فوتو: اشىق دەرەككوز
پاۆلودار وبلىستىق سوتىنىڭ ءباسپاسوز قىزمەتى حابارلاعانداي, سوتتالعان ايەل 2024 جىلى ينتەرنەت جەلىسىندە بۇيرەگىن 50 مىڭ دوللارعا (سول كەزدەگى باعام بويىنشا 24,5 ملن تەڭگە) ساتۋ تۋرالى كەلىسىم جۇرگىزگەن. ترانسپلانتاتسيا وتاسى پاۆلودار قالاسىندا ءوتۋى ءتيىس بولعان.
2025 جىلى ايىپتالۋشى قازاقستانعا كەلىپ, قاجەتتى مەديتسينالىق تەكسەرۋلەردەن وتكەن. الايدا زاڭسىز ارەكەتتىڭ جولى كەسىلىپ, پوليتسەيلەر ونى 5 ملن تەڭگە كولەمىندەگى العاشقى جارنانى الۋ ساتىندە قولعا تۇسىرگەن. سوت وتىرىسىندا ايەل ءوز كىناسىن تولىق مويىنداپ, جاساعان ىسىنە وكىنەتىنىن جەتكىزگەن.
«سوت شەشىمىمەن وعان 10 ايعا باس بوستاندىعىنان ايىرۋ جازاسى تاعايىندالدى. ونىڭ كۇزەتپەن ۇستاۋدا بولعان ۋاقىتى ەسكەرىلىپ, جازا وتەلدى دەپ تانىلدى. سوتتالعان ايەل سوت زالىنان بوساتىلدى», دەلىنگەن حابارلامادا.
سوت ۇكىمى زاڭدى كۇشىنە ەندى.
