بۇگىن تۇندە اسپاننان جۇلدىز جاۋادى

الماتى. بۇگىن ساعات تۇنگى 23.40-تا اسپاننان ەرەكشە جۇلدىز جاۋعان قۇبىلىستى بايقاۋعا بولادى. قازاقستان حالقى ءبىر ساعاتتا اسپاننان جۇلدىزداي اققان 100 ءبوليدتى ءوز كوزىمەن كورەدى. بۇل تۋرالى zakon.kz. حابارلادى. جۇلدىز-جاۋىن – استرونوميا ىلىمىندە پەرسەيد دەپ اتالادى. جەر سۆيفت-تاتتل كومەتاسىنىڭ سوڭىنان قالعان شلەيفكە 80 مىڭ كيلومەترگە دەيىن جاقىندايتىن كەز دە وسى تۇس. بىرنەشە ميلليمەتردەن بىرنەشە سانتيمەترگە دەيىنگى بولشەكتەر سەكۋندىنا 60 كيلومەتر جىلدامدىقپەن ۇشىپ كەلىپ, پلانەتە اتموفەراسىنا ۇرىنادى. استرونومدار ايتقانداي, اسپان اشىق بولسا, جۇلدىزدار جاۋىنىنىڭ جاپ-جاقسى كورىنۋىنە ايدىڭ جارىعى كەدەرگى كەلتىرمەيدى. جوعارىدا اتالعان بۇل كومەتانىڭ قۇيرىعىنىڭ جارىعى – «جۇلدىزدى جاۋىنى» 136 جىلدا ءبىر قايتالاناتىن كورىنىس بولىپ سانالادى. پەرسەيد تۋرالى العاش رەت ءبىزدىڭ ەرامىزعا دەيىن 36-شى جىلعى قىتاي شەجىرەسىندە جازىلعان. تالعات ءسۇيىنباي. دەرەك, سۋرەت: zakon.kz.