زارداپ شەككەن بالانىڭ تۋىستارى كولىكتىڭ ىشىندە 11-سىنىپتىڭ بەس وقۋشىسى بولعانىن ايتتى. ولاردىڭ ءبىرى اپات ورنىنان كولىكتى جاسىرۋ ءۇشىن كەتىپ قالعان.
جوعارى سىنىپ وقۋشىلارى بالانى شامامەن 30-40 مينۋت ۇستاپ وتىرعان. ولار ونى قورقىتىپ, بولعان جايت تۋرالى ەشكىمگە ايتپاۋدى تالاپ ەتكەن. كەيىن جاسوسپىرىمدەر زارداپ شەككەن بالانى مەكتەپكە اكەلىپ, مۇعالىمگە ونى موپەد قاعىپ كەتكەنىن ايتقان.
جول اپاتى تۋرالى حابارلاما تۇسكەننەن كەيىن پوليتسەيلەر جۇرگىزۋشىنى انىقتاپ, ۇستاۋ بويىنشا جەدەل شارالار قابىلداعان.
«اتالعان فاكتى بويىنشا JAC كولىگىن باسقارعان كامەلەتكە تولماعان جۇرگىزۋشى انىقتالىپ, جاۋاپكەرشىلىككە تارتىلدى. سونىمەن قاتار ونىڭ اتا-اناسىنا ەكى باپ بويىنشا اكىمشىلىك شارا قولدانىلدى», دەلىنگەن حابارلامادا.
قازىرگى ۋاقىتتا پوليتسيا قاجەتتى تەرگەۋ ارەكەتتەرىن جۇرگىزىپ جاتىر. تۇپكىلىكتى پروتسەسسۋالدىق شەشىم مەديتسينالىق قورىتىندى مەن زارداپ شەككەن بالانىڭ اۋرۋحانادان شىققاننان كەيىن قابىلدانادى.
ەسكە سالا كەتەيىك, بۇعان دەيىن كوكشەتاۋدا جۇرگىزۋشى كۋالىگى جوق ادام باسقارعان كولىك ايەلدى قاعىپ كەتىپ, ول وقيعا ورنىندا قازا بولعان ەدى.
