فوتو: اشىق دەرەككوز
ء«بىز 12 قاڭتار كۇنى ساعات 19:00-دە ءوتىنىم قابىلداۋدى توقتاتتىق. سەبەبى enpf-otbasy.kz پورتالىندا راديوحيرۋرگياعا قاتىستى وتىنىمدەر سانى كۇرت كوبەيدى. ءبىزدىڭ ۇستانىمىمىز – جەكەلەگەن ەم تۇرلەرىن قايتارۋ قاجەت, الايدا بۇل ۇدەرىس تولىقتاي اشىق ءارى باقىلاۋدا بولۋى ءتيىس. الداعى ۋاقىتتا, شامامەن 6-9 اي ىشىندە, كەيبىر وپەراتسيا تۇرلەرىن قايتا جانداندىرۋىمىز مۇمكىن», دەدى «وتباسى بانك» اق باسقارما توراعاسى ءلاززات يبراگيموۆا.
بانك باسشىسىنىڭ ايتۋىنشا, بۇعان دەيىن راديوحيرۋرگيا بويىنشا ايىنا بەرىلەتىن وتىنىمدەر سانى 10-نان اسپاعان. سوڭعى ۋاقىتتا ولاردىڭ سانى كۇرت ءوسىپ, قالىپتان تىس دەڭگەيگە جەتكەن. 12 قاڭتارعا قاراي مۇنداي وتىنىمدەر سانى 7 مىڭنان اسقان. بانك قىزمەتكەرلەرى وپەراتسيا جاسالۋى ءتيىس دەلىنگەن كلينيكالارعا تەكسەرىسپەن بارعان. الايدا كەيبىر مەديتسينالىق مەكەمەلەردە قاجەتتى ارنايى جابدىق تا, ءتيىستى ماماندار دا جوق بولىپ شىققان. ال تاعى ءبىر كلينيكالار كورسەتىلگەن مەكەنجايدا مۇلدە بولماعان.
زەينەتاقى قورىنان ءتىس ەمدەۋگە 200 ملرد تەڭگە زاڭسىز شىعارىلعان
كتك ارناسىنىڭ حابارلاۋىنشا, ەءندى «وتباسى بانك» دەنساۋلىق ساقتاۋ مينيسترلىگىمەن بىرلەسىپ, مۇنداي كلينيكالاردى ليتسەنزيالاۋ تالاپتارىن قاتاڭداتۋ باعىتىندا جۇمىس جۇرگىزبەك. ءتيىستى شەشىم قابىلدانعاننان كەيىن ءتىس ەمدەۋ, كوز اۋرۋلارىن ەمدەۋ, ونكولوگيالىق جانە ورفاندىق اۋرۋلارعا بايلانىستى زەينەتاقى جيناقتارى ەسەبىنەن قاراجات پايدالانۋ مۇمكىندىگى قايتا ەنگىزىلۋى ىقتيمال.
«مونيتورينگ بارىسىندا انىقتالعان زاڭبۇزۋشىلىقتار بىزگە بۇل وپەراتسيالاردى ءارى قاراي جالعاستىرۋعا مۇمكىندىك بەرمەيدى», دەپ اتاپ ءوتتى ءلاززات يبراگيموۆا.
ايتا كەتەيىك, بۇعان دەيىن زەينەتاقى ەسەبىنەن ەمدەلۋگە وتىنىمدەر قابىلداۋ توقتاتىلعانىن حابارلاعان ەدىك.
زەينەتاقى جيناعى ەسەبىنەن پلاستيكالىق وتا جاساۋعا تىيىم سالىندى
