ارتتىرۋعا جانە تۋريستىك بايلانىستاردى كەڭەيتۋگە جول اشادى. سونىمەن قاتار شەكاراداعى وزگە اۆتوكولىك وتكىزۋ پۋنكتتەرىندەگى جولاۋشىلار اعىنىن ازايتۋعا ىقپال ەتەدى.
جالپى وتىرىستىڭ كۇن تارتىبىنە تاعى ءبىر حالىقارالىق قۇجات ەنگىزىلدى. ول – 2016 جىلعى 6 قازاندا مونرەال قالاسىندا قول قويىلعان حالىقارالىق ازاماتتىق اۆياتسيا تۋرالى كونۆەنتسيانىڭ 50 ا) جانە 56-باپتارىنا وزگەرىستەر ەنگىزۋ جونىندەگى حاتتامالاردى راتيفيكاتسيالاۋ تۋرالى زاڭ جوباسى. بۇل قۇجات حالىقارالىق ازاماتتىق اۆياتسيا ۇيىمى كەڭەسى مەن اەروناۆيگاتسيالىق كوميسسيانىڭ ساندىق قۇرامىن ۇلعايتۋدى كوزدەيدى.
سونىمەن قاتار دەپۋتاتتارعا قىلمىستىق ىستەر بويىنشا ءوزارا قۇقىقتىق كومەك تۋرالى ەۋروپالىق كونۆەنتسيانى راتيفيكاتسيالاۋ جونىندەگى جاڭا زاڭ جوباسىن جۇمىسقا قابىلداۋ ۇسىنىلىپ وتىر. بۇل باستاما حالىقارالىق قۇقىقتىق ىنتىماقتاستىقتى كەڭەيتۋگە باعىتتالعان.
بۇعان دەيىن قازاق-قىرعىز شەكاراسىندا تەحنيكالىق جۇمىستاردىڭ وتكىزىلۋىنە بايلانىستى, ارى-بەرى قاتىناس ءجيى توقتاتىلاتىنىن جازعان ەدىك.
