فوتو: قورعانىس مينيسترلىگى
عاسىر جاساعان قارت مايدانگەر كورۋ, ەستۋ قابىلەتتەرى السىرەگەنىمەن, قوناقتاردى جىلى قابىلدادى. ارداگەردىڭ قىزى اسكەريلەرگە العىس ايتتى.
«اكەمىزگە كورسەتىلگەن قامقورلىق پەن ەرەكشە قۇرمەت ءۇشىن اسكەري قىزمەتشىلەرگە شىن جۇرەكتەن العىسىمىزدى بىلدىرەمىز. بۇل اكەمىز ءۇشىن دە, وتباسىمىز ءۇشىن دە وتە ماڭىزدى», دەدى ناتاليا كوسولاپوۆا.
قورعانىس مينيسترلىگىنىڭ مالىمەتىنشە, اناتولي پوپوۆ 1926 جىلعى 13 قاڭتاردا الماتى وبلىسىنا قاراستى قاسكەلەڭ قالاسىندا دۇنيەگە كەلگەن. سوعىس جىلدارى اسكەري بايلانىسشى ماماندىعىن مەڭگەرىپ, 2-ءشى پريبالتيكا مايدانى قۇرامىندا شايقاسقان. ريگا تۇبىندەگى ۇرىستارعا قاتىسقان. اناتولي نازاروۆيچ «ريگانى ازات ەتكەنى ءۇشىن», «گەرمانيانى جەڭگەنى ءۇشىن» مەدالدارىمەن جانە باسقا دا مەرەيتويلىق ناگرادالارمەن ماراپاتتالعان.
سوعىستان سوڭ ول ساراتوۆ اسكەري-مەديتسينالىق ۋچيليششەسىن ءبىتىرىپ, گەرمانيادا اسكەري قىزمەتىن جالعاستىرعان. الماتىعا ورالعان سوڭ زەينەتكەرلىككە شىققانعا دەيىن سانيتارلىق-ەپيدەميولوگيالىق قىزمەتتە فەلدشەر بولىپ ەڭبەك ەتكەن.
