اسكەري ءبولىمنىڭ كومانديرى پولكوۆنيك جاندار اشىربەكوۆ قۇرمەتتى قوناقتاردى بريگادانىڭ اتقاراتىن قىزمەتى, مىندەتتەرى جانە ينفراقۇرىلىمدىق جاعدايىمەن تانىستىردى. دەپۋتاتتار نازارىنا قولدانىستاعى اسكەري تەحنيكالار مەن قارۋ-جاراق كورمەلەرى ۇسىنىلدى. سونداي-اق كوماندير ساربازداردىڭ 2025 جىلى جاۋىنگەرلىك قىزمەت بارىسىندا قول جەتكىزگەن ناتيجەلەرى جايىندا باياندادى.
ءورت كەزىندە ەرلىك تانىتقان جىگىت ۇلتتىق ۇلان قاتارىنا قوسىلدى
حالىق قالاۋلىلارى ساربازداردىڭ اسكەري كيىممەن قامتىلۋ دەڭگەيىنە جانە ساپاسىنا باسا نازار اۋداردى. جەكە قۇراممەن كەزدەسۋدە دەپۋتاتتار پارلامەنت قابىرعاسىندا قولعا العان زاڭ جوبالارى جايلى ايتتى.
- بىلتىر اسكەري قىزمەتشىلەرگە قاتىستى بىرنەشە زاڭ جوباسىن قاراستىردىق. مىسالى, مەكتەپتەگى العاشقى اسكەري دايىندىق ءپانىن كۇشەيتۋگە دەن قويىلدى. بۇل اسكەرگە باراتىن جاستاردىڭ قىزىعۋشىلىعىن ارتتىرۋدى كوزدەيدى. سونداي-اق ەكى جىلدان بەرى جاۋىنگەرلەر اراسىندا ءوزىن كورسەتە بىلگەن ساربازدارعا ءبىلىم مينيسترلىگى ارقىلى جىلىنا 3 مىڭعا جۋىق وقۋ گرانتى بەرىلىپ كەلەدى. بۇدان بولەك بانك الدىندا بەرەشەگى بار اسكەرگە شاقىرىلۋشىلار قىزمەتى اياقتالعانشا نەسيە تولەۋدى توقتاتا الادى, - دەدى دەپۋتات بولات كەرىمبەك.
سونىمەن قاتار دەپۋتاتتار اسكەري قىزمەتشىلەردىڭ تالاپ-تىلەكتەرىنە قۇلاق اسىپ, الداعى جوسپارلارىمەن ءبولىستى.
كەزدەسۋگە الماتىدان ءانشى مەدەۋ ارىنباەۆ ارنايى كەلدى. ول دەپۋتاتتاردىڭ ۇسىنىسىمەن اسكەري قىزمەتشىلەرگە پاتريوتتىق تاقىرىپتاعى اندەرىن ورىنداپ بەردى.
ايتا كەتەيىك, وتكەن جىلى 5573 اسكەري ءبولىمىنىڭ ساربازدارى جاۋىنگەرلىك قىزمەت بارىسىندا ەلوردا كوشەلەرىنەن ەسىرتكىگە قاتىسى بار 56 ادامدى, دەنساۋلىققا قاساقانا زيان تيگىزگەن 1 ازاماتتى ۇستادى جانە 3 ۇرلىق فاكتىسىن انىقتادى.
