فوتو: muftyat.kz
بۇل تۋرالى باس ءمۇفتي ناۋرىزباي قاجى تاعان ۇلى 2026 جىلعا ارنالعان باعدارلىق بايانداماسىندا مالىمدەدى.
«بۇل ءدىني باسقارما قىزمەتىن زاماناۋي تالاپتارعا بەيىمدەپ, رۋحاني سالانى جاڭا ساپالىق دەڭگەيگە كوتەرۋگە باعىتتالعان ماڭىزدى قادام بولماق. اتالعان كورمە باسپا جانە ءباسپاسوز, ۋاقىت سالاسىنداعى ونىمدەرىمىزدى تانىستىراتىن الاڭعا اينالادى. زەكەت, حالال, قاجىلىق, تسيفرلىق دامۋ باعىتى بويىنشا قىزمەتتەرىمىزدى حالىققا ۇسىنامىز. «QMDB EXPO-2026» رۋحاني سالاداعى جاڭاشىلدىق پەن تۇراقتى دامۋدىڭ جارقىن ۇلگىسى, ءمۇفتيات پەن قوعام اراسىندا التىن كوپىر بولادى دەپ سەنەمىن», دەدى باس ءمۇفتي.
سونىمەن قوسا باس حازىرەت جاساندى ينتەللەكت نەگىزىندە جۇمىس ىستەيتىن, سەنىمدى دەرەككوزدەرگە سۇيەنىپ, ءدىني سۇراقتارعا لەزدە جاۋاپ بەرەتىن «Imam AI» ءموبيلدى قوسىمشاسىنىڭ ىسكە قوسىلاتىنىن ايتقان بولاتىن.
ەسكە سالايىق, قازاقستان مۇسىلماندارى ءدىني باسقارماسى 2026 جىلعا ارنالعان ءدىني مەرەكەلەر كەستەسىن جاريالادى.
