فوتو: اشىق دەرەككوزدەن
شىمكەنت قالالىق پوليتسيا دەپارتامەنتى نۇرايعا بىرنەشە رەت پىشاق جاراقاتىن سالىپ, وقيعا ورنىنان قاشىپ كەتكەن كۇدىكتىنى قولعا ءتۇسىردى. پوليتسيا مالىمەتىنشە, كۇدىكتىنىڭ اتى-ءجونى – ايماحان شەرحان.
سەرىكباي سۇلتان كۇدىكتى قارىنداسىنىڭ جۋاستىعىن پايدالانىپ, ابدەن باسىنعانىن, «جوق» دەگەن ءسوزىن ەلەمەي, ستالكينگ جاساعانى تۋرالى جازدى.
«شىنىمىزدى ايتساق قان جىلاپ وتىرمىز. ءبىز ءار جاڭالىقتى وقىپ وتىرامىز, قولداۋ كورسەتىپ جاتقان جاندارعا راحمەتىمىزدى ايتامىز. قازىر ءبىزدىڭ قولدان تەك وعان («ادامعا» دەگەن ءسوزدى ايتۋعا قيماي وتىرمىن) ماكسيمالدى مەرزىم بەرۋدى سۇراۋ عانا كەلەدى. قىسقاشا ايتقاندا مەنىڭ قارىنداسىم ەڭ اقىلدى, سابىرلى, تۇيىق, جۋاس قىز بولعاندىقتان بارىنشا باسىنعان. «جوق» دەگەن ءسوزدى تۇسىنبەگەن. ستالكەر بولعان», دەپ جازدى مارقۇمنىڭ اعاسى.
ەندى نۇرايدىڭ وتباسى قولداۋ سۇراپ وتىر.
«بۇل وقيعانى بۇكىل جەرگە تاراتىپ, ءبىزدى قولداۋلارىڭىزدى سۇرانامىز ء(ادىل شەشىم شىعارۋعا). قازىر بىزگە ارتىق ءسوز سويلەۋگە, جازۋعا بولمايدى ويتكەنى كەيىن ارعى جاقتىڭ ادۆوكاتتارى تىرناق استىنان كىر ىزدەيدى. «سوت پروتسەسى» ءادىل وتەدى دەگەن سەنىم بار. بارىمىزگە سابىر مەن جۇرەك تىنىشتىعىن بەرسىن», دەدى سەرىكباي سۇلتان.
قايعىلى وقيعاعا قاتىستى نۇرايدىڭ ايىم ەسىمدى قۇربىسى دا ءۇنسىز قالمادى. قۇربىسىنىڭ ايتۋىنشا, ايماحان شەرحان مارقۇمعا «مەنى تەمىر تورعا وتىرعىزا المايسىڭ» دەپ سەس كورسەتكەن.
ايىم threads جەلىسىندەگى پاراقشاسىندا مارقۇم مەن كۇدىكتى تويدا تانىسقانىن, سول ۋاقىتتان كەيىن ايماحان شەرحان قۇربىسىنىڭ سوڭىنان قالماي, اقىرىندا قىز بەن وتباسىنىڭ ايقىن قارسىلىعىنا قاراماستان الماتىدان شىمكەنتكە الىپ قاشقانىن جەتكىزدى.
«قىزدى قىلمىسكەردىڭ ۇيىنەن تۋىستارى الىپ كەتكەنىمەن, وسى وقيعادان كەيىن نۇرايدىڭ ءومىرى توزاققا اينالدى. ايماحان شەرحان ۇزاق ۋاقىت بويى ستالكينگپەن اينالىسقان. نۇراي ونى بۇعاتتاعان كەزدە, ونىڭ قۇربىلارىنا جازعان. قۇربىلارىن قايتا-قايتا مازالاپ حابارلاسىپ, الەۋمەتتىك جەلىدەگى پاراقشالارى ارقىلى نۇرايدىڭ ءار قادامىن اڭدىعان. نۇراي بۇل ارەكەتتىڭ بارلىعىن سكرينشوتتاپ, دالەل رەتىندە جيناعان. الايدا پوليتسياعا ارىز جازعان كەزدە ونىڭ ارىزى ءتيىستى تۇردە قاراستىرىلماعان», دەپ جازدى ايىم.
ول بۇل قاندى وقيعانى ءبىر ادامنىڭ ەمەس, قوعامنىڭ تراگەدياسى دەپ باعالاپ, قۇزىرلى ورگانداردان ادىلدىك تالاپ ەتىپ وتىر.
