سۋرەت جي كومەگىمەن جاسالدى
كومپانيا بۇل باستاماسىن سوڭعى جىلدارى عارىشقا جۇك شىعارۋ قۇنىنىڭ ايتارلىقتاي ارزانداۋىمەن بايلانىستىرادى. بۇعان, ەڭ الدىمەن, SpaceX قىزمەتىنىڭ ىقپالى زور. الداعى ۋاقىتتا نارىقتاعى باسەكە كۇشەيىپ, ونىڭ ىشىندە Blue Origin جانە وزگە ەلدەردەگى قايتا پايدالانىلاتىن زىمىران جوبالارىنىڭ ەسەبىنەن عارىشقا ۇشۋ ودان ءارى ارزاندايدى دەپ كۇتىلەدى.
عارىشقا تۋريست رەتىندە ۇشقان داننا قاراعۇسوۆا العان اسەرىن ءبولىستى
GRU Space وكىلدەرىنىڭ ايتۋىنشا, عارىش قازىردىڭ وزىندە باي ادامدار ءۇشىن تۋريستىك باعىتقا اينالىپ كەلەدى. العاشقى كەزەڭدە قوناقۇيلەر تۋريستەرمەن بىرگە اي بەتىنە جەتكىزىلەدى. ولار ەكى-ءتورت ادامعا ارنالعان ۇرلەمەلى مودۋلدەر بولادى. ەگەر جىلىنا ءۇش رەيس ورىندالسا, ءبىر تۋريست ءۇشىن ساپار قۇنى شامامەن 416 مىڭ دوللاردى قۇرايدى.
كەيىنىرەك كومپانيا نەعۇرلىم كۇردەلى قۇرىلىمدار سالۋدى جوسپارلاپ وتىر. بۇل نىسانداردى تۇرعىزۋ كەزىندە جەردەن جەتكىزىلەتىن ماتەريالدارمەن قاتار ايدىڭ ءوز بەتىندەگى رەسۋرستار دا پايدالانىلماق. سان-فرانتسيسكوداعى بەينەلەۋ ونەرى سارايىنىڭ ساۋلەتىنەن شابىت العان مۇنداي قوناقۇيلەر 10 قوناقتى قابىلداي الادى. بۇل جاعدايدا جولداما باعاسى 83 مىڭ دوللارعا دەيىن تومەندەۋى مۇمكىن.
تەحنولوگيالاردى سىناقتان وتكىزۋگە ارنالعان دايىندىق ۇشۋلارى 2029 جانە 2031 جىلدارعا جوسپارلانعان. كومپانيا وسى سىناقتار ءساتتى وتكەن جاعدايدا اي ءتۋريزمى جاڭا يندۋسترياعا اينالادى دەپ ۇمىتتەنەدى.
