اتالعان ۋنيۆەرسيتەت عاسىرلار بويى الەمدىك ونەر مەن اكادەميالىق ءداستۇردىڭ قالىپتاسۋىنا ىقپال ەتىپ كەلەدى. قازىرگى كەزدە ءبىلىم ورداسىندا مۋزىكا, تەاتر جانە كينو سالالارى بويىنشا 3000-نان استام ستۋدەنت وقيدى.
مەموراندۋم اياسىندا تاراپتار شىعارماشىلىق كادرلاردى كاسىبي دايارلاۋ سالاسىندا ۇزاقمەرزىمدى اكادەميالىق ىنتىماقتاستىقتى دامىتۋ, سونداي-اق حالىقارالىق ءبىلىم جانە مادەني بايلانىستاردى نىعايتۋ بويىنشا كەلىسىمگە كەلدى.
قۇجات بىرنەشە نەگىزگى باعىتتى قامتيدى. سولاردىڭ ءبىرى – اكادەميالىق ۇتقىرلىقتى دامىتۋ. ۆوكال, كومپوزيتسيا, وپەراعا ديريجەرلىك ەتۋ جانە اسپاپتىق ورىنداۋ (سكريپكا, فورتەپيانو, ۇرمەلى اسپاپتار جانە پەركۋسسيا) سالالارىندا شىعارماشىلىق ىنتىماقتاستىق مۇمكىندىكتەرى قاراستىرىلعان. سونىمەن قاتار مۋزىكاتانۋ, ەتنومۋزىكاتانۋ, مادەنيەت مەنەدجمەنتى سالاسى بويىنشا بىرلەسكەن عىلىمي زەرتتەۋلەر جۇرگىزۋ جوسپارلانعان. ىنتىماقتاستىق اياسىندا ستۋدەنتتەر مەن وقىتۋشىلاردى حالىقارالىق باعدارلامالارعا, ونىڭ ىشىندە «International Summer Academy mdw»-گە قاتىستىرۋ جوسپارلانعان.
بۇعان قوسا ءبىلىم, ونەر جانە مادەنيەت سالاسىنداعى ۇزاقمەرزىمدى جوبالاردى ىسكە اسىرۋ مۇمكىندىگى تالقىلانىپ جاتىر.
