باسقوسۋدا الداعى جوسپارلار سارالانىپ, كوممۋنيكاتسيالىق ستراتەگيانى دامىتۋ جانە قوعاممەن ءوزارا ءىس-قيمىلدىڭ جاڭا فورماتتارىن ەنگىزۋ ماسەلەسى تالقىلاندى.
ايدىن كابدۋلدينوۆ ءوز سوزىندە الماتى پوليتسياسىنىڭ اقپاراتتىق ساياساتى كوپتەگەن جىلدار بويى باسىم باعىتتاردىڭ ءبىرى رەتىندە جۇيەلى تۇردە قالىپتاسىپ كەلە جاتقانىن اتاپ ءوتتى.
پوليتسيا الاياقتارعا الدانىپ قالماۋدىڭ 5 نەگىزگى ەرەجەسىن اتادى
«بەلگىلەنگەن باعىت ساقتالىپ قانا قويماي, ودان ءارى كۇشەيتىلەدى. باسىمدىقتار قاتارىندا – زاماناۋي كوممۋنيكاتسيا قۇرالدارىن دامىتۋ, الەۋمەتتىك جەلىلەردەگى بەلسەندى جۇمىس, پروفيلاكتيكالىق جانە ءتۇسىندىرۋ جوبالارى, بالالار قاۋىپسىزدىگىنە, جول قاۋىپسىزدىگىنە ەرەكشە نازار اۋدارۋ, الاياقتىق پەن ەسىرتكى قىلمىسىنا قارسى كۇرەس بار», دەدى ايدىن كابدۋلدينوۆ.
كەزدەسۋدىڭ جەكە ءبىر بولىگى كوممۋنيكاتسيالىق ستراتەگياعا ارنالدى. ول اشىقتىق, جەدەلدىك جانە قولجەتىمدىلىك قاعيداتتارىنا نەگىزدەلگەن. پوليتسيانىڭ مىندەتى – تەك وقيعالار تۋرالى حابارلاۋ ەمەس, سونىمەن قاتار ءتۇسىندىرۋ, الدىن الۋ جانە ازاماتتارعا قاۋىپسىزدىك ماسەلەلەرىندە دۇرىس باعدار بەرۋگە كومەكتەسۋ.
وڭال بەكيەۆ اتىراۋ وبلىستىق پوليتسيا دەپارتامەنتىن باسقارادى
كەزدەسۋ قاتىسۋشىلارى قۇقىق بۇزۋشىلىقتاردىڭ الدىن الۋ جانە پوليتسياعا دەگەن قوعامدىق سەنىمدى نىعايتۋ ىسىندە بۇقارالىق اقپارات قۇرالدارى مەن بلوگەرلەرمەن سەرىكتەستىكتىڭ ماڭىزدىلىعىن اتاپ ءوتتى.
«الدا – جاڭا جوبالار, تىڭ فورماتتار مەن يدەيالار بار. نەگىزگى ماقسات – پوليتسيانى حالىققا ودان ءارى جاقىنداتىپ, قوعاممەن تۇراقتى ءارى سەنىمدى ديالوگ ورناتۋ», دەپ تۇيىندەدى دەپارتامەنت باسشىسى.
