فوتو: اشىق دەرەككوز
11 مىڭ كورەرمەنگە ارنالعان بۇل ارەنا بىلتىر «ورداباسى» مەن «توبىل» اراسىنداعى قازاقستان كۋبوگىنىڭ فينالىندا اشىلعان بولاتىن.
Tengrinews.kz ستاديون تەكسەرىسىنە قاتىستى تۋريزم جانە سپورت مينيسترلىگىنە ساۋال جولداعان. ول مالىمەت بويىنشا نىسان قۇرىلىسىنا 20,9 ملرد تەڭگە جۇمسالعان. الايدا تامىز ايىندا قىزىلوردا وبلىسىنىڭ اكىمدىگى بۇل سومانىڭ 26,5 ملرد تەڭگەنى قۇرايتىنىن حابارلاعان.
«قايسار ارەنا» ستاديونىنا ۋەفا وكىلدەرىنىڭ ينسپەكتسيا جۇرگىزۋى بيىلعى جىلدىڭ ءساۋىر ايىنا جوسپارلانعان. مينيسترلىك ستاديون كەمىندە III حالىقارالىق ساناتتى الادى دەپ ۇمىتتەنىپ وتىر.
حالىقارالىق سانات تەك ستاديوننىڭ ساپاسىنا عانا ەمەس, قالانىڭ ينفراقۇرىلىمىنا دا بايلانىستى بەرىلەدى. ونىڭ ىشىندە مىناداي مىندەتتى شارتتار بار:
- تۇراقتى حالىقارالىق رەيستەرى بار اۋەجايدىڭ بولۋى;
- كوماندالار مەن رەسمي تۇلعالارعا ارنالعان بىرنەشە بەس جۇلدىزدى قوناقۇي;
- زاماناۋي وقۋ-جاتتىعۋ بازالارى مەن الاڭدارى.
قىزىلوردا وبلىسى اكىمدىگى ستاديون تۋرالى سايتتارعا شىققان اقپاراتتار جالعان ەكەندىگىن جەتكىزدى. اكىمدىكتىڭ مالىمەتىنشە, ستاديون قازاقستان فۋتبول فەدەراتسياسى تاراپىنان ليتسەنزيالانىپ, ۋەفا Time باعدارلاماسىنا 4-ساناتتاعى ستاديون رەتىندە ەنگىزىلگەن. سايكەسىنشە, ۋەفا ينسپەكتسياسىن وتكىزۋ ءساۋىر – مامىر ايلارىنا جوسپارلانعان.
«ۋەفا مالىمەتىنە سايكەس, ستاديون 4-ءشى ساناتتى تالاپقا تولىقتاي سايكەس كەلەدى. ستاديوننىڭ ويىن الاڭى فيفا تەستىلەۋىنەن ءوتىپ, ەڭ جوعارى دەڭگەي — FIFA QUALITY PRO سەرتيفيكاتىن يەلەندى. وسىعان بايلانىستى, «Kaysar Arena» ستاديونىندا ءىرى كولەمدەگى ماتچتار مەن حالىقارالىق جارىستاردى وتكىزۋگە تولىق مۇمكىندىك بار. ايتا كەتەيىك, جاڭا ستاديون ۋەفا-نىڭ رەسمي سايتىندا ەنگىزىلگەن», دەپ ءتۇسىندىردى اكىمدىك.
ەسكە سالا كەتەيىك, «قايسار ارەنا» – قازاقستان تاۋەلسىزدىك العاننان بەرى سالىنعان ءۇشىنشى ستاديون («استانا ارەنا» مەن «تۇركىستان ارەنادان» كەيىن). ەلىمىزدەگى وسى ءۇش جاڭا ارەنانىڭ بارلىعىنا دا جاساندى كوگال توسەلگەن.
